Կիևում իսկական «փողոցային» պատերազմ է20 հունվարի 2014 - 10:47 AMT PanARMENIAN.Net - Կիևի կենտրոնում չեն դադարում ահագնացող բախումները ծայրահեղականորեն տրամադրված երիտասարդության ու իրավապահների միջև, որոնք շրջափակել են ուկրաինական կառավարության ու խորհրդարանի շենքերը: «Եվրամայդանի» առաջնորդները կոչ են անում ձեռնպահ մնալ բռնությունից: Գրուշևսկու փողոցում վերջին ժամերին զգալի քանակով ավտոմեքենաներ են հրկիզվել, որոնք օգտագործվել են ներքին զորքերի և «Բերկուտ» ստորաբաժանման մարտիկների տեղափոխման համար: Հրկիզվել են նաև «Դինամո» մարզադաշտի մոտ գտնվող դրամարկղերը: Անկարգությունների հետևանքով տասնյակ մարդիկ են տուժել երկու կողմից, հայտնում է ВВС-ին: Ուկրաինայի նախագահ Վիկտոր Յանուկովիչը հայտարարել է, որ պատրաստ է բանակցությունների ընդդիմության հետ, հայտնել են «եվրամայդանի«» առաջնորդները, որոնք հանդիպում էին պահանջում: «Ուդառ» կուսակցության առաջնորդ Վիտալի Կլիչկոն կիրակի երեկոյան հանդիպել է նախագահին և Յանուկովիչը խոստացել է երկուշաբթի հատուկ հանձնաժողով ստեղծել, որը կզղբաղվի երկրում ճգնաժամային իրավիճակի հանգուցալուծմամբ: Կլիչկոն նաև նշել է, որ այժմ իրավիճակն երկրում մոտ է քաղաքացիական պատերազմի: Միլիցիան գազային և լուսաձայնային նռնակներ է կիրառել, այնուհետև՝ ջրցան մեքենաներ, չնայած, որ օդի ջերմաստիճանը -9 С էր: Ուկրաինայի ՆԳՆ-ն հայտնել է ուժային կառույցների աշխատակիցների վրա տասնյակ ակտիվիստների հարձակումների մասին: Զանգվածային ակցիաները Կիևում կիրակի վերսկսեցին նոր թափով, երբ հինգշաբթի Ռադայում մեծամասնություն կազմող Յանուկովիչի դաշնակիցները քվեարկեցին օրենքների փաթեթի օգտին, որոնք միտված են դժվարացնելու փողոցային ցույցերը: Դա ցուցարարների համար միայն նոր խթան էր: Նրանք գտնում են, որ օրենքներն ընդունվել են կանոնակարգի խախտումներով ու հակասում են Ուկրաինայի սահմանադրությանը: Արևմտյան երկրները նոր փոփոխություններն ուկրաինական օրենսդրությունում նույնպես դատապարտել են: Ուկրաինայի ՆԳՆ ներկայացուցիչ Սերգեյ Բուրլակովը բախումների համար մեղադրել է «սադրիչներին ու ծայրահեղականներին» և հորդորել է ուկրաինացիներին տեղի չտալ նրանց: Նա հիշեցրել է, որ միլիցիան ամեն ինչ տեսագրում է և այդ տեսագրությունները հիմք են արդեն իսկ 294 հոդվածով հարուցված քրեական գործի համար: «Զանգվածային անկարգությունների կազմակերպում» հոդվածը նախատեսում է մինչև 15 տարվա ազատազրկում: Եվրամայդանում ևս շարունակվում է բազմահազարանոց հանրահավաքը, որտեղ կազմակերպիչները հորդորում են չենթարկվել սադրանքների ու ձեռնպահ մնալ բռնությունից: Արևմտյան երկրների դիվանագետները կիրակի լուրջ մտահոգություն էին հայտնել վերջին զարգացումներով և կոչ արել որոնել բռնությունից զերծ, քաղաքական լուծումներ: Կիևում ԵՄ առաքելության ղեկավար Յան Տոմբինսկին դիմել է ցուցարարներին՝ կոչ անելով չսրել իրադրությունը: «Հարձակումներն ոստիկանության վրա կարող են փաստարկներ տալ նրանց, ով սատարում է ճգնաժամի քաղաքական կարգավորմանը»,- ասվում է Facebook-ում հրապարակված հայտարարությունում: «Մտահոգված ենք Կիևում վերջին բուռն բախումներով: Բռնությունը պատասխան չէ»,- Twitter-ումգրել է Մեծ Բրիտանիայի ԱԳ նախարար Ուիլյամ Հեյգը: «Հանդարտության կոչ ենք անում և հորդորում կողմերին դադարեցնել սադրիչ գործողություններն ու դադարեցնել բռնությունը»,- ավում է Կիևում ԱՄՆ դեսպանատան հայտարարությունում, որը նաև դիմել է Ուկրաինայի կառավարությանը՝ կոչ անելով քննարկել քաղաքական բախումը հանգուցալուծելու ցուցարարների պահանջները: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |