«Yerevan Show-2013» ոսկերչական հաջորդ ցուցահանդեսը կանցնի արդեն ազատ տնտեսական գոտում29 հոկտեմբերի 2013 - 16:53 AMT PanARMENIAN.Net - «Yerevan Show-2013» ոսկերչական հաջորդ, թվով չորրորդ, ցուցահանդեսը կանցնի արդեն ազատ տնտեսական գոտու տարածքում: Այդ մասին այսօր հոկտեմբերի 29-ին Երևանում «Ոսկերչական ճյուղի արդի վիճակը. խնդիրներ և հեռանկարներ» խորագրով համաժողովում հայտարարել է «Հայ ոսկերիչների համաշխարհային միության» (AJA) նախագահ Գագիկ Գևորգյանը: Այս նախագծի իրականացման շնորհիվ Հայաստանը կդառնա ոսկերչական ոլորտի առաջատար համաշխարհային կենտրոններից մեկը: Ազատ տնտեսական գոտին կգործի Երևանի «Ավիահամալիր» ձեռնարկության տարածքում: Համալիրը զբաղեցնում է 53 հազար քմ և լուրջ վերակառուցման կարիք ունի: Ըստ Գևորգյանի, շենքն արդեն AJA սեփականությունն է, իսկ առաջիկա 3-4 ամիսներին կավարտվեն վերանորոգման աշխատանքները: Ավելին, նախօրեին ՀՀ վարչապետ Տիգրան Սարգսյանի հետ հանդիպմանը քննարկվել է այդ գոտու օպերատորի կարգավիճակը AJA-ին հանձնելու հարցը: Հայ ոսկերիչների համաշխարհային միության առջև հարց է դրվում ներգրավել գործընկերներին ամբողջ աշՙխարհից այդ գոտում աշխատելու համար: Իր հերթին Հայաստանի էկոնոմիկայի փոխնախարար Տիգրան Հարությունյանը խոստացել է, որ պետկառույցը առավելագույն ջանքերը կգործադրի, որպեսզի օպերատորի կայացման բոլոր ընթացակարգերը սեղմ ժամկետում իրականացվեն: Նա հավելել է, որ Հայաստանի կառավարության համար գերակա է պայմանների ստեղծումը մի ողջ կլաստերի զարգացման համար՝ ոսկերչական իրերի արտադրություն, ադամանդագործություն, ժամագործություն, առավել ևս, որ ոլորտն արտահանման ծավալով երկրորդ տեղում է լեռնահանքային ադրյունաբերությունից հետո: Հայաստանում ոսկերչական ոլորտի ԱՏԳ ստեղծմանն աջակցելու պատրաստակամություն է հայտնել նաև Համաշխարհային ոսկերչական կոնֆեդերացիայի (CIBJO) նախագահ Գաետանո Կավալիերին: «ԱՏԳ ստեղծումն իրականություն կդառնա մոտ ապագայում»,-ասել է նա: Հայաստանում ոսկերչական գործի զարգացման հեռանկարներն այնքան գրավիչ են, որ CIBJO-ն մտադիր է 2016 թ, իր ամենամյա համաժողովը Հայաստանում անցկացնել: Նախատեսվում է, որ ԱՏԳ գործունեության առաջին կես տարում շուրջ 600 աշխատատեղ կստեղծվի: Հայաստանում, ըստ պաշտոնական տվյալների, գործում է 27 ոսկերչական ընկերություն, որտեղ աշխատում է մոտ 230 մարդ: ՀՀ նախագահ Սերժ Սարգսյանը և տիկին Ռիտա Սարգսյանն նախօրեին Կարեն Դեմիրճյանի անվան մարզահամերգային համալիրում ներկա են գտնվել«Երևան շոու-2013» ոսկերչական միջազգային ցուցահանդեսի բացման արարողությանը: Միջոցառումը տեղի է ունեցել ՀՀ կառավարության որոշմամբ ամրագրված մասնագիտական տոնին՝ Ոսկերչի ազգային օրվան հաջորդող օրը: Արդեն ավանդական դարձած ցուցահանդեսին այս տարի ևս մասնակցում են ոսկերչական իրերի և ժամացույցների արտադրության աշխարհահռչակ ընկերություններ, ոսկերիչներ, ոսկերչական զարդերի մատակարարներ ինչպես Հայաստանից, այնպես էլ աշխարհի ավելի քան երկու տասնյակ երկրներից։ Ցուցահանդեսին մասնակցելու համար տարբեր երկրներից Հայաստան է ժամանել նաև շուրջ 140 գնորդ, ինչը, կազմակերպիչների հավաստմամբ, լավ հնարավորություն է ընձեռում տեղական ընկերություններին՝ սպառման նոր շուկաներ գտնելու համար: Ցուցահանդեսը նպատակ ունի ավելի ճանաչելի դարձնել հայ ոսկերիչներին աշխարհում: Ոսկերչական գործի շուրջ 120 վարպետներ են ժամանել ԱՊՀ երկրներից, Իտալիայից, Ֆրանսիայից, Հնդկաստանից, Թուրքիայից, ԱՄՆ-ից, Կանադայից: Նրանք ներկայացրել են թանկարժեք և կիսաթանկարժեք մետաղներից, մարգարտից պատրաստված զարդեր, ժամացույցներ, ինչպես նաև բիժուտերիա: Ներկայացված են նաև ոսկերչական արտադրության սարքավորումներ ու գործիքներ: Ցուցանմուշները վկայում են այն մասին, որ հայ ոսկերիչները ձգտում են հետևել համաշխարհային նորաձևության միտումներին: Այս տարի ցուցահանդեսի պատվավոր հյուրերն են ոսկերչության հայտնի համաշխարհային դեմքեր, մասնավորապես, Համաշխարհային ոսրկերչական կոնֆեդերացիայի (CIBJO) նախագահ Գաետանո Կավալիերին, ինչպես նաև Malca-Amit Global Limited հայտնի ընկերության ղեկավար Նայջել Փաքսմանը: Հայ ոսկերիչների ասոցիացիան (AJA) հիմնադրվել է 1997թ.–ին։ AJA–ն Հայաստանի զարգացման և միջազգային առևտրային ասոցիացիաներից մեկն է։ AJA–ի նպատակն է համախմբել հայ ոսկերիչներին, որպեսզի զարգացնի երկրի ոսկերչական արդյունաբերությունը։ Ասոցիացիան տարածաշրջանային ներկայացուցիչներ ունի ԱՄՆ–ի արևմտյան և արևելյան ափերին, Եվրոպայում, Մերձավոր Արևելքում և Հայաստանում ։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |