Սիրիայում սպանվել է հերթական ադրբեջանցի գրոհայինը, այս անգամ, դեռահաս14 հունվարի 2014 - 17:17 AMT PanARMENIAN.Net - Սիրիայում սպանվել է հերթական ադրբեջանցի գրոհայինը: Ինչպես հայտնում է ադրբեջանական 1news.az կայքը, սպանված գրոհային Նաջաֆ Քերիմովը ծնվել է 1999 թ. Այդ մասին Teleqraf.сom-ին է հայտնել սպանվածի հարազատը՝ Գյունել Բաբաևան: Ինչպես գրում է 1news.az-ը, Սիրիայում սպանված դեռահասը Նամիգ Քերիմովի որդին է, որն էլ տարել է տղային հետը Սիրիայում պատերազմելու: Ինչպես նշվում է, Քերիմովների ընտանիքը, որտեղ չորս երեխա կա, 2013 թ. ամռանը լքել է Ադրբեջանը: Մինչ այդ նրանք բնակվում էին Դարնագյուլ ավանում: Նախօրեին «ԱՊԱ» ադրբեջանական գործակալությունը, մոջահեդներին պատկանող կայքերի վրա հղումով հայտնել էր, որ Սիրիայում մեկ այլ ադրբեջանցի գրոհային է սպանվել: Ըստ տեղեկատվության, «Իրաքի և Լևանտի իսլամական պետության» անդամ ադրբեջանցի Ազադը, Աբդուրահման կեղծանունով, սպանվել է սիրիական բանակի զինվորների կողմից: Ասվում էր նաև, որ նա ծնունդով Սումգայիթից է ու բռնցքամարտի սպորտի վարպետ է: Ասվում է նաև, որ ադրբեջանցի մոջահեդի ընտանիքը այժմ գտնվում է Սիրիայում և նրա եղբայր Սուլեյմանը նույնպես կռվում է այդ երկրում: Իրավիճակի սրումից հետո Սիրիայում ադրբեջանցի քաղաքացիների մի խումբ մեկնել է այդ երկիր և կռվում է տարբեր խմբավորումների կազմում: Վերջին շրջանում մարտերի ժամանակ շուրջ 100 ադրբեջանցի է սպանվել: Ավելի վաղ Ադրբեջանի ԱԳՆ մամլո ծառայության ղեկավար Էլման Աբդուլլաևն ասել է «ԱՊԱ»-ին, որ նախարարությունն «ուշադիր հետևում է Սիրիայի իրադարձություններին. «Իրավիճակը Սիրիայում այժմ լարված է մնում: Մենք նախկինում արդեն նշել ենք, որ Սիրիայում իր գործունեությունն է դադարեցրել Ադրբեջանի հյուպատոսությունը, այն տեղափոխվել է Բեյրութ: Չնայած դրան, մենք ուշադիր հետևում ենք Սիրիայի իրադարձություններին և փորձում ենք պարզել, թե արդյոք այնտեղ սպանված անձիքն ադրբեջանցիներ են կամ Ադրբեջանի քաղաքացիներ: Եթե պարզվի, որ նրանք Ադրբեջանի քաղաքացիներ են կամ ադրբեջանցիներ, հետո հարկ կլինի պարզել, թե ինչ ճանապարհներով ու ում միջոցներով են նրանք հայտնվել Սիրիայում: Եթե հաշվի առնենք, որ իրավիճակը Սիրիայում լարված է և այդ երկրում ոչ մի դիվանագիտական ներկայացուցչություն չի գործում, դժվար չէ կռահել, թե որքան է դա խանգարում մեր հետաքննությանը: Սակայն, չնայած դժվարություններին ու խոչընդոտներին, մենք շարունակում ենք հետաքննությունը: Աբդուլլաևը հիշեցրել է, որ ուժի մեջ է մնում 2011 թ. արված Ադրբեջանի ԱԳՆ զգուշացումը Սիրիա մեկնելուց զերծ մնալու վերաբերյալ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա |