Հանրաքվեից հետո Ղրիմի հարցը կարող է փակվել14 մարտի 2014 - 15:38 AMT PanARMENIAN.Net - 2014-ի մարտին Ղրիմի Ինքնավար Հանրապետության վարչապետ Սերգեյ Ակսյոնովը դիմել է Վլադիմիր Պուտինին` խնդրելով «աջակցել ՂԻՀ տարածքում խաղաղության ու հանգստության ապահովման հարցում»: Այս իրադարձությունների ֆոնին լրագրող Սերգեյ Բրիլյովի ու Ակսյոնովի հարցազրույցի ժամանակ նման երկխոսություն է եղել. -Բրիլյով. «Սերգեյ Վալերևիչ, չեմ կարող այս հարցը չտալ: «Ղրիմ կղզին» գրքի հեղինակ Վասիլի Ակսյոնովը պատահաբար Ձեր բարեկամը չէ՞»: -Ակսյոնով. «Ցավոք, ոչ»: -Բրիլյով. « Ակնհայտ է, որ դուք այդ վեպի երկրորդ մասն եք գրում»: -Ակսյոնով. «Կփորձենք գրել վերջացնել»: Վասիլի Ակսյոնովը 1979-ին լույս տեսած իր գրքում գրում է, որ Ղրիմը մինչև այժմ չի միացել Ռուսաստանին, «քանի որ Ռուսաստանի շատ ազդեցիկ ուժերը չեն ուզում ձեզ կուլ տալ: Այդ ուժերին նոր ինքնավար հանրապետություն պետք չէ, նրանք չգիտեն` ինչպես վարվել 5 մլն ավելորդ մարդկանց հետ, որոնք, բացի այդ, զինված չեն հատուկ սովետական հոգեբանությամբ, նրանք հասկանում են, որ Ղրիմի տնտեսկան բարգավաճումը կավարտվի միավորման հաջորդ օրը»: Բոլոր հակաուտոպիստական գրվածքները վաղ թե ուշ իրականություն են դառնում, և Ակսյոնովի վեպն էլ գրվելուց 35 տարի անց կարող է իրականություն դառնալ: Ճիշտ է, Ակսյոնովի մոտ հակառակն էր` անկախ Ղրիմը միացավ Ռուսաստանին, ավելի ճիշտ` ԽՍՀՄ-ը միացրեց: Հիմա, եթե հավատանք Ակսյոնովին, հակառակ գործընթացն է, թեև վեպում էլ Ղրիմի բնակիչներ կային, որոնք ելույթ էին ունենում ի պաշտպանություն ԽՍՀՄ-ին (կարդա` Ռուսաստան) միանալուն: Ակսյոնովի գրքի հերոսներն իրենց կոչում էին Պյոտր Վրանգելի ժառանգներ, որը չէր բացառում Ղրիմի` որպես առանձին հակաբոլշևիկյան պետության գոյությունը: Այսինքն, «Ղրիմ Կղզին» գրքի գաղափարն անիրական չէր, և եթե ամեն ինչ դասավորվեր ինչպես գրքում, ԽՍՀՄ-ում իրոք առանձին պետություն կլիներ: Ընդ որում` ռուսական պետություն: Ղրիմի գրավումից հետո կոմունիստներն այնտեղ պատերազմի ընթացքում ամենախոշոր կոտորածն են կազմակերպել` առանց դատի գնդակահարելով 80 000 մարդ: Ղրիմը, որ երբևէ Ռուսաստանի միակ սպիտակ կետն էր մնացել, այսօր փաստորեն հանդես է գալիոս սովետական տրամադրության ներքո, և մոսկվայամետ ակտիվիստների ցույցերին եռագույնի կողքին հաճախ է երևում կարմիր դրոշը: Ամենայն հավանականությամբ, մարտի 16-ին Ղրիմի բնակչությունը «այո» կասի անկախացմանն ու ՌԴ մտնելուն: Եվ կարելի է ասել, որ Ղրիմի հարցը ևս 60 տարով մի կողմ կդրվի: Այս առումով, Ստալինի ու Խրուշչովի որոշումները դեռ երկար կմնան` որպես անկայունության, անգամ` պատերազմի աղյուր: Կարինե Տեր-Սահակյան/ PanARMENIAN.Net Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |