ԱՄՆ Կոնգրես է ներկայացվել Թուրքիայի քրիստոնյաների գույքը վերադարձնելու մասին օրինագիծը 1 ապրիլի 2014 - 11:27 AMT PanARMENIAN.Net - ԱՄՆ Ներկայացուցիչների պալատի արտաքին գործերի կոմիտեի նախագահ Էդ Ռոյսը սատարում է կոնգրեսական Էլիոթ Էնգելի թիվ №HR4347 օրինագծին, որը պահանջում է Օբամայի վարչակազմից ամենամյա զեկույցներ ներկայացնել Թուրքիայում յուրացված քրիստոնեական եկեղեցիների ու քրիստոնյաների գույքի կարգավիճակի մասին: Ինչպես հայտնում է Ամերիկայի Հայ Դատի հանձնախումբը (ANCA), ԱՄՆ հայ համայնքը սատարում է օրինագծին: «Ամերիկահայերը՝ աշխարհում առաջինը քրիստոնեություն ընդունած ժողովրդի որդիներն ու դուստրերը, կոչ են անում միանալ Ռոյսի օրինագծին Թուրքիայում քրիստոնյա եկեղեցիների վիճակի վերաբերյալ հաշվետվությունների մասին», -հայտարարել է Ամերիկայի Հայ Դատի հանձնախմբի նախագահ Քեն Խաչիկյանը: Ամերիկյան հզոր աջակցության պահանջարկը փոքրամասնությունների և դավանանքի ազատության իրավունքների պաշտպանության ոլորտում կտրուկ աճեց անցած շաբաթ, երբ հայտնի դարձավ Քեսաբի դեմ հարձակումներում Թուրքիայի դերի մասին: Քեսաբը Հայոց ցեղասպանության միակ և վերջին վկան է Օսմանյան կայսրության տարածքում: Օրինագծի ընդունումն ազդակ կլինի Անկարայի համար, որ նա պետք է կասեցնի իր հակաքրիստոնեական գործողություններն ու հաշտեցման գործընթաց սկսի հայերի, սիրիացիների, կիպրոսցիների, Պոնտոսի հույների և ցեղասպանությունների այլ զոհերի հետ՝ ստանձնելով բարոյական, նյութական ու իրավաբանական պարտավորություններ: Օրինագիծը ներկայացնելուց հետո հրապարակված հայտարարության մեջ Էդ Ռոյսը շարադրել է HR4347 բանաձևի ընդունման անհրաժեշտությունը: «Օրենքը պատասխանատվության կկանչի Թուրքիային մարդու իրավունքների պաշտպանության միջազգային պարտավորությունները չկատարելու համար: Օրինագիծը նաև վեր կհանի եկեղեցական գույքն օրինական տերերին վերադարձնելու հարցում թուրք ղեկավարների չկատարված խոստումները: Տասնամյակներ շարունակ քրիստոնեական եկեղեցիները դաժանորեն քանդվել են, կամ ապօրինաբար առգրավվել են թուրքական իշխանությունների կողմից տարբեր պատրվակներով: Եկեղեցիները թալանվել են, վերածվել են մզկիթների, կազինոների: Նրանց անուղղելի վնաս է հասցվել: Խոցելի կրոնական փոքրամասնություններն ավելիին են արժանի, քան ուղղակի թալանված գույքի մասնակի վերադարձն է: Կարևոր է, որպեսզի ԱՄՆ-ն առաջիկայում ևս ստիպի թուրք առաջնորդներին կատարել ստանձնած պարտավորությունները և անհապաղ վերադարձնել ամբողջ եկեղեցական գույքը: Թուրքիայում կրոնական հանդուրժողականության ու դավանանքի ազատության պաշտպանության օրինագիծը դիվանագիտական առավելություն կդառնա ԱՄՆ համար», -ասել է նախագահ Ռոյսը: Իր հերթին Էլիոթ Էնգելը համամիտ էր նախագահ Ռոյսի հայտարարության հետ՝ նշելով, որ «Թուրքիայի Հանրապետությունը պետք է վերադարձնի ապօրինաբար ազգային համայնքներից առգրավված եկեղեցիներն ու գույքը օրինական տերերին: Թուրքիայի հայկական, սիրիական և հունական ուղղափառ համայնքները տարիներ շարունակ պայքարում են առգրավված գույքը վերադարձնելու համար: Այդ համայնքների պահանջները պետք է հարգանքի ու համալիր լուծման արժանանան: Մեր օրինագիծը կոչ է անում Թուրքիայի Հանրապետությանը կատարել միջազգային պարտավորությունները, իսկ ԱՄՆ-ին հորդորում է եկեղեցիների վերադարձի հարցը դարձնել քաղաքականության գերակայություններից մեկը», -ասել է Էնգելը: Photo: ANCA Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |