Հրազդան գետը սևացել է Երևան ՀԷԿ-ի ավազանի դատարկման հետևանքով13 մարտի 2014 - 14:57 AMT PanARMENIAN.Net - Մարտի 12-ին արտակարգ իրավիճակների նախարարությունը տեղեկացրել էր, որ Երևան ՀԷԿ-ի ավազանից աստիճանաբար լինելու են ջրբացթողումներ, որի հետևանքով Հրազդան գետի մակարդակը՝ Դավիթաշենի կամրջից մինչև Երևանյան լիճն ընկած հատվածում կբարձրանա: Ժամեր անց Հրազդան գետի նշված հատվածում ջուրն ամբողջովին սևացել էր: PanARMENIAN.Net ի հետ զրույցում «Երևան ՀԷԿ-1»-ից հաստատեցին, որ ջրի սևանալու պատճառը ՀԷԿ-ի ջրամբարի դատարկումն է եղել: «Երեկ ենք ջուրը դատարկել: Ջրամբարի տակ տիղմային նստվածքներ կար, դրանք էլ ենք դատարկել, հո չէինք պահելո՞ւ: Դրանից էլ սևացել է»,- ասաց «Երևան ՀԷԿ-1»-ի հերթափոխի պետ Մինաս Հայրապետյանը` վստահեցնելով, որ տիղմային նստվածքները բացարձակ անվնաս են շրջակա միջավայրի համար: Բնապահպան Լևոն Գալստյանի կարծիքով, այդ նստվածքներն, ամենայն հավանականությամբ, շրջակա միջավայրի համար իրոք վնասակար չեն: «Եթե այդ նստվածքները բնական ճանապարհով են առաջացել, պետք է որ վնասակար չլինեն, սակայն դա միանշանակ չէ: Գուցե ժամանակի ընթացքում այդտեղ ծանր մետաղներ են կուտակվել, որոնց առկայությունը պետք էր բացթողումից առաջ ստուգել, փորձաքննություն անցկացնել: Իսկ հիմա արդեն ոչ ոք չի կարող ասել` բացթողումն ինչ ազդեցություն կունենա: Սակայն, կարծում եմ, առանձնապես մեծ վնաս էկոլոգիային չի հասցվի»,- PanARMENIAN.Net ի հետ զրույցում ասաց բնապահպանը: Ավելի վաղ ԷկոԼուրը հայտնել էր, որ աղտոտվածությունից և գարշահոտությունից մարդիկ անգամ չեն ցանկանում գետին մոտ գալ: Տեղի ռեստորանային համալիրների տարածքում գտնվող ջրլող թռչունները դուրս են եկել ջրից, իսկ ձկներ գետում ընդհանրապես չեն երևում: Photo: ecolur Հղումներ թեմայով. Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |