  Վիլնյուսում սպասում են նախագահ Սարգսյանին (թարմացված) 26 նոյեմբերի 2013 - 17:27 AMT PanARMENIAN.Net - Նախագահ Սերժ Սարգսյանը նոյեմբերի 28-ին երկօրյա աշխատանքային այցով կմեկնի Լիտվայի Հանրապետություն՝ մասնակցելու Վիլնյուսում կայանալիք Եվրոպական ժողովրդական կուսակցության (ԵԺԿ) և ԵԺԿ Արևելյան գործընկերության պետությունների ղեկավարների գագաթնաժողովներին: Ինչպես հայտնում են նախագահի մամուլի ծառայությունից, այցի շրջանակում Վիլնյուսում նախատեսվում են նաև Հանրապետության նախագահի երկկողմ ձևաչափով հանդիպումներ: Վիլնյուսում նոյեմբերի 28-29-ին Արևելյան գործընկերության երրորդ գագաթնաժողովն է, որին մասնակցելու են Հայաստանը, Ադրբեջանը Վրաստանը, Բելառուսը, Ուկրաինան ու Մոլդովան։ Ըստ Եվրահանձնաժողովի մամուլի հաղորդագրության, Հայաստանը գագաթնաժողովում ներկայացնելու է ՀՀ նախագահ Սերժ Սարգսյանը, Ադրբեջանը՝ նախագահ Իլհամ Ալիևը, Վրաստանը՝ նախագահ Գեորգի Մարգվելաշվիլին, Ուկրաինան՝ նախագահ Վիկտոր Յանուկովիչը, Մոլդովան՝ վարչապետ Յուրի Լյանկեն ու Բելառուսը՝ արտգործնախարար Վլադիմիր Մակեյը։ Գագաթնաժողովին մասնակցելու են ԵԽ նախագահ Մարտին Շուլցը, ԵՄ արտաքին քաղաքական հարցերով հանձնակատար Քեթրին Էշթոնն ու ԵՄ Ընդլայնման և հարևանության հարցերով հանձնակատար Շտեֆան Ֆյուլլեն։ «Ժողովուրդ»-ը նոյեմբերի 26-ի իրհամարում՝ հղում անելով իր աղբյուրներին, գրել է, թե Սերժ Սարգսյանը մտադիր չէ մասնակցել գագաթնաժողովին: «Աղբյուրների պնդմամբ՝ հայկական պատվիրակությունը գլխավորելու է ԱԳ նախարար Էդվարդ Նալբանդյանը, և Վիլնյուսում նախատեսված է ստորագրել 3-էջանոց հայտարարություն, որտեղ կողմերն արձանագրելու են, որ այս տարիների ընթացքում շատ բան է արվել ՀՀ-ում, և ՀՀ-ի առաջ դեպի Եվրոպա դռները փակված չեն»,- գրել էր թերթը: Իր հերթին «Հայկական ժամանակը» հիշեցնում էր, որ գագաթնաժողովին Հայաստանի մասնակցության մակարդակն ու ԵՄ-ի հետ ստորագրվելիք փաստաթղթի բովանդակությունը դեռ պարզ չեն Թերթի դիվանագիտական աղբյուրը պատմել էր, թե փաստաթղթի նախագիծը, որ Հայաստանը ներկայացրել է ԵՄ-ին ու ցանկություն հայտնել վիլնյուսյան գագաթնաժողովին ստորագրել, չի արժանանում ԵՄ անդամ որոշ երկրների հավանությանը։ Բանակցությունները մինչև օրս շարունակվում են, ու դրանց արդյունքներից է կախված՝ Սերժ Սարգսյանը կմեկնի Վիլնյուս, թե ոչ։ Հայկական կողմը հակված չէ զիջումների գնալուն ու ձևակերպումները փոխելուն։ Ենթադրվում է՝ դրանք առնչվում են կամ Մաքսային միության շահերին, կամ ԼՂ հիմնախնդրին, գրում է թերթը։    «Արևելյան գործընկերություն» «Արևելյան գործընկերություն» ծրագիրը ներկայացվել է Լեհաստանի ԱԳՆ-ի կողմից Շվեդիայի մասնակցությամբ 2008 թ-ի մայիսի 26-ին Արտաքին հարաբերությունների խորհրդին: 2009 թ-ի մայիսի 7-ին Պրահայում (այն ժամանակ Պրահան նախագահում էր ԵՄ-ում) «Արևելյան համագործակցություն» ծրագրի շրջանակներում տեղի ունեցավ հիմնադիր հանդիպում: Այդ նախագծի գլխավոր նպատակը ԵՄ-ի մերձեցումն է նախկին ԽՍՀՄ երկրների` Հայաստանի, Մոլդովայի, Բելառուսի, Ուկրաինայի, Ադրբեջանի, Վրաստանի հետ:  Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Սյուժե Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
