 ՀԱՊԿ ԱԳՆԽ-ն հրաժարվում է ՆԱՏՕ-ի հետ երկխոսությունից՝ գերադասելով գործակցությունը Չինաստանի հետ 16 հունիսի 2014 - 19:05 AMT PanARMENIAN.Net - ՀԱՊԿ երկրների արտաքին գործերի նախարարների խորհուրդը (ԱԳՆԽ) անհրաժեշտ է համարել հրաժարվել ՆԱՏՕ-ի հետ երկխոսություն հաստատելու փորձերից և որպես առաջնային նախանշել է գործակցությունը ՇՀԿ և Չինաստանի հետ, հունիսի 16-ին հայտարարել է ՀԱՊԿ գլխավոր քարտուղար Նիկոլայ Բորդյուժան: «Հաշվի առնելով իրավիճակը, ԱԳՆԽ-ն նպատակահարմար է համարում կասեցնել եվրոպական հարթակում բանակցային դաշտ ունենալու միտումով ՆԱՏՕ-ի հետ երկխոսություն հաստատելու փորձերը, խորհուրդ տալով զարգացնել գործակցությունը ԵԱՀԿ հետ»,-ասել է Բորդյուժան Պետդումայում ԵԱՀԿ ԽՎ-ում ԵԱՀԿ անդամ պետությունների խորհրդարանական պատվիրակությունների ղեկավարների հետ հանիպմանը: Նա հիշեցրել է, որ վերջերս Մոսկվայում տեղի ունեցան ՀԱՊԿ անդամ երկրների ԱԳ նախարարների, անվտանգության նախարարների խորհրդի ու պաշտպանության նախարարների խորհրդի նիստերը: Ըստ նրա, որպես գերակա նախանշվեց գործակցությունը ՇՀԿ, իսկ երկկողմ ձևաչափով Չինաստանի հետ: «Նշվեց Լատինական Ամերիկայի և Կարիբյան ավազանի միջազգային կազմակերպությունների հետ ՀԱՊԿ քաղաքական գործակցության ընդլայնման անհրաժեշտությունը: Առանձին ջանքեր է պահանջում Իրանի հետ հարաբերությունների զարգացումը, որի ազդեցությունը տարածաշրջանում անհերքելի է, հատկապես հաշվի առնելով Աֆղանստանի գործոնը»,-ասել է Բորդյուժան: «Կանոնադրական մարմինների նիստերի արդյունքները վկայում են այն մասին, որ պետական կազմակերպություններում առկա է խնդիրների հավաքական հաղթահարման անհրաժեշտության գիտակցումը, ինչը թելադրված է ստեղծված արտակարգ միջազգային իրավիճակով: Նրա առանձնահատկությունը հզոր տնտեսական, քաղաքական ու տեղեկատվական ճնշումն է ՌԴ և ՀԱՊԿ անդամ երկների վրա: Գործնականում նրանք չեն թաքցնում ռազմավարական նպատակները, որոնք ենթադրում են հետխորհրդային տարածքի հետագա ապակայունացում»,-ասել է ՀԱՊԿ գլխավոր քարտուղարը: Նա նաև նշել է հստակ համակարգումն ու դաշնակցային կարգապահության պահպանումն արևմտյան պետությունների կողմից hավաքական քաղաքական որոշումների իրագործման դեպքում, որոնք երբեմն հակասում են միջազգային հարաբերություններին: «Երկակի չափանիշները, փաստերի խեղաթյուրումը դարձել են աշխարհում տեղի ունեցող գործընթացների մասին հասարակական կարծիքի ձևավորման տարածված մեխանիզմ»,-ասել է Բորդյուժան, հայտնում է «ՌԻԱ Նովոստին»: Անցյալ տարվա հոկտեմբերին Բորդյուժան հայտարարեց, որ ՀԱՊԿ-ը չի դիտարկում հարևանների գործակցությունը ՆԱՏՕ-ի հետ որպես սպառնալիք, քանի որ Դաշինքի հետ ակտիվորեն համագործակցում են ՀԱՊԿ բոլոր անդամները: Կազմակերպությունը չի դիտարկում իրեն որպես գլոբալ դաշինք, ինչպես ՆԱՏՕ-ն, որը միջամտում է բոլոր հակամարտություններին մոլորակի վրա: «Օրինակ, մենք երբեք, ոչ մի գագաթաժողովում չենք քննարկել Աֆղանստանի տարածքում մասնակցության հարցը: Մենք անում ենք միայն այն, ինչ վերաբերում է մեր պետությունների պաշտպանությանը»,-ասել է Բորդյուժան: «Մենք համարում ենք մեզ ինքնաբավ կազմակերպություն, որը ներուժ ունի: Մենք առաջարկում ենք ՆԱՏՕ-ին գործակցել նույն Աֆղանստանում, չէ, որ խոսքը մարդկային կայնքի մասին է: Եթե չեն ցանկանա, Աստված նրանց հետ: Մենք կազմակերպության զարգացման մեծ ծրագրեր ունենք, իսկ երբ ՆԱՏՕ-ն «կհասունանա», կաշխատենք միասին»,-հայտարարել է ՀԱՊԿ գլխավոր քարտուղարը:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
