«Ժնև-2»-ից առաջ Մոնտրյոյում խորհրդակցություններ են22 հունվարի 2014 - 14:39 AMT PanARMENIAN.Net - Սիրիայի հակամարտության կարգավորմանը նվիրված «Ժնև-2» խորհրդաժողովի շեմին շվեյցարական Մոնտրյո քաղաքում խորհրդակցություններ են ՄԱԿ գլխավոր քարտուղարի, ՄԱԿ և ԱՊԼ հատուկ դեսպանորդի, ԵՄ արտաքին քաղաքականության գծով գերագույն ներկայացուցչի մասնակցությամբ: Պան Գի Մունը հանդիպել է Սիրիայի ընդդիմության ներկայացուցիչ Ահմադ Ջերբային: Երկխոսությունը դժվար է սկսվում. Դամասկոսն արդեն հասկացրել է, որ չի համաձայնվի նախագահ Բաշար Ասադի պաշտոնանկությանը: Համաժողովը, որին կմասնակցի մոտ 30 պետության ներկայացուցիչ, գրեթե ձախողման եզրին է. երբ ՄԱԿ-ը մասնակցության հրավեր ուղղեց Թեհրանին, մի շարք արևմտյան երկրներ ու Սիրիայի ընդդիմադիր ու հեղափոխական ուժերի ազգային կոալիցիան հրաժարվեցին մեկնել Մոնտրյո: ՄԱԿ գլխավոր քարտուղարը ստիպված էր հրաժարվել իր հրավերից: Թեհրանի մասնակցության անհրաժեշտությունը պնդում էր Մոսկվան, սակայն ռուսական կողմը որոշեց չսրել իրավիճակը: Մոնտրյոյում անվտանգության ուժեղացված միջոցներ են ձեռնարկված: Վերլուծաբանները մեծ հույսեր չունեն, թե Շվեյցարիայում կարող է փոխզիջում գտնվել և Սիրիայի իշխանությունների ու ընդդիմության միջև հաշտեցումը հնարավոր է: Բանակցությունները մթագնեց նաև նախօրեին հրապարակված սիրիական բանտերում խոշտանգումների մասին հաղորդագրությունը: Դամասկոսն այդ մեղադրանքները հերքում է, հայտնում է euronews-ը: Նախօրեին բրիտանական The Guardian թերթում Հաագայի դատարանի երեք նախկին դատախազները զեկույց էին հրապարակել՝ հիմնված վկայությունների ու Դամասկոսում անհայտ աղբյուրի տասնյակ հազարավոր լուսանկարների վրա: Սիրիական բանակի այդ դասալիքը լուսանկարել է քաղաքային բանտի 11 հազար կալանավորի մարմինները, որոնք մահվանից հետո տեղափոխվել են դիահերձարան: Մեծ մասը մահացել է կտտանքներից ու հյուծվածությունից: Զեկույցը պատվիրել էր Լոնդոնում գործող ինչ-որ խոշոր իրավաբանական գրասենյակ, որը ներկայացնում է Քաթարի շահերը, գրում է պարբերականը: Այժմ փաստաթղթերն ուղարկվում են ՄԱԿ, տարբեր երկրների կառավարություններին ու իրավապաշտպան կազմակերպություններին: «Հավանաբար, հրապարակման ժամանակը հատուկ է ընտրված՝ «Ժնև-2»-ի շեմին», գրում է The Guardian-ը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |