Հարձակվել են Սիրիայում հայկական թաղամասների վրա (վիդեո) 22 մարտի 2014 - 13:15 AMT PanARMENIAN.Net - Մարտի 21-ի առավոտյան սիրիական Քեսաբն ու շրջակա գյուղերի վրա հարձակվել են թուրքական «Ալ Նասրա» և «Ալ Իսլամիէ» ճակատները: Ընդդիմադիր զինյալներն ամիսներ շարունակ համախմբված էին այդ գոտու շուրջ ու Քեսաբի վրա հարձակվել են Թուրքիայի կողմից երեք սահմանային կետերով, տեղեկացնում է «Բերիո լուրերը»: Նրանք կրակել են բնակավայրերի ուղղությամբ, Քեսաբում գնտվող բազմաթից հայեր այլ շրջաններում են ապաստանել, մեծամասնությունը՝ Լաթաքիայի Ս.Աստվածածին եկեղեցու տարածքում գտնվող ազգային կառույցներում։ Սիրիական բանակի ջոկատները հասել են շրջան, իսկ օդուժը հարվածել է ընդդիմադիրների հավաքատեղիներին: Հարձակվողների նպատակը Քեսաբի հարևանությամբ գտնվող Սև աղբյուր գյուղն էր։ Բախումների արդյունքում զոհեր կան։ Բեյրութի Aztag թերթի փոխանցմամբ, սիրիական բանակը պաշտպանել է ավանն ու հետ մղել զինյալներին: Եվս մեկ միջադեպ էլ եղել է Հալեպի հայկական թաղամասում, որը վերջին 4 օրերի ընթացքում նույնպես ակտիվ գնդակոծում էին։ Բախումների արդյունքում հայ երեխա է վիրավորվել՝ Խաչիկ Գաբրիելյանը։ Հայկական թաղամասերին նույնպես մեծ նյութական վնաս է հասցվել։ Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 126 000 մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված:Ամեն օր մոտ 6 հազար սիրիացի փախստական է դառնում: Երկուսուկես տարվա ընթացքում Սիրիայում ավելի քան 70 հայ է զոհվել։ Սիրիայում հայերն ապրում են հիմնականում Հալեպում ու Դամասկոսում։ Մինչև պատերազմի սկիզբը տեղի հայկական համայքում մոտ 80 հազար մարդ կար։ Այժմ Սիրիան լքել է մոտ 20 հազար հայ՝ նրանք մեկնել են Հայաստան, Լիբանան ու ԱՄՆ։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |