ՌԴ-ն Սիրիային տեխնիկա է տրամադրել քիմիական զենքն անվտանգ տարհանելու համար23 դեկտեմբերի 2013 - 15:03 AMT PanARMENIAN.Net - ՌԴ-ն Սիրիային տեխնիկա է տրամադրել քիմիական զենքն անվտանգ տարհանելու և ոչնչացնելու համար: Այդ մասին ՊՆ ղեկավար Սերգեյ Շոյգուն զեկուցել է ՌԴ նախագահ Վլադիմիր Պուտինին: Շոյգուն նշել է, որ ՊՆ-ն օպերատիվ կերպով կատարեց նախագահի 2013 թ. դեկտեմբերի 11-ի հանձնարարականը: Նա պարզաբանել է, որ 2013 թ. դեկտեմբերի 18-20-ը օդային տրանսպորտով սիրիական Լաթակիա է տեղափոխվել 50 «ԿամԱզ» և 25 զրահապատ «Ուրալ», հայտնում է ԻՏԱՐ-ՏԱՍՍ-ը: Բանակային տեխնիկայի տեղափոխման համար կատարվել է 38 ավիաչվերթ: Բեռնատարներից բացի Սիրիա է տեղափոխվել այլ ռազմական գույք՝ դաշտային խոհանոցներ, բանակային վրաններ զորակազմի համար, որն ապահովելու է սիրիական քիմզենքի տեղափոխումն ու ոչնչացումը: Նշված տեխնիկան թույլ կտա կատարել սիրիական քիմզենքի տեղափոխման խնդիրներ Լաթակիա նավահանգիստ: Ռուսաստանը լոգիստիկ աջակցություն է ցուցաբերում Քիմիական զենքի արգելման կազմակերպության գործկոմի հաստատած ծրագրին: Առաջին հերթին, խոսքը մեծ բեռնատարների մասին է, որոնք թունավոր նյութերը կտեղափոխեն Լաթակիա: Դանիայի և Նորվեգիայի նավերը մահացու բեռը կհասցնեն իտալական նավահանգիստներից մեկը, որտեղ էլ ամենաթունավոր նյութերը կտեղափոխվեն ամերիկյան Cape Ray նավի վրա, որտեղ էլ դրանք կոչնչացվեն: Ամբողջ քիմիական զենքը պետք է դուրս բերվի Սիրիայից մինչև 2014 թվականի փետրվարի 5-ը: Առավել վտանգավոր նյութերը կոչնչացվեն Սիրիայի սահմաններից դուրս ոչ ուշ, քան մարտի 31-ին, իսկ մյուսները՝ մինչև 2014 թ. հունիսի 30-ը: Սիրիական բանակն ավարտում է հակաահաբեկչական գործողությունը Դամասկոս-Հոմս շրջանում: Կառավարական ուժերն արդեն դուրս են մղել գրոհայիններին Կարա, Դեյր Աթիյա և Նաբակ քաղաքներից: ՄԱԿ ԱԽ-ն սեպտեմբերի 27-ին միաձայն հավանություն տվեց Սիրիայում քիմիական զենքի ոչնչացման վերաբերյալ բանաձևին: Բանաձևը բացառում է ուժի կիրառումը Սիրիայում և ընդհանրապես 7-րդ հոդվածի ցանկացած կիրառում: ՄԱԿ կանոնադրության 7-րդ հոդվածը կոչվում է «Գործողությունները խաղաղության սպառնալիքի, խաղաղության խախտման և ագրեսիայի ակտերի դեպքում», որով նախատեսվում է պատժամիջոցների կիրառում ԱԽ որոշմամբ, ինչպես նաև զինված ուժերի կիրառում «միջազգային խաղաղության և անվտանգության պահպանման կամ վերականգնման համար»:Բանաձևի տեքստն ընդունվեց Ռուսաստանի և ԱՄՆ ինտենսիվ բանակցությունների արդյունքում: Նրա հիմքում 2013թ. սեպտեմբերի սկզբին Ժնևում ընդունած համաձայնությունն է: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |