Մայիսի 12-ին Ամերիաբանկի գլխամասային գրասենյակում ԶԼՄ ներկայացուցիչների անմիջական մասնակցությամբ տեղի ունեցավ FIFA World Cup Brazil™ խաղարկության վիճակահանությունը` Ամերիաբանկի Visa քարտապանների շրջանակում: Խաղարկության արդյունքում Ամերիաբանկի այն քարտապանը, ում անունն առաջինը դուրս բերվեց վիճակահանության արկղից` Աննա Ժորժիկի Ղարիբյանը, հնարավորություն ստացավ մասնակցել հունիսի 16-19-ը Ֆորտալեզայում կայանալիք ֆուտբոլային խաղին: Երկրորդ հաջողակ քարտապանը` Արթուր Ռոբերտի Թորոսյանը, կմասնակցի հունիսի 30-ից մինչև հուլիսի 3-ը Սալվադորում կայանալիք խաղին: Ի դեպ` հաղթող քարտապանների անունները խաղարկության արկղից հանեցին հենց ԶԼՄ ներկայացուցիչները:

Խաղարկության մասնակիցներին կտրամադրվեն նաև Visa-ի և FIFA-ի ապրանքանիշով 300 այլ մրցանակներ` ֆուտբոլի գնդակներ, բրենդավորված ուսապարկեր և այլն:

Ամերիաբանկի կոմղից մարտի 10-ից ապրիլի 30-ը ներառյալ կազմակերպված խաղարկության ընթացքում Ամերիաբանկի այն Visa քարտապանները, ովքեր Visa քարտերով կկատարեին առնվազն 200.000 ՀՀ դրամի կամ դրան համարժեք արտարժույթով անկանխիկ վճարումներ (բացառությամբ կոմունալ վճարումները և քարտից քարտ փոխանցումները), հնարավորություն կստանային մասնակցելու խաղարկությանը: 200.000 ՀՀ դրամ նվազագույն շեմը կարող էր ապահովվել և կուտակային, և միանվագ եղանակով: Մրցանակների վիճակահանությանը մասնակցում են առավելագույն քանակությամբ անկանխիկ գործարքներ իրականացրած 300 քարտապան:

Ամերիաբանկի մանրածախ գործառնությունների գծով տնօրեն Արման Բարսեղյանը նշեց, որ նմանատիպ ակցիաների հիմնական նպատակներից մեկն անկանխիկ վճարումների ավելացումն է:

«Քարտային բիզնեսը Ամերիաբանկի գլխավոր առաջնահերթություններից մեկն է և դրա զարգացման նպատակով պարբերաբար կազմակերպում ենք արշավներ, որոնց հիմնական նպատակներից մեկը քարտերի քանակի ավելացումն է, ինչպես նաև` անկանխիկ վճարումների ավելացումը »,- ասաց Բարսեղյանը:

Ըստ էության, արշավը ծառայել է նպատակին, քանի որ այս տարի մարտի 10-ից ապրիլի 30-նն ընկած ժամանակահատվածում, անցյալ տարվա նույն ժամանակահատվածի համեմատ, Ամերիաբանկի բոլոր քարտատեսակներով անկանխիկ գործարքների քանակն ավելացել է 33%-ով, այդ թվում` Visa քարտերով` 55%-ով: Նույն ժամանակահատվածում անկանխիկ գործարքների ծավալը բանկի բոլոր այլ քարտատեսակներով ավելացել է 20%-ով, այդ թվում` Visa քարտերով` 42%-ով:

Մրցույթն ակտիվորեն քննարկվել է նաև Ամերիաբանկի ֆեյսբուքյան էջում, որտեղ կազմակերպվել է նաև ֆուտբոլային վիկտորինա, որի հաղթողները ստացել են Ամերաբանկի Visa Classic 5 քարտ` մեկ տարի անվճար սպասարկման հնարավորությամբ:

Հաղթող հաճախորդները մրցանակները կորղ են ստանալ արդեն վաղը` մայիսի 13-ին, Ամերիաբանկի մասնաճյուղերից: