Ամերիաբանկի առևտրի ֆինանսավորման ծավալները կազմում են շուկայի ավելի քան 50 տոկոսը31 հոկտեմբերի 2013 - 17:32 AMT PanARMENIAN.Net - Ըստ «Ամերիաբանկ» ՓԲԸ-ի, ինչպես նաև մի շարք միջազգային ֆինանսական կառույցների (EBRD, IFC, Global Trade Finance) հետազոտությունների, Ամերիաբանկի առևտրի ֆինանսավորման ծավալները կազմում են շուկայի ավելի քան 50 տոկոսը: Ընդ որում բանկը բարձր գնահատականի է արժանացել ոչ միայն Հայաստանում, այլ նաև տարածաշրջանում առևտրի ակտիվ ֆինանսավորման համար, ասել է Երևանում կայացած մամլո ասուլիսում «Ամերիաբանկ» ՓԲԸ-ի կորպորատիվ բանկինգի տնօրեն Գագիկ Սահակյանը: 2013 թվականի երրորդ եռամսյակի արդյունքներով հաշվարկային գործիքների ու բանկային երաշխիքների պորտֆելը կազմել է շուրջ 53 մլն դոլար, ինչը 29 տոկոսով ավելի է 2012 թվականի նույն ժամանակահատվածից: Մինչ տարեվերջ բանկը մտադիր է առևտրային ֆինանսավորումը հասցնել 70 մլն դոլարի: «Մենք 150 գործարք ենք կատարել, ինչը ևս 12 տոկոսով գերազանցում է նախորդ տարվա ցուցանիշը»,-հավելել է նա: Ինչ վերաբերում է ֆակտորինգին, ապա 2013 թ. երրորդ եռամսյակում ցուցանիշը եղել է 6,5 մլն դոլար՝ 77 տոկոսի աճ ապահովելով նախորդ տարվա նույն ժամանակահատվածի համեմատ: Ավելին, բանկն այս տարի դարձավ խոշորագույն միջազգային ֆակտորինգային միության՝ Factors Chain International-ի (FCI) անդամ: «Այս հարթակում մենք արդեն մի քանի գործարք ենք կնքել BMP բանկի հետ»,-ասել է բանկիրը: Բանկը նաև կարողացավ դիվերսիֆիկացնել լիզինգային պորտֆելը՝ 2013 թ. երրորդ եռամսյակում այն հասցնելով 7 մլն դոլարի: 2013 թվականին գործարքների քանակը հասավ 40 նախորդ տարվա 10-15-ի փոխարեն, չնայած լիզինգային պորտֆելի աճը 10-տոկոսանոց անկում գրանցեց: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |