Պուտինն առաջարկել է գործատուներին օտարերկրացիներին աշխատանքի ընդունել պատենտների հիման վրա12 դեկտեմբերի 2013 - 16:49 AMT PanARMENIAN.Net - Ռուսաստանի նախագահ Վլադիմիր Պուտինն առաջարկել է օտարերկրացիներին աշխատանքի ընդունել պատենտների հիման վրա, ինչպես նաև արգելել օրինախախտներին մուտքը ՌԴ 3-10 տարով: «Հարկավոր է ուժեղացնել հսկողությունն օտարերկրացիների ներգաղթի նպատակների առումով, ինչպես դա արվում է քաղաքակիրթ երկրներում: Պետությունը պետք է իմանա ինչու և ինչ նպատակով է օտարերկրացին այցելում Ռուսաստան»,-ասել է նախագահը: «Ընդ որում հարկ կլինի լուծել այն օտարերկրացիների հարցը, որոնք մուտք են գործել երկիր առանց վիզաների և Ռուսաստանում են գտնվում առանց որոշակի նպատակի, իբր, քանի որ հավանաբար, նրանք այնուամենայնիվ ունեն ինչ-որ նպատակ, սակայն պետությունն այդ մասին չգիտի»,-նշել է Պուտինը, գրում է «Վզգլյադ» թերթը: Պուտինը հավաստիացրել է, որ նրանց համար, ով կխախտի կացության կանոնները երկրում, մուտքը ՌԴ կարգելվի 3-10 տարով կախված զանցանքի ծանրությունից: Նախագահը նաև հանձնարարել է կանոնակարգել առանց վիզաների ՌԴ ժամանող օտարերկրացիներին աշխատանքի ընդունելու հարցը: Մասնավորապես, նա առաջարկեց «փոխել գործող պատենտային համակարգը»: «Այժմ օտարերկրացի աշխատակիցը պետք է պատենտ ձեռք բերի, եթե աշխատում է ֆիզիկական անձի մոտ: Առաջարկում եմ, որ իրավաբանական անձինք ու անհատ ձեռներեցները նույնպես հնարավորություն ունենան պատենտի հիման վրա վարձելու օտարերկրացի աշխատողի»,-ասել է Պուտինը, գրում է «Վզգլյադ» թերթը: Ըստ նրա, «պատենտի արժեքը կորոշի ինքը ՌԴ սուբյեկտը, կախված իրավիճակից աշխատանքի շուկայում ու այդ տարածքում բնակչության եկամուտների միջին մակարդակից»: «Պատենտների համակարգերը պետք է տարբերակված լինեն, խթանեն ներհոսքը Ռուսաստան առաջին հերթին պրոֆեսիոնալ, կրթված մասնագետների, որոք տիրապետում են ռուսաց լեզվին և մոտ են մեր մշակույթին»,-գտնում է Պուտինը: Նա նաև հանձնարարել է «խստացնել գործատուների պատասխանատվությունը օտարերկրացի բանվորների աշխատանքն օգտագործելու համար: Եթե նրանք ապրում ու աշխատում են Ռուսաստանում, օգտվում են կրթության, առողջապահության համակարգերից, պետք է համապատասխան պատասխանատվություն կրեն՝ հարկեր վճարեն ու այլ մուծումներ կատարեն»: Ավելի վաղ Ռուսաստանի Դաշնային միգրացիոն ծառայության ղեկավար Կոնստանտին Ռոմոդանովսկին հայտարարել էր, որ այժմ Ռուսաստանում մոտ 3,5 մլն ապօրինի միգրանտ կա: «ՌԴ տարածքում մոտ 8,5 մլն մարդ կա, որոնք օգտվում են առանց մուտքի արտոնագրերի ռեժիմից: Ապօրինի ներգաղթյալները հիմնականում ԱՊՀ-ից են, որոնք օրինական են մուտք գործել երկիր, սակայն խախտել են այստեղ մնալու ժամկետը: Ըստ մեր գնահատականների, Ռուսաստանի տարածքում 3,5-3,6 մլն ապօրինի ներգաղթյալ կա, որոնք ապօրինի են աշխատում երկրում»,-ասել է նա: Նա նաև նշել է, որ ամեն տարի համակարգն ինքնաբերաբար փակում է մուտքը մոտ 3 հազար ապօրինի ներգաղթյալների համար: Այսօրվա դրությամբ մուտքը փակ է 410 հազար օտարերակրացի քաղաքացիների համար, հայտնում է «ՌԻԱ Նովոստի» գործակալությունը: Նոյեմբերին Ռուսաստանի կառավարությունը Պետդումային ներկայացնելու համար նախապատրաստել է ուղղումներ, որոնց համաձայն միգրանտների ադապտացիայի գործին կմասնակցեն նաև ոչ առևտրային կազմակերպությունները: Դա չի խանգարում կանոնների փոփոխմանը Ռուսաստան մուտք գործողների համար: Պետական սահմանային հանձնաժողովը Դիմիտրի Ռոգոզինի ղեկավարությամբ նախաձեռնել է մի շարք ուղղումների մշակում, որոք կպարտավորեցնեն ՌԴ մուտք գործող միգրանտներին բժշկական ապահովագրություն ստանալ: Կփոխեն նաև երկրում կացության կանոնները՝ առանց մուտքի արտոնագրի ու աշխատանքի թույլտվությունը Ռուսաստանում 90 օրից ոչ ավելի կլինի «կես տարվա ժամկետի շրջանակում»: Ըստ ՀՀ տարածքային կառավարման նախարարության կայքում հրապարակված տվյալների, 2012 թ. առաջին կիսամյակում ՀՀ 156 184 քաղաքացի է միգրացիոն հաշվառման կանգնել ՌԴ տարածքային մարմիններում, 2 701 ՀՀ քաղաքացի ստացել է ՌԴ քաղաքացիություն: 11 627-ը ստացել է ՌԴ-ում բնակվելու ժամանակավոր թույլտվություն, 9 673-ին տրվել է բնակվելու իրավունք: Հաշվետու շրջանում ՀՀ 31 000 քաղաքացի աշխատելու իրավունք է ստացել Ռուսաստանում, որից 47,30 տոկոսը շինարարության ոլորտում, 20,60 տոկոսը՝ ծառայությունների ոլորտում, 13,70 տոկոսը՝ տրանսպորտի ու կապի ոլորտում, 3,6 տոկոսը՝ մանրածախ և մեծածախ առևտրի ոլորտում: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Արժույթի միջազգային հիմնադրամը բարելավել է ՀՀ ՀՆԱ-ի աճի կանխատեսումը Համաշխարհային բանկը բարելավել է Հայաստանի տնտեսական աճի կանխատեսումը 2024-ին 4․7%-ից մինչև 5․5% Գյումրիից երթով շարժվել են դեպի Աբովյան՝ միանալու Բագրատ սրբազանի առաջնորդած քայլերթին Բագրատ սրբազանի առաջնորդությամբ երթը Երևան կհասնի մայիսի 9–ին ԶԼՄ․ 44–օրյայի ժամանակ սլովակյան լիցենզիայով Իսրայել տեղափոխված զենքը գնել է Ադրբեջանը՝ ԵՄ էմբարգոյով ուղիղ առաքումներն արգելված էին Բաքվում խոստովանել են, որ արդեն կարող են ուղիղ գործակցել Սլովակիայի հետ՝ Իսրայելի տարածքից չօգտվելով ԱԺ–ում Վենետիկի հանձնաժողովի և ԵԽ ներկայացուցիչների հետ ազգային փոքրամասնություններին առնչվող հարցեր են քննարկել Ռուստամ Բաքոյանն ընդգծել է միջազգային կառույցների հետ ակտիվ համագործակցությունը |