Փորձագետ. Նազարբաևի հայտարարությունը ՄՄ և Ղարաբաղի մասին գործնականում ոչինչ չի տալիս25 դեկտեմբերի 2013 - 15:26 AMT PanARMENIAN.Net - Լեռնային Ղարաբաղի Հանրապետությունը կարող է հայտարարել է, որ միակողմանի կարգով ստանձնում է Մաքսային միության բոլոր պարտավորությունները, ինչը կբացառի Հայաստանի հետ տնտեսական փոխգործակցության խնդիրները, ասել է ԱՊՀ երկրների ինստիտուտի փորձագետ Միխայիլ Ալեքսանդրովը՝ մեկնաբանելով Ղազախստանի նախագահ Նուրսուլթան Նազարբաևի երեկվա հայտարարությունը, հայտնում է «Նովոստի-Արմենիան»: Ելույթ ունենալով Մոսկվայում Եվրասիական բարձրագույն տնտեսական խորհրդի նիստում Նազարբաևը հայտարարեց, որ Հայաստանի վերաբերյալ «ճանապարհային քարտեզը» հիմնականում համաձայնեցված է, այն կարելի է ընդունել: «Միևնույն ժամանակ բաց է մնում այն հարցը, թե ղարաբաղյան հակամարտության հետ կապված որտեղ է լինելու Մաքսային միության սահմանը Հայաստանում: Ուստի մենք մեր պաշտոնակիցների հետ միասին կստորագրենք «ճանապարհային քարտեզը», սակայն հատուկ կարծիքով, որը կշարադրվի»,-ասել է Նազարբաևը: Ըստ Ալեքսանդրովի, ԼՂՀ-ն Հայաստանի մաս չի կազմում նույնիսկ հայկական օրենսդրության համաձայն, ուստի ոչ մի կերպ չի ստավցի ներառել ԼՂՀ-ն Մաքսային միության կազմում: «ԼՂՀ-ն անկախ, թեև չճանաչված պետություն է: Նա ինքը պետք է Մաքսային միությանն անդամակցելու հայտ ներկայացնի: Միևնույն ժամանակ, Լեռնային Ղարաբաղի Հանրապետությունը կարող է հայտարարել, որ միակողմանի կարգով ստանձնում է Մաքսային միության բոլոր պարտավորությունները և ձևակերպել դա օրենսդրորեն՝ համապատասխան ներքին օրենքներ ընդունելով: Այդ դեպքում Հայաստանի հետ տնտեսական փոխգործակցության խնդիրներ չեն լինի»,-ասել է փորձագետը: Նա հավելել է նաև, որ Նազարբաևը նման հայտարարություն արեց ցույց տալու համար, որ նրան մտահոգում է Ադրբեջանի դիրքորոշումը: «Թեև գործնականում այդ հայտարարությունը ոչինչ չի տալիս, քանի որ չի խոչընդոտում Հայաստանի անդամակցությանը ՄՄ-ին»,-ասել է Ալեքսանդրովը: Դեկտեմբերի 24-ին ստորագրվեցին Մաքսային միությանը և Միասնական տնտեսական տարածքին Հայաստանի անդամակցության միջոցառումների ծրագրի («ճանապարհային քարտեզ») մասին որոշումն ու հայտարարությունը Եվրասիական բարձրագույն տնտեսական խորհրդի նիստի ավարտին, որն անցնում էր պետությունների ղեկավարների մակարդակով: Ինչպես հայտարարեց, բացելով նիստը Ռուսաստանի նախագահ Վլադիմիր Պուտինը, 2014 թվականի մարտի 1-ին պետք է ձևակերպվի Մաքսային միության շրջանակներում մնացող սահմանափակումների ցանկն ու որոշվեն դրանց վերացման կոնկրետ ժամկետները: Ըստ նրա, ինտեգրացիոն առավել մեծ արդյունք է նկատվում, որբ կոոպերացիան առավել խորն է ու ընդգրկում է բոլոր ոլորտները: Այդ դեպքում, վստահ է ՌԴ նախագահը, տնտեսական համակարգը առավել արդյունավետ կգործի: Սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում Եվրասիական տնտեսական միության ձևավորմանը մասնակցելու Հայաստանի մտադրության մասին: Հղումներ թեմայով. Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |