Արմեն Մովսիսյան. Ռուսական կողմը մինչև տարեվերջ կսուբսիդավորի գազի գնի թանկացման տարբերությունը 4 նոյեմբերի 2013 - 14:50 AMT PanARMENIAN.Net - Վերջին ամիսներին հայկական և ռուսական կողմերը ակտիվ բանակցություններ են վարում գնի թանկացման հետևանքով առաջացող տարբերությունը սուբսիդավորելու մասին: Ինչպես այսօր հայտարարել է ՀՀ էներգետիկայի նախարար Արմեն Մովսիսյանն ԱԺ բյուջեի քննարկման ժամանակ, ռուսական կողմը հետ չի կանգնի պայմանավորվածությունից և մինչև հաջորդ տարի կսուբսիդավորի գազի գինը։ Իր ելույթում նախարարը նշեց, որ բանակցությունները ձգձգվեցին, քանի որ այդ ընթացքում Հայաստանն անդամակցեց Մաքսային միությանը և վերաձևակերպման հարց առաջացավ: «Մենք եկանք համաձայնության, պետք էր խնդիրը կարգավորել ձևակերպումների մասով, փաստաթուղթ ստեղծվեր, հետո երբ փաստաթուղթը ստեղծվեց և պետք է ստորագրվեր, առաջ եկավ ՄՄ-ին միանալու խնդիրը, և հիմա խնդիրը լուծվում է այդ լույսի ներքո»,- նշեց նախարարը։ Ըստ Մովսիսյանի, կան հարցեր նաև կապված եվրաինտեգրման գործընթացների հետ: Մինչ այդ նախարարը հայտարարում էր, որ ռուսական կողմը պատրաստ է հրաժարվել 30 տոկոս մաքսատուրքից Հայաստան առաքվող բնական գազի համար: Այս պահի դրությամբ Հայաստանի սահմանին ռուսական գազի գինը կազմում է 270 դոլար, որից 180 դոլարը գազի գինն է, որին գումարվում է 30 տոկոս կազմող մաքսատուրքը: Արմեն Մովսիսյանը նշել է, որ գազի գնի տարբերության սուբսիդավորումը չի արտացոլվել ՀՀ 2014 թ. բյուջեում, քանի որ հարցը հաջողվել է լուծել ռուսական կողմի հետ, հայտնում է «ԱՌԿԱ» գործակալությունը: ԵՄ վերաբերմունքը Հայաստանի հանդեպ մի փոքր սառեց, երբ սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում Եվրասիական միության ձևավորմանը մասնակցելու Հայաստանի մտադրության մասին: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |