Մուշում մտադիր են վերականգնել հայկական եկեղեցին, իսկ մինչև այդ Կերմուշինն արդեն քանդվում է17 մայիսի 2014 - 11:07 AMT PanARMENIAN.Net - Մուշում մտադիր են վերականգնել հայկական Սբ Մարինե եկեղեցին, որը քաղաքի հայկական թաղամասում (Բերդ) է: Այժմ եկեղեցուց միայն փլատակներ են մնացել, չնայած այն գրանցված է եղել որպես պատմական հուշարձան: Ըստ քաղաքապետ Ֆելաթ Ասիայի, այժմ հատուկ աշխատանք են կատարում, հովանավորներ փնտրում: Ըստ հայ-թուրքական «Ակոս»-ի, հայկական թաղամասի ոչնչացումը սկսվել էր դեռ նախորդ ամռանը, սակայն եկեղեցուց որոշ հատվածներ մնացել էին: Այն Մուշի Սբ Առաքելոց վանական համալիրի մասն էր, որն ամբողջությամբ ոչնչացվել է դեռ 1915 թվականին: Իսկ մինչև այդ Թուրքիայի Շանլիուրֆա (պատմական Ուրֆա) քաղաքից 10 կմ հեռավորությամբ, Կերմուշում գտնվող հին հայկական եկեղեցին գրեթե ամբոջովին թալանված է: «Ակոս» թերթի համաձայն, եկեղեցուց գրեթե բան չի մնացել և եթե միջոցներ չձեռնարկվեն, այն վերջնականապես հողին կհավասարվի: Պատերի քարերն ու խաչքարերն օգտագործում են հարևանությամբ գտնվող տների կառուցման համար որպես շինանյութ: Մինչ 1915 թվականը Կերմուշում մոտ հազար հայ է բնակվել: Եկեղեցին քանդվել է հենց այդ տարիներին: 2011-ի նախընտրական արշավի ժամանակ իշխող Արդարության ու զարգացման կուսակցությունը (ԱԶԿ) հայտարարել էր «4 տարում 400 նախագիծ» ծրագրի մեկնարկի մասին, որով վերականգնվելու են պատմական հուշարձանները, սակայն եկեղեցու գմբեթն արդեն փլուզվել է: Այնուամենայնիվ, տեղի բնակչությունը կողմ է եկեղեցու վերանորոգմանը, քանի որ Կերմուշ կսկսեն զբոսաշրջիկներ այցելել: Թուրքիայում երկու հայկական եկեղեցի է վերականգնվել՝ Վանում Աղթամարի Սբ Խաչ եկեղեցին և Դիարբեքիրում Սբ Կիրակոս եկեղեցին: Մի քանի տարի է վերականգնողական աշխատանքներ են տարվում Բագրատունիների թագավորության մայրաքաղաք Անիում: Մինչ 1915 թ. Հայոց ցեղասպանությունը Օսմանյան կայսրությունում մոտ 2,5 հազար եկեղեցի կար, այժմ դրանք բոլորն ավիրված են: Հղումներ թեմայով. Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |