«Ֆուկուսիմա» ԱԷԿ-ում ռադիոակտիվ ջրի հերթական արտահոսքն է եղել21 հոկտեմբերի 2013 - 10:57 AMT PanARMENIAN.Net - Ճապոնական «Ֆուկուսիմա» ԱԷԿ օպերատոր ընկերությունը՝ Tokyo Electric Power Company (TEPCO)-ն հայտնել է մի քանի տոննա անձրևաջրի արտահոսքի մասին, որը պարունակում էր բարձր ռադիոակտիվություն ունեցող ստրոնցիում-90, հայտնում է «Ռոյթերսը»: Ջուրն արտահոսել է հատուկ պահեստարաններից, որտեղ այն կուտակվում է սառեցման համակարգից: Ըստ TEPCO-ի, անկանխատեսելի հորդառատ անձրևների պատճառով «Ֆուկուսիմայում» տեղադրված պոմպակայնները չեն հասցրել քաշել ջուրը և այն արտահոսել է պահեստարաններից: Թե որքան ջուր է հասցրել ներթափանցել հողի մեջ, այժմ հայտնի չէ: Այդ երևույթը նկատվել է 11 հողամասերում: Ըստ չափումների, վեցում ռադիացիայի մակարդակը գերազանցել է ջրի արտահոսքի համար հաստատված նորմերը: Մասնավորապես, հայտնաբերվել է ստրոնցիում-90-ի պարունակություն, հայտնում է «ՌԻԱ Նովոստին»: Տեղամասերի մի մասում նկատվել է ցեզիում-134-ի և 137-ի պարունակության գերազանցում: Ընկերությունը չի բացառում, որ ջուրը դրենաժային կանալներով կարող էր ծովը թափվել: Օգոստոսին «Ֆուկուսիմա» ԱԷԿ-ում հայտնաբերվեց 2011 թ. հետո ջրի խոշորագույն արտահոսքը՝ 300 տոննա ռադիոակտիվ ջուր: Ատոմային էներգետիկայի վերահսկողության կոմիտեն INES սանդղակով հաստատել էր վտանգի երրորդ մակարդակը: Ռադիոակտիվ ջրի խնդիրը չլուծվածներից մեկն է մնում «Ֆուկուսիմա-1»-ում: Ստորգետնյա պահեստներում կուտակվել է մոտ 440 հազար տոննա աղտոտված ջուր: Ըստ մասնագետների, կայանի տեխնիկական թունելում կա ևս 15 հազար տոննա: «Ֆուկուսիմա-1» ԱԷԿ-ի վթարը տեղի է ունեցել 2011թ. մարտի 11-ին Ճապոնիայի հյուսիս-արևելքում գրանցված 9,0 մագնիտուդ ուժգնության երկրաշարժից հետո: Վթարը վերջին 25 տարվա ընթացքում ամենախոշորն էր Չեռնոբիլի ԱԷԿ-ի վթարից հետո: Տեղի էր ունեցել ռադիացիայի արտահոսք դեպի մթնոլորտ և ծով: Վթարը խոշարագույնն էր վերջին 25 տարում Չերնոբիլի ԱԷԿ-ի վթարից հետո: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |