Le Fiqaro. Ռուսաստանի լրտեսներն ամենուր են Ադրբեջանում ու Ղազախստանում26 հոկտեմբերի 2013 - 14:38 AMT PanARMENIAN.Net - Ֆրանսիական Le Fiqaro թերթը սենսացիոն հոդված է հրապարակել, որտեղ ասվում է, թե Վլադիմիր Պուտինը նպատակաուղղված կերպով զարգացնում է հետախուզական գործունեությունը նախկին խորհրդային հանրապետություններում, որոնք ձգտում են եվրաինտեգրման, գրում է haqqin.az-ը: «ՌԴ հատուկ ծառայություններն ամբողջապես վերահսկում են Ուկրաինան ու Բելառուսը, իսկ Վրաստանի պետանվտանգության մարմիններում աշխատում են ԽՍՀՄ ՊԱԿ նախկին աշխատակիցներից շատերը, որոնք մինչ օրս կապ ունեն Մոսկվայի հետ»,-պնդում է թերթի դիվանագիտական աղբյուրը: Եվրամիության ու ՆԱՏՕ-ի արագ ընդլայնումը մինչև Ռուսաստանի սահմանները եզակի հնարավորություն է տալիս նրան իր գործակալներին տեղավորել այդ երկրներում: «Ռուսաստանն ակտիվացրել է իր մեծ գործակալային ցանցը Արևելյան Եվրոպայի երկրներում: ՌԴ արտաքին հետախուզության ծառայության գրասենյակը Լեհաստանում գտնվում է այդ երկրի ԱԳՆ վարչական շենքի դիմաց: Միևնույն ժամանակ ՌԴ հատուկ ծառայություններն ակտիվանում են Բուլղարիայում ու Չեխիայում: Սակայն Պուտինը չի մոռանում նաև Արևմտյան Եվրոպայի ու ԱՄՆ մասին: ՆԱՏՕ-ի և ԵՄ կենտրոնակայաններում բացահայտվել է եվրոպացի պաշտոնյաների մի ամբողջ ցանց, որոնք աշխատում էին ռուսական հետախուզական ծառայությունների համար: Նրանք բոլորն ազատվել են աշխատանքից առանց հանրության ուշադրությունը գրավելու, սկանդալները բացառվել են»,-պատմում է ազդեցիկ եվրոպացի դիվանագետը: Թերթը նաև գրում է Ֆրանսիայում ՌԴ հետախուզության ակտիվացման մասին: Ինչպես հայտնել է պարբերականին Ֆրանսիայի հատուկ ծառայությունների ներկայացուցիչը, անցյալ տարի կանխվել է Ելիսեյան պալատի դիմաց ուղղափառ եկեղեցու կառուցումը, քանի որ ֆրանսիացիները ժամանակին են իմացել, որը այդտեղ պետք է տեղակայվեր ՌԴ արտաքին հետախուզության բյուրոն: Ինչպես գրում է պարբերականը, գործակալներն ակտիվ են գործում նաև Անդրկովկասի երկրներում, դրան նպաստում են տեղաբնակ ռուսները: «Ռուսաստանի գործակալներն ուղղակի համատարած են Ադրբեջանում ու Ղազախստանում: Նրանք ամենուր են այդ երկրներում»,-պնդում են Le Fiqaro-ի աղբյուրները: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |