Ռիգայում առևտրի կենտրոնի փլուզման հետևանքով ՀՀ քաղաքացի է զոհվել22 նոյեմբերի 2013 - 17:55 AMT PanARMENIAN.Net - Երեկ Ռիգայի Maxima առևտրի կենտրոնի տանիքի փլուզման հետևանքով զոհվածների թվում նաև ՀՀ քաղաքացի կա՝ Նաիրա Գրիգորյանը: Այդ մասին հայտնել է ՀՀ ԱԳՆ մամուլի ծառայությունը: Վերջին տվյալներով, զոհվածների թիվը հասել է 43-ի, չորս տասնյակից ավելի մարդ վնասվածքներ է ստացել, հայտնում են Լատվիայի ԶԼՄ-ները: Տուժածների թվում նաև երեխա կա, որի վիճակը գնահատվում է բավարար: Փլուզման հետևանքով տուժել են նաև փրկարարներ, նրանցից երեքը զոհվել է: Փրկարար ծառայության երկու աշխատակիցներին օգնություն է ցուցաբերվել տեղում, նրանք կրկին անցել են փլատակների մաքրման աշխատանքներին: Լատվիայի ոստիկանությունը հայտարարել է, որ, ըստ տեսագրող խցիկների տեսագրությունների, փլատակների տակ կարող է ևս 40 մարդ լինել: Փրկարարները դեռևս պետք է զննեն 600 քմ: Լատվիայում նոյեմբերի 23, 24-ն ու 25-ը սգո օրեր են հայտարարվել: Նոյեմբերի 24-ը սգո օր է հայտարարվել նաև Լիտվայում: Ռիգայի դատախազությունը քրեական գործ է հարուցել փլուզման փաստով: Հավանաբար, արտակարգ պատահարի պատճառ է դարձել շինարարական ընկերության թերացումը, որը տանիքում մոտ 50 տ շինանյութ է տեղադրել՝ սխալ բաշխելով բեռը: Արդյունքում, շենքը, որը ճարտարապետական պարգևի էր արժանացել 2011 թվականին, փլվել է: Նախ փլուզվել են առևտրի կենտրոնի պատերից մեկն ու տանիքը: Երբ ժամանել են առաջին փրկարարները և սկսել են հանել տուժածներն, ևս մի պատ է փլուզվել: Ընդհանուր մակերեսը կազմել է մոտ 500 քմ: Հիմնական հարվածը ստացել են բանջարեղենի խանութն ու Drogas խանութը: Maxima առևտրի կենտրոնը կառուցվել է 2011 թ. Homburg Group ընկերության և RE&RE ձեռնարկության կողմից: Photo: RIA Novosti Հղումներ թեմայով. Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |