ՀՀ-ում Լեհաստանի դեսպանը ԵՄ-ին ինտեգրման, Արևելյան գործընկերության և Ուորլիքի հայտարարության մասին16 մայիսի 2014 - 17:07 AMT PanARMENIAN.Net - Լեհաստանը դեռևս մինչ Արևելյան գործընկերության ծրագրի մեկնարկը հայտարարում էր, որ ցանկալի կլինի Եվրամիության հարևան երկրների համար ԵՄ հետ սերտորեն համագործակցելու հնարավորություն ստեղծել, ուստի հարկավոր է միայն հստակեցնել Հայաստանի ու Եվրամիության կարիքները: Այդ մասին այսօր մայիսի 16-ին Երևանում կայացած մամուլի ասուլիսում հայտարարել է ՀՀ-ում Լեհաստանի դեսպան Զդիսլավ Ռաչինսկին՝ մեկնաբանելով Հայաստանի հարաբերությունները ԵՄ հետ: Ըստ նրա, անհրաժեշտ է հստակ հասկանալ, թե ինչ է հարկավոր Հայաստանին ու ԵՄ-ին՝ ընդամենը փաստաթուղթ թե նրա բովանդակությունն ու ասոցացումը: Դիվանագետը մատնանշել է ԵՄ հետ սերտորեն գործակցելու մտադրության մասին Հայաստանի իշխանությունների հայտարարությունը, այն հարցերում, որտեղ դա չի հակասում Մաքսային միությանն անդամակցելուն: «Մենք սատարում ենք այդ դիրքորոշմանը: Ուղղակի խնդիրն այն է, որ Հայաստանը դեռ Մաքսային միության անդամ չէ և այս պահին չի կարող հստակեցնել, թե հատկապես որ ոլորտներում հնարավոր կլինի սերտ համագործակցութունը և որ դրույթներն են ընդունելի հայկական կողմի համար»,-ասել է դեսպանը, հայտնում է Panorama.am-ը: Ռաչինսկին նաև նշել է, որ ԵՄ-ն, և մասնավորապես Լեհաստանը, երբեք չեն մերժել Հայաստանի հետ գործակցության մասին փաստաթղթի ստորագրման հնարավորությունը: Այդ մասին նա ասել է՝ մեկնաբանելով այն հարցը, թե ինչ է նշանակում Ֆրանսիայի նախագահ Ֆրանսուա Օլանդի հայտարարությունն այն մասին, թե ԵՄ-ն փոխել է դիրքորոշումն ու պատրաստ է Հայաստանի հետ ստորագրել ասոցացման համաձայնագրի քաղաքական մասը: Ըստ նրա Արևելյան գործընկերության հաջողությունը կարելի է համարել այն, որ հոռետեսորեն տրամադրված երկրները սկսել են նկատել, որ ծրագիրը իրագործվում է: Ռաչինսկին նշել է, որ դեռ ծրագրի մեկնարկից առաջ Լեհաստանը հայտարարում էր, որ պետք է մերձենալ արևելյան հարևանների հետ: «Ուրախ եմ, որ պարոն Օլանդը նույնպես այդ տեսակետն ունի: Եվ, այնուամենայնիվ, իր ելույթում նա կողմ արտահայտվեց գործընթացին, ոչ թե քաղաքական մասի ստորագրմանը»,-հայտարարել է նա՝ հավելելով, որ կողմերը պետք է հասկանան, թե ինչ է իրենց հարկավոր՝ ուղղակի փաստաթուղթ թե բովանդակություն ու իրական ասոցացում: ՀՀ նախագահի հետ համատեղ ասուլիսում մայիսի 13-ին Ֆրանսու Օլանդն ասել է. «Հայաստանն աշխարհաքաղաքական տեսակետից յուրահատուկ դրության մեջ է, այդ պատճառով որոշեց կապերը վերահաստատել Ռուսաստանի հետ: Իմ խնդիրը դատապարտելը չէ, այլ հասկանալը»,- անդրադառնալով Հայաստանի` ՄՄ անդամակցության որոշմանը, ասել է Ֆրանսուա Օլանդը: Նա նշել է, որ այցի ընթացքում փորձել է հասկանալ` որն է Հայաստանի դիրքը և ինչ պետք է լինի Եվրամիության պատասխանը: «Ցանկանում եմ, որ Հայաստանը լիովին ասոցացված լինի Եվրամիության հետ, քանի որ նրա տենչն է, նրա արժեքներն են, նրա շահերին է համընկնում»: Ֆրանսիայի նախագահը հավելել է, որ չի պատրաստվում ստիպել Հայաստանին խզել Ռուսաստանի հետ տնտեսական կապերը, հարաբերությունները. «Հայաստանի դիրքորոշումը պետք է օժանդակեն, քաջալերեն Եվրամիության շրջանակում, Եվրամիությունը պետք է հասկանա, որ Հայաստանը բացառիկ պայմանների մեջ է ապրում, ու պետք է մի գործընթացի մեջ մտնի, որ մերձենա Եվրամիությանը»: Զդիսլավ Ռաչինսկին նշել է, որ Հայաստանը հայտարարել է, որ պատրաստ է գործակցել ԵՄ հետ այն ուղղություններում, որ չեն հակասում ՄՄ-ին անդամակցությանը: Դեսպանը նշել է, որ Լեհաստանը հարգում է Մաքսային միությանը Հայաստանի անդամակցության մասին որոշումը: «Ես վստահ եմ, որ այդ որոշումը կայացվել է խորը վերլուծության հիման վրա: Նման որոշումներն ինքնանպատակ չեն, այլ պետք է հանգեցնեն կյանքի մակարդակի բարձրացմանը: Լեհաստանը անդամակցեց ԵՄ-ին 10 տարի առաջ, այդ ընթացքում երկրի ՀՆԱ-ն աճել է 2,5 անգամ: Ես ցանկանում եմ, որ ՄՄ-ին անդամակցելուց 10 տարի անց Հայաստանի ՀՆԱ-ն ևս 2,5 անգամ աճի»,-ասել է լեհ դիվանագետը, հայտնում է Armenia Today-ը: Դեսպանը նաև անդրադարձել է այն հարցին, թե կարելի է արդյոք Ուկրաինայում իրադարձությունների լույսի ներքո խաչ քաշել Արևելյան գործընկերության ծրագրի վրա: Ըստ նրա, Արևելյան գործընկերությունը շարունակում է գոյատևել, որի վկայությունն է այն հանգամանքը, որ մի շարք երկրներ պատրաստ են ընդունել ԵՄ առաջարկն այս ծրագրի շրջանակում: Ռաչինսկին հիշեցրել է, որ Ուկրաինան արդեն ստորագրել է ասոցացման մասին քաղաքական մասն ու մտադիր է ստորագրել նաև տնտեսականը: Մոտավորապես, հունիսին համաձայնագիր կստորագրեն Վրաստանն ու Մոլդովան: Համաձայնագրով չամրագրված պայմանավորվածությունների մի մասն արդեն իրականացվում է. Ուկրաինան կարող է առանց մաքսի իր արտադրանքն արտահանել եվրոպական շուկա, Մոլդովայի քաղաքացիները կարող են առանց վիզաների մուտք գործել ԵՄ տարածք: Դեսպանը նշել է, որ Արևելյան գործընկերության առաջարկությունները մնում են ուժի մեջ և դեռ սեղանին են: Այն երկրները, որոնք դեմ են այս ծրագրին, ուղղակի չեն ցանկանում, որ ԵՄ-ն մերձենա արևելյան հարևանների հետ, գտնում է դեսպանը: Զդիսլավ Ռաչինսկին նշել է, որ Արևելյան գործընկերությունը ԵՄ արտաքին քաղաքականության մաս է կազմում ու մերձեցման յուրօրինակ առաջարկ է: «Դա աշխարհաքաղաքական փոփոխություններ հրահրելու ձգտում չէր: Հիմնական նպատակը սերտ գործակցությունն է, որը պետք է հանգեցնի Արևելյան գործընկերության երկրների ներքին արդիականացմանը»,-հայտարարել է նա: Դեսպանը նշել է, որ Ուկրաինայի դեպքում ԵՄ-ն նպատակ չի դրել, որ այդ երկիրը դուրս գա ԱՊՀ-ից, խոսք չի եղել նաև ՆԱՏՕ-ին Ուկրաինայի անդամակցության մասին: «Ցավոք, գտնվեց երկիր, որը սպառնալիք տեսավ ԵՄ հետ Ուկրաինայի գործակցության մեջ»,-հայտարարել է նա: Լրագրողների այն հարցին, թե որքանով է ԵՄ արձագանքը համարժեք Ռուսաստանի գործողություններին Ուկրաինայում, Ռաչինսկին պատասխանեց, որ ԱՊՀ-ն էլ միասնական հանդես չեկավ իրավիճակի և ԱՊՀ անդամներից մեկի տարածքի բռնակցման հարցում: Նա հավելեց, որ ԵՄ կազմում 28 երկիր կա և շատ բարդ է լինում համաձայնեցնել բոլոր հարցերն ու հանդես գալ միասնական դիրքերից: Ըստ նրա, ուկրաինական իրադարձությունները կարող են խթանել ավելի սերտ ռազմաքաղաքական գործակցություն: Մամուլի ասուլիսում Զդիսլավ Ռաչինսկին նաև անդրադարձել է ԵԱՀԿ ՄԽ ամերիկացի համանախագահ Ջեյմս Ուորլիքի վերջին ելույթին: Նա նշեց, որ Ուորլիքը ամփոփեց հայտարարություններն ու իրադարձությունները և արտահայտեց ԵԱՀԿ ՄԽ վերջին տարիների աշխատանքի արդյունքները: Համանախագահի հայտարարությունը դեսպանը կապեց բանակցությունները խթանելու նրա ձգտման հետ: Ռաչինսկին նաև նշեց, որ ՀՀ ԱԳ նախարարը ճիշտ և հավասարակշռված գնահատական է տվել հայտարարությանը: ԵԱՀԿ Մինսկի խմբի ԱՄՆ համանախագահ Ջեյմս Ուորլիքը մայիսի 7-ին Միջազգային խաղաղության Քարնեգի հիմնադրամում «Լեռնային Ղարաբաղ. Կարգավորման ուղիներ» թեմայով ելույթ է ունեցել՝ ներկայացնելով կարգավորման 6 սկզբունքները: Նա նշել է, որ ներկայացնում է ոչ թե ԵԱՀԿ ՄԽ համանախագահների դիրքորոշումը, այլ ԱՄՆ կառավարության պաշտոնական քաղաքականությունը: Իր ելույթի սկզբում նա խոսել է կողմերի բևեռացված դիրքորոշումների ու դեռևս չհամաձայնեցված հարցերի մասին և նշել է, որ անհրաժեշտ է աջակցել կողմերին, որպեսզի նրանք, նույնիսկ վստահության բացակայությանն պայմաններում, վճռական քայլ կատարեն: Ուորլիքը ներկայացրել է փոխզիջման հիմնական տարրերը, բաղկացած 6 կետից: «Առաջին, հաշվի առնելով Լեռնային Ղարաբաղի բարդ պատմությունը՝ կողմերը պետք է համաձայնության գան, որ վերջնական իրավական կարգավիճակի որոշումը պետք է իրականացվի փոխադարձաբար համաձայնեցված և իրավական ուժ ունեցող կամաարտահայտման միջոցով ապագայում: Սա ընտրովի տարբերակ չէ: Միջանկյալ կարգավիճակը կլինի ժամանակավոր: Երկրորդ,նախկին Լեռնային Ղարաբաղի Ինքնավար Հանրապետության սահմաններում գտնվող տարածքը, որը չի վերահսկվում Բաքվի կողմից, պետք է ստանա միջանկյալ կարգավիճակ, որի համար առնվազն պետք է ապահովված լինեն անվտանգության երաշխիքներ և ինքնակառավարում: Երրորդ, Լեռնային Ղարաբաղը շրջապատող գրավյալ տարածքները պետք է վերադարձվեն Ադրբեջանի վերահսկողությանը: Ադրբեջանի ինքնիշխանության նկատմամբ հարգանքի բացակայության պայմաններում կարգավորում չի կարող լինել և Ադրբեջանի ինքնիշխանության ճանաչումն այդ տարածքների նկատմամբ պետք է վերականգնվի: Չորրորդ, պետք է լինի միջանցք, որը կկապի Հայաստանը Լեռնային Ղարաբաղի հետ: Այն պետք է բավարար լայնություն ունենա, որպեսզի անվտանգ անցում ապահովվի, բայց այն չի կարող ընդգրկել Լաչինի ողջ շրջանը: Հինգերորդ,տևական կարգավորման ներքո պետք է ճանաչվի ներքին տեղահանվածների ու փախստականների իրենց նախկին բնակավայր վերադառնալու իրավունքը: Եվ վերջապես վեցերորդ,կարգավորմամբ պետք է ապահովվեն անվտանգության միջազգային երաշխիքներ, ինչը կներառի խաղաղապահ գործողություն»,-ասել է Ուորլիքը: Հղումներ թեմայով. Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի Team-ը` CaseKey կրթական ակադեմիայի գործընկեր Վերապատրաստման ծրագրի ավարտին թիմերին կներկայացվի իրական բիզնես խնդիր, որը պետք է լուծել ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Փաշինյան․ Մեր մտածածն էն ա, որ ասեք՝ «վայ, ինչ լավ ա, որ 50 մետր էն կողմ Ադրբեջանն ա» Վարչապետը նաև վստահեցրել է, որ եթե այս քայլերը չարվեն, երաշխավորում է, որ մեր տարածաշրջանում նոր պայթյուն է լինելու |