2013-ին ոլորտի ավելի շատ աշխատակիցներ են առևանգվել կամ սպանվել, քան երբևէ. ՄԱԿ-ը նշում է Մարդասիրության համաշխարհային օրը19 օգոստոսի 2014 - 12:00 AMT PanARMENIAN.Net - Ամեն տարի օգոստոսի 19-ին ՄԱԿ-ը նշում է Մարդասիրության համաշխարհային օրը՝ ի պատիվ մարդասիրական օգնության աշխատակիցների, ովքեր զոհաբերել են իրենց կյանքերը ծառայողական պարտքը կատարելիս: ՄԱԿ-ի գլխավոր քարտուղար Բան Կի Մունը օրվա կապակցությամբ ուղերձ է հղել` նշելով, որ ամեն տարի այս օրը վերստանձնում են փրկարար օգնություն ցուցաբերելու հանձնառությունը և հիշում բոլոր նրանց, ովքեր զոհվել են այս ազնիվ գործին ծառայելիս: «Անցյալ տարի մարդասիրական ոլորտի ավելի շատ աշխատակիցներ են առևանգվել, լրջորեն վիրավորվել կամ սպանվել, քան նախկինում երբևէ: Սա սահմռկեցուցիչ է և որևէ արդարացում չունի: Վերջին շաբաթներին մարդասիրական առաքելության տասնյակ աշխատողներ, այդ թվում՝ ՄԱԿ-ի ընտանիքի անդամներ, կորցրել են իրենց կյանքը Հարավային Սուդանում և Գազայում: Չափազանց մեծ թվով մարդիկ են զոհվել կամ տուժել կազմակերպված հարձակումներից: Այս հանցագործություններն ամենածանր հարվածն են հասցնում մարդասիրական ոլորտի աշխատակիցներին և նրանց ընտանիքներին: Սակայն դրանք անդրադառնում են նաև միլիոնավոր այլ մարդկանց վրա: Հարձակումները մարդասիրական առաքելության աշխատակցների վրա թույլ չեն տալիս, որ ծայրահեղ կարիքի մեջ գտնվող մարդիկ ստանան փրկարար օգնություն: Երեխաները չեն պատվաստվում: Հիվանդ ու վիրավոր մարդիկ չեն բուժվում: Իրենց տները հարկադրաբար լքած մարդիկ մնում են առանց սննդի, ջրի ու կացարանի՝ ենթակա բռնության, հիվանդության կամ այլ վտանգների: Մարդասիրության համաշխարհային օրը մենք հարգանքի տուրք ենք մատուցում մարդասիրական առաքելությունների հերոսական աշխատակիցներին, որոնք խիզախորեն առաջ են մղվում՝ օգնելու կարիքի մեջ գտնվող մարդկանց: Մենք հիշում ենք նրանց զոհողությունները և ճանաչում ենք միլիոնավոր մարդկանց, որոնց գոյատևման ապավենը մարդասիրական առաքելության աշխատակիցներն են: Եկեք հարգանքի տուրք մատուցենք ընկածներին՝ պաշտպանելով նրանց, ովքեր իրենց գործն են անում, և աջակցելով ամբողջ աշխարհում մարդասիրական օգնության գործողություններին»: Մարդասիրությունը կամ հումանիզմը ժողովրդավարական և բարոյագիտական դիրքորոշում է, որը հաստատում է` մարդկային արարածներն իրենք իրենց կյանքին նշանակություն և ձև տալու իրավունք ու պատասխանատվություն ունեն: Այն բարոյագիտության (էթիկայի) միջոցով փորձում է կերտել ավելի մարդկային հասարակություն, որը հիմնված է մարդկային ու այլ բնական արժեքների վրա, մարդկային ունակությունների շրջանակներում բանականության և ազատորեն պրպտելու միջոցով: Այն թեիստական չէ և չի ընդունում իրականության վերաբերյալ գերբնական տեսակետներ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |