ԱՄՆ բյուջեի դեֆիցիտը 2012-2013 ֆինանսական տարում, որն ավարտվեց հոկտեմբերի 30-ին, կազմել է 680 մլրդ դոլար, կամ ՀՆԱ 4 տոկոսը, նախորդ տարվա 1,1 տրլն դոլարի դիմաց, ինչը առավելագույն ցուցանիշն էր 2008 թվականից ի վեր, հայտնել է ֆինանսների նախարարությունը:

Սեպտեմբերին բյուջեի պրոֆիցիտը կազմեց 75,1 մլրդ դոլար և գերազանցեց վերլուծաբանների ակնկալիքները 69 մլրդ դոլարով: Պետական ծախսերի ծավալը հաշվետու ֆինանսական տարում աճել է 13,2 տոկոսով նախորդ տարվա համեմատ և հասել է ռեկորդային նիշի՝ 2, 773 տրլն դոլար՝ 2,449 տրլն դիմաց, իսկ ծախսերի ծավալը կրճատվել է 2,3 տոկոսվ, մինչև 3,454 տրլն դոլար նախորդ տարվա 3,538 տրլն դոլարի դիմաց, հայտնում է «Փրայմ» գործակալությունը:

Ամենամեծ ծախսերն անցյալ տարի պահանջել է առողջապահության ոլորտը՝ (886,3 մլրդ դոլար, սոցվճարները՝ 867,4 մլրդ դոլար և պաշտպանությունը՝ 607 մլրդ դոլար: Ընդ որում կրթության վրա ծախսվել է ընդամենը 41 մլրդ դոլար:

2013-2014 թթ. արդյունքներով բյուջեի դեֆիցիտը կկազմի մոտ 760 մլրդ դոլար: 2014 թ. ֆինանսական տարվա բյուջեի նախագծում, որը ներկայացրել է նախագահ Օբաման, նախատեսվում է ներդրումային պլան, որն ուղղվելու է միջին դասի ամրապնդմանը, նոր աշխատատեղերի ստեղծմանը և տնտեսական աճի խթանմանը: Նախատեսվում են նաև կառուցվածքային բարեփոխումներ ու կապիտալ ներդրումներ կրթության ոլորտում, գիտական հետազոտությունների ու մշակումների ոլորտում, ինչպես նաև ազգային անվտանգության ասպարեզում, հայտնում է ՌԲԿ-ն: