Մոսկվան հրաժեշտ տվեց Յուրի Յակովլևին 3 դեկտեմբերի 2013 - 15:24 AMT PanARMENIAN.Net - Մոսկվայում հրաժեշտ տվեցին ԽՍՀՄ ժողովրդական դերասան Յուրի Յակովլևին: Նա վախճանվեց 85 տարեկանում նոյեմբերի լույս 30-ի գիշերը: Արարողությունը սկսվեց Վախթանգովի անվան թատրնում 10:00-ին՝ հսկայական դահլիճը լի էր երկրպագուներով: Պատվո պահակախմբում իրար էին փոխարինում Վախթանգովի, այլ թատրոնների դերասաններն ու ռեժիսորները: Հանգուցյալին շրջապատում էին հարազատները՝ կինը, երեխաները, թոռները: Արբատում մարդիկ հերթ էին կագնել սիրված դերասանին հրաժեշտ տալու համար: Դահլիճում հնչում էր երաժշտություն և Մարինա Ցվետաևայի բանաստեղծությունների ձայնագրությունները Յակովլևի կատարմամբ: Արարողության ավարտին բեմում հավաքվել էր թատրոնի ողջ թատերախումբը: Դահլիճը ծափահարում էր ոտնկայս: Սգո թափորը շարժվեց դեպի Նովոդևիչյան գերեզմանատուն: Թափորը ուղեկցում էին ծափահարություններն ու «բրավո» բացականչությունները, գրում է «ՌԻԱ Նովոստի» գործակալությունը: Յակովլևի ընտանիքին ցավակցական հեռագիր էին հղել ՌԴ նախագահ Վլադիմիր Պուտինը, Մոսկվայի քաղաքապետ Սերգեյ Սոբյանինը, վարչապետ Դմիտրի Մեդվեդևը, մշակույթի նախարար Վլադիմիր Մեդինսկին: ԽՍՀՄ ժողովրդական դերասան Յուրի Յակովլևը ծնվել է 1928 թվականի ապրիլի 25-ին, Մոսկվայում, իրավաբանի ընտանիքում։ Սովորել է երեկոյան դպրոցում, աշխատել է որպես ավտոմեխանիկի օգնական: 1952 թվականին ավարտել է Շչուկինի անվան թատերական ինստիտուտը: 1952 թվականից հանդես է եկել Եվգենի Վախթանգովի անվան թատրոնի բեմում: Յակովլևը խաղացել է 100-ից ավելի դերեր թատրոնում և կինոյում: Կինոյում դերասանը սկսել է նկարահանվել է 1956 թվականից: Իսկ ճանաչում նրան բերեց իշխան Միշկինի դերակատարումը Ֆյոդոր Դոստոևսկու «Ապուշը» վեպի էկրանավորման մեջ: Հանդիսատեսը հատկապես սիրեց նրա դերակատարումները Էլդար Ռյազանովի ֆիլմերում: Նրա ամենահայտնի աշխատանքներից են «Իվան Վասիլևիչը փոխում է մասնագիտությունը» ֆիլմում Իվան Ահեղի, «Ճակատագրի հեգնանքը կամ բաղնիքդ անուշ» ֆիլմում Իպոլիտի դերերը: Յուրի Յակովլևի մասին պատմությունների մեծ մասը սկվում է այն դրվագից, ինչպես նրան 1948 թվականին չընդունեցին Կինեմատոգրաֆիայի ինստիտուտ «կինոգիենիկ չէ» ձևակերպմամբ: Դա իրոք շռնդալից սկիզբ էր մի դերասանի համար, որի արտաքինը Ջորջ Քլունիի հետ է կարելի համեմատել միայն: Յուրի Յակովլևը հայտնի էր որպես կենսախինդ անձնավորություն: Ազնվականի դիմագծերով այդ համակրելի տղամարդը խոստովանում էր, որ սիրում է ավտոմեքենաները «քչփորել»՝ առաջին մասնագիտությամբ նա ավտոմեխանիկ էր, և սունկ հավաքել: Դերասանը երբեք չէր վախենում ծիծաղելի թվալ և միշտ ասում էր, որ հանդիսատեսին ծիծաղեցնելը ամենաբարդն ու ամենագնահատելին է դերասանական արհեստում… Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման |