Սպառողների միության ղեկավար. Ամանորի շեմին որոշ ապրանքներ, հնարավոր է, 8–10 % թանկանան16 դեկտեմբերի 2013 - 15:10 AMT PanARMENIAN.Net - «Հայաստանում վերջին տարիներին Նոր տարվա նախաշեմին սննդամթերքի որոշ տեսակների գների բարձրացման միտում է նկատվում։ Եվ չնայած վերջերս այդ միտումը նվազում է, այնուամենայնիվ, դեռ առկա է»,- լրագրողների հետ հանդիպմանն ասել է Հայաստանի սպառողների ասոցիացիա ղեկավար Արմեն Պողոսյանը: Ըստ Պողոսյանի, 2012-ին հանրապետությունում Ամանորի տոներից առաջ սննդամթերքի որոշ տեսակներ թանկացան մոտ 12 տոկոսով, իսկ այս տարի ցուցանիշը կկազմի մոտ 8–10 տոկոս, գրում է ԱՌԿԱ գործակալությունը: Խոսելով այն մթերքների մասին, որոնք կարող են թանկանալ տոների նախաշեմին` Պողոսյանը նշել է ձուկը, միրգը, ընկուզեղենն ու կանաչին։ Միաժամանակ նա ավելացրել է, որ վերջին օրերին ձկան և ընկուզեղենի արժեքը սկսել է աստիճանաբար բարձրանալ։ «Ինչ վերաբերում է մսին, ապա չեմ կարծում, որ Ամանորին այն կթանկանա», – ասել է նա,. գրում է Tert.am-ը։ Նախատոնական օրերին ՏՄՊՊՀ-ն կխստացնի բարձր կոնցենտրացիայով շուկաների հանդեպ վերահսկողությունը, դեկտեմբերի 12-ի կառավարության նիստից հետո ասել էր հանձնաժողովի նախագահ Արտակ Շաբոյանը: Մասնագետը նշել էր, որ մանրածախ վաճառքում կկանխվեն ոչ միայն չհիմնավորված թանկացումները, այլև անբարեխիղճ գովազդային ակցիաները՝ ընկերությունները կպատժվեն, եթե ակցիաների և զեղչերի մասին հայտարարությունները չհամապատասխանեն իրականությանը: Ավելի վաղ «Իրազեկ և պաշտպանված սպառող» ՀԿ-ն նախագահ Բաբկեն Պիպոյանը նշել էր, որ Ամանորին ընդառաջ հնարավոր են թանկացումներ հատկապես պտուղ-բանջարեղենի շուկայում, իսկ մսամթերքը չի թանկանա: Ամանորի զեղչերի մասով մասնագետը նշել էր, որ պետք է ուսումնասիրել այս ոլորտը, քանի որ մի շարք խանութներում դրանք իրական չեն: 2013-ի նոյեմբերին, հոկտեմբերի համեմատ, պարենային ապրանքների գների արձանագրված 1.8% աճը հիմնականում ձկնամթերք, բանջարեղեն և կարտոֆիլ ապրանքախմբերի` 3.3-22% գնաճի արդյունք է: ՀՀ ազգային վիճակագրական ծառայության տվյալների համաձայն, մսամթերքի ապրանքախմբում 2013-ի նոյեմբերին 2012-ի նոյեմբերի համեմատ գներն աճել են 3.7%, իսկ 2013-ի հոկտեմբերի համեմատ գրանցվել է գների հարաբերականորեն կայուն մակարդակ: Ձվի հանրապետական միջին գինն այս նոյեմբերին 2012-ի նոյեմբերի համեմատ աճել է 30%-ով, իսկ այս հոկտեմբերի համեմատ` 0.1%-ով: Շաքարավազի հանրապետական միջին գինը 2013-ի նոյեմբերին՝ նախորդ նոյեմբերի համեմատ նվազել է 16.9%-ով, իսկ ակս հոկտեմբերի համեմատ` 1.5%-ով: 2013-ի հունվար-նոյեմբերին սպառողական գների միջին ամսական հավելաճը կազմել է 5,8 % նախորդ տարվա նույն ժամանակահատվածի համեմատ, իսկ 12-ամսյա կտրվածքով գնաճը նոյեմբերին կազմել է 6,6 տոկոս: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |