Վարդան Պետրոսյանին երկամսյա կալանքի տակ վերցրին (թարմացված) 9 նոյեմբերի 2013 - 23:25 AMT PanARMENIAN.Net - Կոտայքի ընդհանուր իրավասության դատարանը դռնփակ նիստում բավարարել է դերասան Վարդան Պետրոսյանին կալանավորելու վերաբերյալ ոստիկանության ներկայացրած միջնորդությունը․ նրան վերցրել են երկամսյա կալանքի տակ: Դերասանին տեղափոխում են «Դատապարտյալների հիվանդանոց», նրա քրոջ՝ «ո՞ւր եք տանում» հարցին ի պատասխան ասացին Շտապօգնության աշխատակիցները, գրում է «Առավոտ»-ը։ Հոկտեմբերի 20-ին՝ ժամը 21:20-ի սահմաններում, Եղվարդ-Երևան ավտոճանապարհին իրար էին բախվել «ՎԱԶ 2121» ու BMW մակնիշի ավտոմեքենաները: Վերջինի ղեկին Վարդան Պետրոսյանն էր, ում ևս 6 հոգու հետ մարմնական վնասվածքներով տեղափոխել էին հիվանդանոց, այնուհետև՝ վիրահատել: «Վազ 2121» մակնիշի մեքենայի ուղևորներից Էդգար և Էդուարդ Հակոբյանները մահացել էին: Ինչպես լրագրողներին ասել է Պետրոսյանի փաստաբան Նիկոլայ Բաղդասարյանը, դատարանն առանց որևէ իրավական հիմքի հուզական որոշում է կայացրել՝ պատճառաբանելով, թե դերասանն երկու երիտասարդների է զրկել կյանքից: Նա նաև տեղեկացրել է, որ կբողոքարկեն դատարանի որոշումը: Նոյեմբերի 6-ին ոստիկանությունից PanARMENIAN.Net ին հայտնել էին, որ դերասանին ձերբակալելու որոշում է կայացվել։ Նույն օրն ավելի ուշ հայտնի էր դարձել, որ Վարդան Պետրոսյանի ինքնազգացողությունը վատացել է ու նրան կրկին տեղափոխել են «Էրեբունի» բժշկական կենտրոն՝ հետազոտության, բայց համակարգչային տոմոգրաֆիայից հետո նրան տեղափոխեցին «Սթրես» կենտրոն` սթրեսային վիճակի ախտորոշմամբ։ Վթարի փաստի առթիվ հարուցվել էր քրեական գործ` ՀՀ քրեական օրենսագրքի 242 հոդվածի 3-րդ մասի հատկանիշներով: Այն վերաբերում է Ճանապարհային երթևեկության և տրանսպորտային միջոցների շահագործման կանոնները խախտելուն, որն անզգուշությամբ առաջացրել է երկու կամ ավելի մարդու մահ` պատժվում է ազատազրկմամբ` չորսից՝ տասը տարի ժամկետով, զրկելով որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից առավելագույնն երեք տարի ժամկետով: Հոկտեմբերի 3-ին դերասանին դուրս էին գրել հիվանդանոցից: Վթարից տուժած Տաթև Հակոբյանը, ով կոտրվածքներ էր ստացել, դեռևս շարունակում է բուժումը հիվանդանոցում: Հղումներ թեմայով. Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |