  Իսրայելում ելույթ կունենա հայտնի դաշնակահար Սերգեյ Բաբայանը 25 նոյեմբերի 2013 - 11:44 AMT PanARMENIAN.Net - Նոյեմբերի 26-ին Իսրայելում միակ համերգով ելույթ կունենա ամերիկահայ դաշնակահար Սերգեյ Բաբայանը: Նրա համերգով Աշդոդի բեմական արվեստների կենտրոնում կբացվի երիտասարդ դաշնակահարների համաիսրայելյան մրցույթը: Սերգեյ Բաբայանը փայլուն երաժիշտ է, Դանիիլ Տրիֆոնովի ուսուցիչն ու հայտնի մանկավարժ: Նրա համերգները միշտ իրադարձություն են: Բաբայանը սովորել է Մոսկվայի կոնսերվատորիայում լեգենդար Վերա Գորնոստաևայի, Լև Նաումովի, Միխայիլ Պլետնյովի և Լև Վլասենկոյի մոտ: Նա ԽՍՀՄ շրջանի այն դաշնակահարներից էր, որոնք խորհրդային համակարգի փլուզման արդյունքում ստիպված եղան մասնակցել մրցույթներին առանց պետության ֆինանսական աջակցության: Առաջին արտասահմանյան ուղևորությունից քիչ անց, Սերգեյ Բաբայանը մի քանի առաջին մրցանակների արժանացավ հեղինակավոր միջազգային մրցույթներում: Դրանց հաջորդեցին բազմաթիվ առաջարկներն ու պայմանագրերը Եվրոպայում, Ճապոնիայում, Նոր Զելանդիայում, Ավստրալիայում, Հարավային Աֆրիկայում, Հարավային Ամերիկայում և ԱՄՆ-ում: 1989 թվականից Սերգեյ Բաբայանը աշխատում և ապրում է ԱՄՆ-ում: Նա Քլիվլենդի երաժշտական դպրոցի դասախոս է: Նրա երկացանկը հարուստ է դասական և ժամանակակից կոմպոզիտորների ստեղծագործություններով: Բաբայանը համագործակցում է աշխարհի ամենահայտնի սիմֆոնիկ նվագախմբերի հետ, այդ թվում Լոնդոնի սիմֆոնիկ նվագախմբի, Քլիվլենդի, Մարինյան թատրոնի սիմֆոնիկի հետ: Աշդոդում նա ելույթ կունենա Աշդոդի դասական նվագախմբի հետ, գրում է culbyt.com-ը: Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
