ԵԽ գլխավոր քարտուղար. Ադրբեջանում մարդու իրավունքներն ասես «դանակի սայրին» են 4 նոյեմբերի 2014 - 11:24 AMT PanARMENIAN.Net - Գնահատականը հնչել է Եվրոպայի խորհրդի Նախարարների կոմիտեում Ադրբեջանի վեցամսյա նախագահության ավարտին մոտենալու առթիվ ԵԽ գլխավոր քարտուղար Թորբյորն Յագլանդն անդրադարձել է այդ երկրում մարդու իրավունքների աղետալի վիճակին՝ նշելով, որ դրանք ասես «դանակի սայրին» են: Ըստ եվրոպացի պաշտոնյայի՝ Ադրբեջանը խոսքի ազատության հարցում օգնության կարիք ունի: Նկատվում է, որ ինչպես 2012-ի «Եվրատեսիլ» երգի մրցույթը Բաքվում, այնպես էլ նախագահությունը Եվրոպայի խորհրդում ադրբեջանական ոչ կառավարական կազմակերպությունների և ակտիվիստների համար լավ հնարավորություն էին բարձրաձայնելու այդ երկրում մարդու իրավունքների ոտնահարման դեպքերի մասին, The Guardian-իանդրադարձը ներկայացնում է Tert.am-ը: Թորբյորն Յագլանդը նշել է նաև, որ ԵՄ-ում հակաօրինական են համարում տարբեր լրագրողների ու իրավապաշտպանների ձերբակալությունը, բանտարկությունը, հետապնդումը, որոնցով վերջին շրջանում առանձնապես աչքի է ընկել Ադրբեջանը: Ադրբեջանի դատական համակարգում, ըստ պաշտոնյայի, «խոր արմատներ ձգած համակարգային խնդիրներ» կան: Յագլանդը կապվել է Բաքվում մեծ դեսպանություններ ունեցող եվրոպական երկրների հետ, խնդրել, որ Ադրբեջանում նրանց ներկայացուցիչներն ավելի ուշադիր հետևեն ակտիվիստների դատավարություններին: Նշվում է նաև, որ Եվրոպայի խորհուրդը բազմիցս Ադրբեջանին նախազգուշացում է արել մարդու իրավունքների վատ վիճակի մասին, կոչ արել դադարեցնել հալածանքները: Յագլանդը նշում է, որ եթե Եվրոպայում դադարեցնեն իրենց ջանքերը, ապա այդ կերպ կդադարեցվի Ադրբեջանում քաղաքացիական հասարակության պայքարը: Այս համատեքստում եվրոպացի առաջնորդներին կոչ է արվում հանուն խաղաղության և կայունության եվրոպական մակարդակի օրենքի գերակայություն տարածել: Նախորդ շաբաթ՝ հոկտեմբերի 29-ի երեկոյան ձերբակալվել է ընդդիմադիր «Ազադլիգ» թերթի թղթակից Հալիլ Գարաևը: Նա նաև «Ադրբեջանական ժամ» հեռուստածրագրի առցանց աշխատակիցն է: Մոտ 20:00-ին Գարաևը գրել է Facebook-յան էջում, որ ձերբակալվել է և որ նրան տանում են ոստիկանական բաժանմունք: Սակայն, ինչպես «Թուրան» գործակալությանն է հայտնել «Ազադլիգ» թերթի գլխավոր խմբագրի առաջին տեղակալ Ռահիմ Հաջիևը, 4-րդ բաժանմունքում խմբագրության ներկայացուցիչներին ասացին, որ Գարաևն այնտեղ չէ: Գարաևի գտնվելու վայրը դեռ հայտնի չէ: Գարաևի ձերբակալությունը տեղի ունեցավ Ադրբեջանի նախագահ Իլհամ Ալիևի և Ֆրանսիայի նախագահ Ֆրանսուա Օլանդի հանդիպումից անմիջապես հետո: Հայտնի է, որ հանդիպմանը Ֆրանսիայի նախագահը դատապարտեց մարդու իրավունքների հետ կապված իրավիճակն Ադրբեջանում: Օլանդը մտահոգություն է հայտնել երկրում մարդու իրավունքների ոլորտում առկա խնդիրների, իրավապաշտպան Լեյլա Յունուսի ճակատագրի վերաբերյալ: Ալիևն իբր խոստացել էր ուշադրություն դարձնել իրավիճակին, սակայն իրականում դրան հաջորդեց ընդդիմադիրի հերթական ձերբակալությունը: 2013-ի հոկտեմբերին տեղի ունեցած նախագահական ընտրություններից հետո Ադրբեջանի կառավարությունը քաղաքական ընդդիմադիրներին ու ակտիվիստներին ճնշելու արշավ սկսեց: Մի շարք օրենքներում ուղղումներ կատարվեցին ՈԿԿ գործունեության վերաբերյալ: 2014-ի կեսերին Ադրբեջանում կտրուկ աճեցին քաղաքական դրդապատճառներով ձերբակալությունները:Հուլիսի 30-ին Լեյլա Յունուսին ձերբակալեցին պետական դավաճանության, հարկերի վճարումից խուսափելու, ապօրինի ձեռնարկատիրության, փաստաթղթեր կեղծելու և խոշոր չափի խարդախության մեջ: Նրա ամուսնուն՝ Արիֆ Յունուսին ձերբակալեցին օգոստոսի 5-ին, երբ նրան մեղադրանք ներկայացվեց պետդավաճանության և խոշոր չափի խարդախության համար: Ավելի վաղ Ազգային անվտանգությունը ձերբակալել է հայտնի լրագորղ Ռաուֆ Միրկադիրովին՝ Հայաստանի համար լրտեսելու մեղադրանքով: Նա այդ հանցագործությունն իբր կատարել է 2008-2009 թվականներին, հայերին կարևոր փաստաթղթեր հանձնելով Խաղաղության ու ժողովրդավարության ինստիտուտի կազմակերպած միջոցառման շրջանակում, որի ղեկավարն է Լեյլա Յունուսը: Ուստի, հավանաբար, Յունուսներին ցանկանում են մեղադրել մեղասակցության մեջ: Վերջին տարիներին ձերբակալվել է առնվազն 40 լրագրող, քաղաքացիական և քաղաքական ակտիվիստներ ու իրավապաշտպաններ տարբեր շինծու մեղադրանքների հիման վրա: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |