Հեռահաղորդակցության ոլորտը Հայաստանում․ Ամերիայի հերթական հետազոտությունը 1 մարտի 2014 - 00:05 AMT PanARMENIAN.Net - «Ամերիա» խորհրդատվական ընկերության հերթական հետազոտությունը նվիրված է Հայաստանում հեռահաղորդակցության ոլորտին: Այն ներառում է մալուխային հեռուստատեսային, բջջային հեռախոսակապի, ինտերնետ հասանելիության, լարային հեռախոսակապի ծառայությունների շուկաները, ինչպես նաև Երևանում հեռահաղորդակցության ոլորտի փոխլրացնող սարքավորումների (բջջային հեռախոսներ, դյուրակիր համակարգիչներ, պլանշետներ, հեռուստացույցներ և այլն) օգտագործումը: Հետազոտության արդյունքները թույլ են տալիս գնահատել ոլորտի ներկա իրավիճակը, վերջին տարիների զարգացումները, վերլուծել հիմնական մասնակիցների գործունեությունը և կանխատեսել ոլորտի զարգացման միտումները: Ինչպես վկայում է ուսումնասիրությունը, ֆինանսատնտեսական ճգնաժամի ազդեցությունը ՀՀ հեռահաղորդակցության ոլորտի վրա բավականին սահմանափակ է եղել: 2013-ին ՀՀ ոլորտի հասույթն ընթացիկ գներով (առանց ԱԱՀ) գերազանցել է 2008-ի ցուցանիշը 7%-ով, ընդ որում 2013-ին ոլորտի ամբողջ հասույթի գերակշռող մասը` 64%-ը, ապահովել է բջջային հեռախոսակապը, 17%-ը`ինտերնետ հասանելիությունը, 13%-ը`լարային հեռախոսակապը: Հետազոտության արդյունքները ցույց են տալիս, որ Հայաստանի մալուխային հեռուստատեսային ծառայությունների շուկան հեռահաղորդակցության ոլորտի ամենաարագ աճող շուկաներից է, և 2008-2013թթ.-ին այս շուկայի հասույթն աճել է ավելի քան 4 անգամ: Համաձայն հետազոտության արդյունքների` լարային հեռախոսակապը Երևանում դեռևս չի կորցրել արդիականությունը, 15-69 տարեկան բնակչության 68.7%-ն ամեն օր օգտվում է լարային հեռախոսակապից, թեև 98.4%-ն օգտվում է նաև բջջային հեռախոսակապի ծառայություններից: Երևանում տնային տնտեսությունների բաշխումն ըստ համակարգչային տեխնիկա ունենալու հատկանիշի ուսումնասիրելիս, Ամերիայի փորձագետները բացահայտել են, որ Երևանի տնային տնտեսությունների մոտ 55%-ն ունի միայն մեկ համակարգչային տեխնիկա, իսկ համակարգիչ, դյուրակիր համակարգիչ և պլանշետ միաժամանակ ունի Երևանի տնային տնտեսությունների միայն 8.5%-ը: Արդյունքները վկայում են, որ հեռահաղորդակցության ոլորտում զարգացման ամենամեծ պոտենցիալ ունեցող շուկաներն են մալուխային հեռուստատեսային ծառայությունների և ինտերնետ հասանելիության ծառայությունների շուկաները: Ամերիայի փորձագետների կանխատեսմամբ հեռահաղորդակցության ոլորտի ավանդական ծառայությունները (լարային և բջջային հեռախոսակապ) առաջիկա տարիներին իրենց տեղը որոշակիորեն զիջելու են ինտերնետ հասանելիության ծառայություններին: Հետազոտության արդյունքներն առավել մանրամասնությամբ կներկայացվեն մարտի 4-ին նախատեսվող շնորհանդեսի ժամանակ, որին կմասնակցեն ոլորտի շահագրգիռ կողմերը, միջազգային կազմակերպությունների ներկայացուցիչներ, փորձագետներ ու ոչ միայն: Հետազոտության ամբողջական տարբերակին կարելի է ծանոթանալ նաև այն պատվիրելով ընկերության կայքի միջոցով կամ զանգահարելով 56 11 11 հեռախոսահամարով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |