Հաճախորդների վատ սպասարկումը բացասական է ընկերության ֆինանսական արդյունքների համար12 փետրվարի 2014 - 18:40 AMT PanARMENIAN.Net - Նշանավոր Բի-Դի-Օ աուդիտորական ընկերությունների խումբը, որը ներկայանում է աշխարհի 144 երկրում, այդ թվում նաև Հայաստանում` «Բի-Դի-Օ Արմենիա» ընկերության միջոցով, բազմիցս էներկայացելգործարար հանրության շրջանում պահանջված տարբեր հետազոտություններով: Վերջերս Բի-Դի-Օ ընկերությունների խմբի կողմից իրականացված «Ծառայություն 2020, վերադարձ դեպի ծառայություն» թեմայով հետազոտությունը համառոտ տարբերակով հրապարակվել է հեղինակավոր The Economist ամսագրում: Այս հետազոտությամբ առաջին անգամ ներկայացվել է հաճախորդներին վատ սպասարկելու ազդեցությունը բիզնեսի վրա ամբողջ աշխարհում: 2013-ի վերջերին Եվրոպայի, Հյուսիսային Ամերիկայի, Ասիայի գործարար աշխարհի 832 առաջատար ընկերությունների շրջանում իրականացված հարցումը ցույց է տալիս, որ դրանց գրեթե 59%-ը հաստատում է, թե հաճախորդների սպասարկման որակի անկումն էական ազդեցություն է ունենում ֆինանսական արդյունքների վրա: Ըստ հարցման արդյունքների, հաճախորդների վատ սպասարկման պատճառով ընկերությունների 27%-ը կորցրել է նրանց, 15%-ի բաժնետոմսերի գինն ընկել է, իսկ 23%-ը ստիպված է եղել փոխհատուցել: Հարցման մասնակիցների գերակշիռ մասը` 84%-ը, գտնում է, որ հաճախորդների սպասարկումը համարվում է կամ «շատ» կամ «չափավոր» կարևոր իրենց ֆինանսական արդյունքների համար: Ընկերությունների միայն 36%-ը ներկայումս ռազմավարություն ունի, որը ներկայացնում է հաճախորդների սպասարկման և գործունեության ֆինանսական արդյունքների միջև կապը, իսկ 41%-ը գտնում է, որ նման ռազմավարություններն անհրաժեշտություն են, և իրենք աշխատում են դրանց վրա: Դիտարկվել է նաև, թե արդյոք ընկերությունների Խորհրդի կազմում հաճախորդների սպասարկմանն առնչվող հարցերի գծով անմիջական ղեկավար կա, և պարզվել է, որ այն կա միայն 28%-ում: Իսկ առաջատար գործարարների միայն 29%-ն է գտնում, որ հաճախորդների հետ աշխատանքն է կարող էական լինել մասնագիտական գործունեության զարգացման համար: Ընկերությունների համար շարունակում են կարևոր մնալ հաճախորդների ներգրավման համար օգտագործվող ավանդական մեթոդները` հեռախոս, ուղղակի վաճառքներ, սակայն մեծ է նաև սոցիալական ցանցերի դերը, և հարցվածների 36%-ը նշել է, որ հաճախորդների ներգրավման համար օգտագործում են սոցիալական ցանցերը, ընդ որում՝ 15%-ը գտնում է, որ դրանք նրանց հետ փոխազդեցության ամենակարևոր միջոցը կդառնան, սակայն ավելի քան 25%-ը գտնում է, որ սոցցանցերը 2020-ին կունենան նույն նշանակությունը, ինչ ունեն ներկայում: Ծառայությունների մատուցման որակի բարձրացման համար ընկերությունների 40%-ը մեծ նշանակություն է տալիս գիտահետազոտական նյութերին և անձնակազմի շարունակական կրթմանը և գտնում, որ այդ ուղղություններով անհրաժեշտ է գումար ծախսել: Բի-Դի-Օ ընկերությունների խմբի Հաճախորդների և շուկաների դեպարտամենտի գլխավոր տնօրեն Ալլան Էվանսը նշել է. «Հաճախորդների ներգրավման և պահպանման համար պայքարը թեժ է լինելու յուրաքանչյուր շուկայում և ոլորտում: Շատերի համար այն գոյատևման և մրցակցային առավելություններ ունենալու համար առանցքային գործոն է: Ճիշտ է, որ ընկերությունները պետք է կենտրոնանան որակի, գների և նորամուծությունների վրա, բայց ոչ ծառայությունների մատուցման որակի հաշվին»: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |