Օբաման ստորագրել է փոխզիջումային բյուջեն27 դեկտեմբերի 2013 - 11:31 AMT PanARMENIAN.Net - ԱՄՆ նախագահ Բարաք Օբաման ստորագրել է երկու տարվա համար կազմված բյուջեն, որը կազմվել է հանրապետական և ժողովրդավարական կուսակցությունների բանակցությունների արդյունքում: Ձեռք բերված պայմանավորվածությունները թույլ են տալիս խուսափել պետական հաստատությունների աշխատանքի հերթական կասեցումից 2014 թ. հունվարին, հայտնում է BBC-ին: Բյուջեի նախագիծը, որի շուրջ քիչ չեն վեճերը, դեկտեմբերի 18-ին հավանություն ստացավ ԱՄՆ Կոնգրեսի երկու պալատներում, հայտնում է interfax.ru-ն: Կողմ քվեարկեց 64 սենատոր, «դեմ»՝ 36-ը: Օրինագիծը մասնակիորեն վերականգնում է ծախսերը և թույլ է տալիս խուսափել կառավարության ֆինանսավորման նոր կասեցումից 2014 թվականի հունվարի 15-ից, երբ լրանում է բյուջեի վերաբերյալ հոկտեմբերյան պայմանավորվածությունների ժամկետը: Ըստ օրինագծի, ծախսերի ընդհանուր մակարդակը ընթացիկ ֆինանսական տարում կկազմի 1,01 տրլն դոլար, ինչը 967 մլրդ դոլարով ավելի է, քան նախատեսված է բյուջեի մասին օրենքով: Բյուջեն ընդունվել է բյուջետային պակասուրդը 23 մլրդ դոլարով առաջիկա 10 տարում կրճատելու ծրագրի շրջանակներում: 2 տարում ծախսերի աճը 63 մլրդ դոլարով կհատուցվի եկամուտների աճով 85 մլրդ դոլարով այլընտրանքային միջոցների հաշվին: Այդ միջոցները նախատեսում են ավելի բարձր տուրքեր ավիաչվերթների անվտանգության համար, Medicare ծրագրի շրջանակում բժշկական ծառայությունների մատակարարների ֆինանսավորման կրճատում, նվազ շռայլ կենսաթոշակային արտոնություններ պետծառայողների ու զինվորականների համար: Պաշտպանական ծախսերի վերին շեմը կկազմի 526,8 մլրդ դոլար տարեկան, հայտնում է Bloomberg.-ը: Միջազգային ռազմական գործողությունների համար, ներառյալ գործողություններն Աֆղանստանում, կհատկացվի 80,7 մլրդ դոլար: Ըստ փորձագետների, այն փաստը, որ երկրի երկու քաղաքական ուժերին հաջողվել է մասնակիորեն պայմանավորվել, չի նշանակում, թե Վաշինգտոնւմ համաձայնության շրջան է: Բյուջետային պայմանավորվածությունները չեն լուծում պետպարտքի բարձրացման խնդիրը, որն ամբողջ սրությամբ ի հայտ կգա 2014-ի փետրվարին: Բոլոր փաստաթղթերն ԱՄՆ նախագահը ստորագրել է Հավայան կղզիներում, որտեղ նա անց է կացնում Սուրբ Ծննդյան արձակուրդներն ընտանիքի հետ: Ըստ քաղաքագետների, անցնող տարին թերևս ամենածանրն էր ԱՄՆ նախագահի համար: Այն նշանավորվեց կոշտ քննադատությամբ Օբամայի առաջարկած առողջապահական համակարգի վերաբերյալ, մշտական առճակատմամբ Կոնգրեսում և թեժ բանավեճերով միգրացիոն քաղաքականության ու զենք կրելու իրավունքի շուրջ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |