24.04.14 - Հայոց ցեղասպանության 99 ամյակը Ծիծեռնակաբերդում

Արտասահմանյան դիվանագետները հարգել են Ցեղասպանության զոհերի հիշատակը. Պատմությունը փոխկապակցված է

24 ապրիլի 2014 - 15:59 AMT

PanARMENIAN.Net - «Հայոց ցեղասպանության 100-րդ տարելիցի մոտենալը հնարավորություն է բոլոր երկրների համար, որոնք դեռևս չեն ճանաչել այդ ցեղասպանությունը, որպեսզի անեն դա»,- ապրիլի 24-ին Ծիծեռնակաբերդի հուշահամալիրում լրագրողների հետ զրույցում ասել է Ֆրանսիայի դեսպան Անրի Ռենոն:

Դեսպանը նշել է, որ Հայոց ցեղասպանության տարելիցն ավելի քան 500 000-ի հասնող ֆրանսահայ համայնքի համար կարևորագույն հարցն է: «Ցեղասպանության փաստը մեր պատմության մի մասն է ոչ միայն այն պատճառով, որ բազմաթիվ փախստականներ իրենց ապաստանն են գտել Ֆրանսիայում, այլ նաև այն պատճառով, որ այդ մարդիկ նաև ֆրանսիացիներ են դարձել»,-նշել է դեսպանը, գրում է «Իրավունքը»:

ՌԴ դեսպան Իվան Վոլինկինը Ծիծեռնակաբերդ էր բերել 1995 թվականին ՌԴ պետդումայի՝ Ցեղասպանության վերաբերյալ ընդունած հայտարարությունը: Նա դրանից մի հատված է ընթերցել, որում նշված է, թե եղբայրական հայ ժողովրդի ֆիզիկական ոչնչացումը և նրանց իրենց պատմական հողերից վտարումը նպատակ է ունեցել նաև նախադրյալներ ստեղծել Ռուսաստանի ոչնչացման համար:

«Պատմությունը փոխկապակցված է, և այդ պատճառով մենք պետք է ճիշտ գնահատական տանք անցած դարասկզբի իրադարձություններին և կոչ անենք, որ միջազգային հանրությունն էլ դատապարտի»,- ասել է նա, գրում է Tert.am-ը։

Ծիծեռնակաբերդի հուշահամալիրում հարգանքի տուրք մատուցելով Հայոց ցեղասպանության անմեղ զոհերի հիշատակին` ՀՀ-ում Լեհաստանի դեսպան Զդիսլավ Ռաչինսկին էլ հայտարարել է, թե իրենք բարձր են գնահատում Հայաստանի նախագահի նախաձեռնությունը, ով քաղաքական հեռատեսություն է ցուցաբերել՝ անձամբ նախաձեռնելով երկխոսությունը Թուրքիայի հետ:

Նա նշել է, որ թեև հայ-թուրքական արձանագրություններն այժմ սառեցված են, բայց հավատում է, որ ժամանակի խնդիր է, գրում է Panorama.am-ը: Դեսպանի դիտարկմամբ, տարածաշրջանում խաղաղություն, կայունություն հաստատելու միակ ճանապարահը բանակցություններն են, երկխոսությունը:

Հղումներ թեմայով.

Armenia Today: Посол Франции призывает страны, не признавшие Геноцид армян, сделать это в преддверии 100-ей годовщины

Новости-Армения: Человечество должно дать правильную оценку Геноциду армян - посол России в Армении

Armenia Today: Посол Польши: Инициатива нормализации отношений Армении и Турции чрезвычайно важна

Новости-Армения: Заявление Эрдогана может послужить первым положительным знаком в деле взаимодействия между Арменией и Турцией - посол

Անրի Ռենո. «Ցեղասպանության փաստը մեր պատմության մի մասն է». «Իրավունք»

ՌԴ դեսպան Իվան Վոլինկինը Ծիծեռնակաբերդ էր բերել Պետդումայի՝ Ցեղասպանության վերաբերյալ ընդունած հայտարարությունը.Tert.am

ՀՀ-ում Լեհաստանի դեսպան. Հայաստանի նախագահը քաղաքական հեռատեսություն ցուցաբերեց. Panorama.am

ARKA: Centenary of Armenian genocide gives countries opportunity to recognize it, French ambassador

n region are possible only through dialogue and reconciliation between Ankara and Yerevan, polish ambassador

Հայոց ցեղասպանություն

Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:

Դեռևս Ցեղասպանության իրագործման տարիներին` 1915-23թթ. տերությունները ընդունեցին հայերի կոտորածը դատապարտող բանաձևեր: ԱՄՆ-ն երեք անգամ (1916, 1919, 1920) նմանատիպ բանաձևեր է ընդունել, սակայն դա չկասեցրեց Օսմանյան կայսրության գործողությունները: 1915թ. Ֆրանսիան, Մեծ Բրիտանիան և Ռուսաստանը հանդես եկան համատեղ հռչակագրով` դատապարտելով հայերի բնաջնջումը:

Աշխարհի շատ երկրներ և ազդեցիկ միջազգային կազմակերպություններ ճանաչել և դատապարտել են Հայոց ցեղասպանությունը: Պաշտոնապես առաջինը Հայոց ցեղասպանությունն ընդունել և դատապարտել է Ուրուգվայը 1965թ-ին: Հայոց ցեղասպանությունը ճանաչել են նաև Եվրոպայի Խորհուրդը, Եվրախորհրդարանը, ՄԱԿ-ի խտրականության կասեցման և փոքրամասնությունների պաշտպանության կանխարգելման ենթահանձնաժողովը, ՄԱԿ-ի ռազմական հանցագործությունների գծով հանձնաժողովը, Եկեղեցիների համաշխարհային խորհուրդը: Հայերի ոչնչացումը պաշտոնապես ցեղասպանություն են ճանաչել Ֆրանսիան, Ավստրիան, Իտալիան, Գերմանիան, Բելգիան, Լյուքսեմբուրգը, Շվեդիան, Նիդերլանդները, Շվեյցարիան, Ռուսաստանը, Լեհաստանը, Լիտվան, Հունաստանը, Սլովակիան, Կիպրոսի Հանրապետությունը, Լիբանանը, Ուրուգվայը, Արգենտինան, Վենեսուելան, Չիլին, Բոլիվիան, Կանադան, Վատիկանը, Բրազիլիան, Լյուքսեմբուրգը, Գերմանիան, Պարագվայը, Սիրիան և ԱՄՆ-ի 45 նահանգ:

Բելգիայում և Շվեդիայում Հայոց ցեղասպանության ժխտման համար քրեական պատասխանատվություն է սահմանված (45 հազար եվրո տուգանքից մինչև 1 տարվա ազատազրկում): 2006թ. հոկտեմբերի 12-ին Ֆրանսիայի խորհրդարանն օրինագիծ ընդունեց, որի համաձայն Հայոց ցեղասպանության ժխտումը կքրեականացվի, ինչպես Հոլոքոսթը:

Ժամանակակից Թուրքիան ժխտում է Հայոց ցեղասպանության պատմական փաստը և վարում է այդ փաստի ժխտման ներքին և արտաքին քաղաքականություն: Թուրքական պետության գործողությունները ներկայացվում են որպես «բռնագաղթ»` հայերի անվտանգությունն ապահովելու նպատակով: Հայոց ցեղասպանության ճանաչման անհրաժեշտության մասին խոսում են միայն առանձին թուրք մտավորականներ, որոնց թվում են պատմաբան Թաներ Աքչամն ու Նոբելյան մրցանակի դափնեկիր Օրհան Փամուկը: