ՌԴ հայկական կազմակերպությունների ՀԽ. Սգում ենք և հիշում երկրաշարժի զոհերին 7 դեկտեմբերի 2013 - 11:41 AMT PanARMENIAN.Net - Սպիտակի երկրաշարժի 25-ամյա տարելիցի օրը Ռուսաստանի հայկական կազմակերպությունների Համակարգող խորհուրդը (ՌՀԿ ՀԽ) հանդես է եկել հայտարարությամբ, որտեղ մասնավորապես ասվում է. «Դժվար է խոսքեր գտնել նկարագրելու համար այն ողբերգության մասշտաբները, որ տեղի ունեցավ հայոց հողի վրա: Աննախադեպ բնական աղետը ցնցեց ողջ աշխարհը: Տուժածներին օգնելու համար հզոր շարժում սկսվեց: Փորձության դժվարին պահին հայ ժողովրդին Խորհրդային Միության տարբեր կողմերից օգնության շտապեցին կամավորները՝ փրկարարներ, բժիշկներ, շինարարներ, օդաչուներ, երկաթուղայիններ, զինծառայողներ, ուսանողներ, Հայաստան էին մեկնում բոլոր նրանք, ով կարող էր ինչ-որ բանով օգտակար լինել: Արևմտյան երկրներից շատերը նույնպես աղետի գոտի ուղարկեցին մարդկանց, տեխնիկա և այն ամենն, ինչ անհրաժեշտ էր: Ամենուր հումանիտար օգնություն էր հավաքվում: Ավերածությունների վերականգնման համար Հայաստան մեկնեց 45 հազար շինարար: Մոսկվայում զգալի օգնություն ցուցաբերվեց տուժածներին: Նրանց տեղավորում էին վերաբնակեցման ֆոնդի դատարկ բնակարաններում, հանրակացարաններում, նույնիսկ էլիտար հյուրանոցներում: Այս տարի դեկտեմբերի 7-ին լրանում է Սպիտակի ավերիչ երկրաշարժի 25-ամյա տարելիցը: Այս օրը մենք սգում ենք ու հիշում այդ ահավոր աղետի բոլոր զոհերին: Թող պայծառ լինի նրանց հիշատակը: Համակարգող խորհրդի անունից անկեղծ երախտագիտություն ենք հայտնում ռուս և մյուս ժողովրդներին, շնորհակալություն ենք հայտնում բոլոր փրկարարներին ու երկրաշարժի հետևանքների վերականգնման մասնակիցներին, բոլոր նրանց, որ անմասն չմնաց, ով օգնության ձեռք մեկնեց ծանր պահին: Խորին շնորհակալություն բոլորին, ով մեր կողքին էր դժվարին պահին, բոլոր նրանց, ով վտանգում էր կյանքը, բոլոր նրանց, ով կիսեց Հայաստանի վիշտը, ով հայ ժողովրդի ցավը սեփական ցավի պես ընդունեց»: Սպիտակի երկրաշարժը տեղի է ունեցել 1988թ. դեկտեմբերի 7-ին, Գրինվիչի ժամանակով ժամը 7 անց 41 րոպե 22,7 վայրկյան (տեղական ժամանակով 11 անց 41րոպե 22,7 վրկ.): Ուժգնությունը էպիկենտրոնում գնահատվել է 10 բալ: Սպիտակի երկրաշարժը պատկանում է այսպես կոչված լրիվ ցիկլի երկրաշարժերին` նախացնցումներ, հիմնական ցնցում, հետցնցում: Երկրաշարժը ընդգրկել է ՀՀ տարածքի մոտ 40%-ը, Տուժել են 21 քաղաք և շրջան, 342 գյուղ: Անօթևան է մնացել 514 հազար մարդ: Զոհերի թիվը կազմել է 25000 մարդ: ՀԽՍՀ նյութական կորուստները գնահատվում են մոտ 10 մլրդ ռուբլի այն ժամանակվա գներով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |