Սիրիացի ընդդիմադիրների ղեկավարին մեղադրում են կոռուպցիայի մեջ21 դեկտեմբերի 2013 - 14:48 AMT PanARMENIAN.Net - Սիրիացի խռովարարները մեղադրում են Թուրքիա փախած «Հեղափոխության գերագույն ռազմական խորհրդի» ղեկավար Սալիմ Իդրիսին կոռուպցիայի մեջ, հայտնում է «Ալ Մանար» հեռուստաալիքը: Այսպես կոչված Սիրիայի ազատ բանակի «համատեղ հրամանատարության» ու ապստամբների ուժերի անունից նրա ձերբակալության թույլտվություն է տրվել Սիրիայի սահմանը հատելու դեպքում, հայտնում է ԻՏԱՐ-ՏԱՍՍ-ը: Իդրիսին կասկածում են զենք ու զինամթերքի առևտրով զբաղվելու ու ծայրահեղականներին այն վաճառելու մեջ: Նրա օգնական Լուեյ Մելդադին նույնպես ձերբակալություն և դատական հետապնդում է սպառնում, ինչպես նաև լիբանանցի պատգամավոր Ուկաբ Սաքրին: Իդրիսն առաջին անգամ հայտնվեց էկրանին սահմանամերձ Բաբ էլ Հավա քաղաքից փախչելուց հետո, որտեղ ընթացիկ ամսվա սկզբին «Իսլամական ճակատի» բրիգադները գրավել էին նրա կենտրոնակայանն ու Սիրիայի ազատ բանակի պահեստները: Հինգշաբթի Ստամբուլում նա հանդիպել է ամերիկացի դիվանագետ Ռոբերտ Ֆորդի հետ: Իսլամական ճակատի ներկայացուցիչները, ինչպես ասել է Ֆորդը, հրաժարվել են բանակցություններից առանց նշելու պատճառները: Իսլամիստները, որոնք գերակշռում են զինյալների շարքերում, մերժում են խաղաղ կարգավորման հնարավորությունը: Նոյեմբերին Սիրիայի ազատ բանակի ղեկավար Սալիմ Իդրիսը հայտարարեց, որ իր մարտիկները չեն դադարեցնի մարտական գործողությունները Սիրիայի գծով խաղաղ խորհրդաժողովի անցկացման օրերին, իսկ ՍԱԲ ներկայացուցիչները չեն մասնակցի նրա աշխատանքին: «Ժնև-2»-ի անցկացման պայմաններն անընդունելի են այդ ժամկետներում, մենք չենք մասնակցի խորհրդաժողովին»,-ասել է նա: ՍԱԲ նախապայմաններից է Սիրիայի սահմանադրության գործողության կասեցումն ու Ասադի հրաժարականը, քաղբանտարկյալների ազատ արձակումը, «Հեզբոլլահի» գրոհայինների հեռացումը Սիրիայից: Սիրիայի ճգնաժամի կարգավորմանը նվիրված միջազգային խորհրդաժողովը տեղի կունենա 2014 թվականի հունվարի 22-ին շվեյցարական Մոնտրյո քաղաքում: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 125 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |