Հերթական ադրբեջանցի գրոհայինն է սպանվել Սիրիայում 6 դեկտեմբերի 2013 - 16:01 AMT PanARMENIAN.Net - Սիրիայում սպանվել է Ադրբեջանի քաղաքացի Ռուստամ Ասկերովը: Ինչպես հայտնում է minval.az-ը, այդ մասին տեղեկությունը ստացվել է «Իրաքի և Շամայի իսլամական պետություն» զինյալ խմբավորումից: Ասկերովը համարվում էր խմբավորման կազմում կռվող ադրբեջանցիների գաղափարախոսը: Սաուդյան Արաբիայի Մեդինայի Իսլամի համալսարանն ավարտած Ասկերովը 20 տարեկանից կռվել է կրոնական խմբավորումների կազմում տարբեր իսլամական երկրներում: Հայտնի է նաև, որ Ասկերովը Ադրբեջանում 4 տարի բանտում է նստել: Վերջերս ԶԼՄ-ները հայտնեցին Սիրիայում ադրբեջանցի գրոհայինների մահվան մի քանի փաստերի մասին: Ապրիլին թուրքական կայքերը հայտնեցին, որ Սիրիայում արդեն 30 ադրբեջանցի գրոհային է սպանվել: Ըստ ադրբեջանցի քաղաքագետ Արիֆ Յունուսի, Սիրիայում, Աֆղանստանում ու Պակիստանում կռվում են մոտ 300 ադրբեջանցի իսլամիստներ: Միջազգային ահաբեկչության ու Ադրբեջանի կապերը սկիզբ են առնում 1990-ականներից: Այն ժամանակ ադրբեջանական բանակը, անհաջողություն կրելով ԼՂՀ դեմ ագրեսիայում, նահանջում էր՝ կորուստներ կրելով: Փորձելով փրկել իրավիճակը, այն ժամանակվա նախագահ Հեյդար Ալիևը Լեռնային Ղարաբաղի հայերի դեմ պայքարում ներառեց նաև միջազգային ահաբեկիչների ու ծայրահեղական խմբավորումների անդամների Աֆղանստանից (Գուլբեդդին Հեկմաթիյարի խմբավորում), Թուրքիայից («Գորշ գայլեր» և այլն), Չեչնիայից (Բասաևի, Ռադուևի խմբավորումներ և այլն) և այլ շրջաններից: Չնայած հազարավոր օտարերկրացի վարձկանների ու ահաբեկիչների մասնակցությանն ադրբեջանական բանակի կազմում Լեռնային Ղարաբաղի դեմ պատերազմին, ադրբեջանական ագրեսիան անհաջողության մատնվեց ու Բաքվի իշխանությունները ստիպված եղան հրադադար կնքել ԼՂՀ ու Հայաստանի ներկայացուցիչների հետ: Իսկ միջազգային ահաբեկիչները, կապեր հաստատելով Ադրբեջանում, օգտվեցին դրանից նաև հետագայում: Ադրբեջանցիներն անդամագրվում էին ու հետո կռվում Աֆղանստանում ու Հյուսիսային Կովկասում միջազգային կոլիացիայի կամ ռուսական ուժերի դեմ: Վերջին տարիներին Ադրբեջանի քաղաքացիներն ակտիվորեն մասնակցում են ահաբեկչական գործողություններին Ռուսաստանում, Աֆղանստանում ու Սիրիայում: Ադրբեջանում այդ անձինք քրեական պատասխանատվության են կանչվում «Աֆղանստանում ապօրինի զինված կազմավորումներին անդամակցելու համար», սակայն դատապարտվում են ազատազրկման աննշան ժամկետների: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 115 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |