Սիրիայի «աշխարհիկ» ընդդիմության խմբավորումները քաղաքներ են զիջում ահաբեկիչներին 3 նոյեմբերի 2014 - 15:12 AMT PanARMENIAN.Net - «Ալ Քայիդայի» հետ կապակցված «Ալ Նուսրայի ճակատը» գրավել է Հան աս Սուբուլ քաղաքն ու մերձակա գյուղերը Սիրիայի Իդլիբ գավառում՝ դուրս մղելով չափավոր ընդդիմության Հազմ խմբավորման ջոկատներին: Ինչպես հայտնում է Hurriyet-ը, հաղորդագրությունը քաղաքի ու արվարձանների գրավման մասին ստացվեց գավառի առանցքային համարվող Դեյր Սինդելիա և Ջաբալ ալ Զավիա քաղաքների գրավումից և Սիրիական ազատ բանակի ջոկատների նահանջից հետո, որը նույնպես համարվում է «աշխարհիկ» խմբավորում: Մինչդեռ «Իսլամական պետության» գրոհայինները հերթական զանգվածային մահապատիժն են իրականացրել Իրաքում. Անբար գավառի Ռամադի քաղաքում գլխատվել է 75 մարդ, ևս 125-ը պատանդ է պահվում, հայտնում է Turkish Weekly-ն: Իրաքյան ուժերը հարձակում են պատրաստում քաղաքի վրա, որը վերջին մի քանի ամսում մի քանի անգամ ձեռքից ձեռք է անցել, նպատակ ունենալով վերջնականապես դուրս մղել ահաբեկիչներին: «Իսլամական պետությանն» առաջին հարվածներն է հասցրել Կանադան՝ F-18 կործանիչները նոյեմբերի 2-ին հարվածներ են հասցրել գրոհայինների դիրքերին: Ընդհանուր առմամբ ԻՊ գրոհայինների դեմ պայքարի Կանադայի կառավարությունը ուղարկել է վեց կործանիչ, երկու CP-140 Aurora հետախույզ ինքնաթիռ և մեկ Airbus СС-150 Polaris լիցաքավորող ինքնաթիռ: Ինչպես ավելի վաղ հայտնել էր Հարփերը, կանադական ավիացիան ռմբակոծելու է իսլամիստների դիրքերն Իրաքում: Նա նշել է, որ երկրի զինծառայողները չեն մասնակցելու հնարավոր ցամաքային գործողության: Կանադական զորակազմը տեղակայվել է Քուվեյթի ավիաբազայում, որտեղ գտնվում է մոտ 600 զինծառայող, հայտնում է ՏԱՍՍ-ը: Մինչդեռ ԻՊ-ն հասել է Ավստրալիա. Սիդնեյում մահափորձ է կատարվել շիաների համայնքի առաջնորդ Ռասուլ Ալ Մուսավիի դեմ: Ըստ աղբյուրի, դրանից մի քանի ժամ առաջ հարձակման էր ենթարկվել շիաների կրոնական կենտրոնը, երկու դեպքում էլ, ըստ Guardian-ի, մեղսակից են ԻՊ կողմնակիցներն Ավստրալիայում: Մահափորձն իրականացվել է աշուրայի ժամանակ, որը շիաների կարևորագույն տոներից է: Տուժածը հիվանդանոցում է բազմաթիվ հրազենային վերքերով: Ըստ ոստիկանության, նրա կյանքին վտանգ չի սպառնում: Ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Զինված հակամարտությունն Իրաքի հյուսիսում սկսվեց «Իսլամական կազմակերպության» գրոհից հետ Մոսուլի ուղղությամբ, որն ահաբեկիչները գրավեցին հունիսի լույս 10-ի գիշերը: Ըստ որոշ գնահատականների, 1300 զինյալներ գրավեցին Նայնավա գավառի կառավարական հաստատությունները, բանակային օբյեկտները և Մոսուլի միջազգային օդանավակայանը: Մոտ 500 հազար բնակիչներ փախան քաղաքից: Գրոհայինները զանգվածային մահապատիժներ են իրականացնում Իրաքի բանակի զինծառայողների ու բնակիչների շրջանում գրավյալ տարածքներում: Հայտնի է առնվազն մի քանի հարյուր սպանվածների մասին: Մարտական գործողություններն ուղեկցվում են զանգվածային բնաջնջմամբ: Ըստ արևմտյան երկրների ԶԼՄ-ների, հակամարտության գոտում արդեն մոտ 10 հազար քրիստոնյա ու եզդի է սպանվել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |