Էրդողանի հակառակորդները նրա հրաժարականն են պահանջում27 դեկտեմբերի 2013 - 12:22 AMT PanARMENIAN.Net - Թուրքիայի իշխանությունների բարձրագույն էշելոններում կոռուպցիայի վերաբերյալ գործի (այսպես կոչված «Մեծ կաշառք») քննության նոր փուլն արգելափակվել է դատական համակարգի հանդեպ ճնշման հետևանքով: Նման հայտարարություն է արել դատախազ Մուամմեր Աքքաշը, որը դեռ երեկ զբաղվում էր այդ աղմկահարույց գործի քննությամբ: Հինգշաբթի նրան հեռացրեցին գործից, որի շրջանակներում վերջին շաբաթներին շուրջ 50 կասկածյալ է ձերբակալվել, այդ թվում, ներքին գործերի, էկոնոմիկայի և շրջակա միջավայրի նախարարների որդիները: Թուրքիայի գլխավոր դատախազ Թուրհան Ջոլլաքադին հայտարարել է, որ Աքքաշը հեռացվել է գործի քննությունից, քանի որ ժամանակին հաշվետու չի եղել ղեկավարների առջև, այլ գաղտնի տեղեկություններ է հայտնել լրագրողներին: Միաժամանակ գլխավոր դատախազը խոստացել է քաղաքացիներին, որ արդարադատությունը կյանքի կկոչվի «անկախ նրանց, թե ովքեր են մեղադրյալները, ում հարազատներն ու երեխաները»: Վարչապետ Ռեջեփ Թայիփ Էրդողանը «Մեծ կաշառք» գործողությունն անվանել է «կեղտոտ գործ», ուղղված կառավարության դեմ»: Նա մեծ կադրային վերադասավորումներ է կատարել, փոխելով 10 նախարարների, որոնք այսպես թե այնպես առնչություն ունեն սկանդալի հետ: Պաշտոնական Անկարայի այս գործը կոծկելու փորձերը դեռևս ապարդյուն են՝ Էրդողանի հակառակորդները նրա հրաժարականն են պահանջում, գլխավոր կաշառակեր համարելով հենց նրան, հայտնում է euronews-ը: Թուրքիայում խոշոր կոռուպցիոն սկանդալ է: Թուրքական ոստիկանությունը հատուկ գործողություններ է անցկացրել Ստամբուլում և Անկարայում, որի արդյունքում ձերբակալվել է 56 մարդ, այդ թվում գործարարներ և որոշ նախարարների որդիներ: Գործարարներին ձերբակալել են կոռուպցիայի, մաքսանենգության ու թմրանյութերի իրացման մեղադրանքով: Նախարարները ԱԶԿ-ից են, որը գլխավորում է վարչապետ Էրդողանը: Թուրքիայի էկոնոմիկայի և ներքին գործերի նախարար Զաֆեր Չաղլայանը, qաղաքաշինության ու շրջակա միջավայրի նախարար Էրդողան Բայրաքթարը և ներքին գործերի նախարար Մուամմեր Գյուլերը հրաժարական տվեցին: Եվս յոթ նախարարների պաշտոններից հեռացրեց Էրդողանը: Կառավարության նոր կազմը հրապարակվեց դեկտեմբերի 26-ին: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |