Դանիան ու Նորվեգիան պատրաստ են դուրս բերել քիմզենքը Սիրիայից 7 դեկտեմբերի 2013 - 14:20 AMT PanARMENIAN.Net - Դանիան ու Նորվեգիան իրենց ծառայություններն են առաջարկում Սիրիայից քիմիական զենքը դուրս բերելու համար և պատրաստ են այդ նպատակով հատկացնել ՌԾՈւ ռազմանավեր, ինչպես նաև հատուկ մասնագիտացված բեռնատար նավեր, ասվում է երկու երկրների պաշտպանության նախարարությունների համատեղ հայտարարության մեջ, որ տարածվել է այսօր: Սիրիական քիմիական զենքի արսենալները նախատեսվում է դուրս բերել սիրիական Լաթակիա նավահանգստից չեզոք ջրեր, որտեղ դրանք կտեղափոխվեն ամերիկյան նավի վրա՝ հետագա ոչնչացման համար: Երկու եվրոպական երկրների հայտարարության մեջ ասվում է, որ Դանիան կարող է ստանձնել գործողության հրամանատարությունը, իսկ Նորվեգիան՝ աջակցել, հայտնում է newsru.com-ը: Նոյեմբերի վերջին ԱՄՆ-ն առաջարկեց ոչնչացնել քիմիական զենքի պաշարները Միջերկրական ծովի միջազգային ջրերում իր նավերից մեկի վրա: ՄԱԿ ԱԽ-ն սեպտեմբերի 27-ին միաձայն հավանություն տվեց Սիրիայում քիմիական զենքի ոչնչացման վերաբերյալ բանաձևին: ՄԱԿ կանոնադրության 7-րդ հոդվածը կոչվում է «Գործողությունները խաղաղության սպառնալիքի, խաղաղության խախտման և ագրեսիայի ակտերի դեպքում», որով նախատեսվում է պատժամիջոցների կիրառում ԱԽ որոշմամբ, ինչպես նաև զինված ուժերի կիրառում «միջազգային խաղաղության և անվտանգության պահպանման կամ վերականգնման համար»:Բանաձևի տեքստն ընդունվեց Ռուսաստանի և ԱՄՆ ինտենսիվ բանակցությունների արդյունքում: Նրա հիմքում 2013թ. սեպտեմբերի սկզբին Ժնևում ընդունած համաձայնությունն է: Դամասկոսը մինչև նոյեմբերի 1-ը պետք է շարքից հաներ քիմիական զենքի արտադրության բոլոր սարքրավորումներն ու հզորությունները, ինչն էլ արվեց: ՔԶԱԿ տեսուչները ստուգեցին Սիրիայի քիմիական 23 օբյեկտներից 21-ը: Երկուսը վտանգավոր էին տեսչության համար, սակայն սարքավորումները դուրս բերվեցին այնտեղից: Սիրիայում արդեն երկու տարուց ավելի է շարունակվում են կառավարական ուժերի բախումները զինված ընդդիմության հետ: Ըստ ՄԱԿ տվյալների, Սիրիայում հակամարտության զոհերի ընդհանուր թիվը հասնում է 125 հազարի: Սիրիական իշխանությունները հայտարարում են, որ իրենց դիմակայում են լավ զինված գրոհայիններ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |