Հայաստանում արված պեղումները կարող են հեղափոխել քարե դարի մասին գիտելիքները26 սեպտեմբերի 2014 - 13:26 AMT PanARMENIAN.Net - Հայաստանի Կոտայքի մարզի Նոր Գեղի գյուղի մերձակայքում արված հնագիտական պեղումները հեղափոխական տեղեկություններ են հաղորդել քարե դարի մասին: Լոնդոնյան Հելլոուեյ թագավորական քոլեջի պրոֆեսորներ Սայմոն Բլոքլիի ու Ալիսոն ՄաքԼեոդի ղեկավարությամբ աշխատող արշավախումբը հայտնաբերել է լևալուազյան մեթոդով մշակած քարե գործիքներ: Հրաբխային լավայի շերտերի հետազոտությամբ պարզվել է, որ գործիքները ստեղծվել են 325-335 հազար տարի առաջ: Հազարավոր զենքերի ու գործիքների հայտնաբերումը, որոնք օգտագործվում էին տարածաշրջանի բնակիչների կողմից, առիթ են դառնում մարդկության զարգացման, ինովացիաների ու հայտնաբերությունների ողջ գործընթացը վերանայելու համար: Լևալուազյան տեխնոլոգիան քարի ավելի բարդ մշակման տեխնոլոգիա է: Սուր գործիք ստանալու համար քարը ոչ թե պարզապես տաշում էին, այլ մասնատում մի քանի մասի` պահանջվող կտորից մանր մասերն առանձնացնելով: Համարվում էր, որ գործընթացը հայտնաբերվել է Աֆրիկայում ու տարածվել է երկրագնդով` մարդկության տարածման հետ մեկտեղ: Միաժամանակ նույն վայրում հայտնաբերվել են նաև ավելի պրիմիտիվ` երկկողմանի մշակված քարե գործիքներ: Տարածաշրջանում օգտագործվում էր քարի մշակման միանգամից երկու մեթոդ, գրում է Science 2.0 ամսագիրը: Այդ` ավելի պրիմիտիվ մեթոդն, օգտագործվում էր կացինների, իսկ լևալուազյան մեթոդը, նիզակների համար: «Մեր հայտնագործությունները կասկածի տակ են դնում բազմաթիվ հնագետների կողմից ընդունված տեսակետը, թե լեվալուազյան մեթոդը հայտնագործվել էր Աֆրիկայում ու այնտեղից տարածվել Եվրասիա` մարդկության թվաքանակի աճի հետ մեկտեղ: Հայաստանում արված հայտնագործությունները ի մի բերելու շնորհիվ մենք ունենք հստակ ապացույց, որ մարդկության զարգացման այս կարևորագույն հայտնագործությունը տեղի է ունեցել տարբեր խմբերում իրարից անկախ», - ասում է Բլոքլին: Հայաստանի տարածքը հարուստ է հնագիտական գտածոնեով, որոնց մեծ մասը բացառիկ նշանակություն ունեն: Դեռ 2010 թվականի ապրիլին Արենի քարանձավում պեղումների ժամանակ հայտնաբերվել է էնեոլիտի դարաշրջանի մ.թ.ա. 3600-3500 թթ տրեխ, որն ամենահինն է աշխարհում: 2011 թվականին նույն քարանձավում հայտնաբերվեցին գինու պատրաստման ավելի քան 6000 տարվա տարիք ունեցող գինեգործական պարագաներ` խաղողի պրես, կորիզների մնացորդներ, կուժեր և գինու բաժակներ: 2014 թվականին Կոտայքի մարզում հայտնաբերվել է մ.թ.ա. 9-7 դդ ուրարտական ամրոց, որն, ամենայն հավանականությամբ, Էրեբունի-Կարմիրր բլուր-Արամուս պաշտպանական գիծը Սևանի ավազանում նմանատիպ շինությունների հետ կապող օղակի մի մասն է: Այժմ պլանավորվում է անցկացնել պեղումներ, վերականգնել ամրոցն ու ապագայում օգտագործել որպես թանգարան: Photo: Royal Holloway, University of London Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |