Նավթի գինը նվազել է մեկ բարելի դիմաց 80 դոլարի շեմից13 նոյեմբերի 2014 - 11:00 AMT PanARMENIAN.Net - Brent տեսակի նավթի գինը նոյեմբերի 12-ի սակարկությունների ընթացքում 2010 թ. սեպտեմբերից ի վեր առաջին անգամ նվազել է մեկ բարելի դիմաց 80 դոլարի շեմից: Գործարքների գինը կազմել է 81,65 դոլար մեկ բարելի դիմաց: Փակմանը նավթի այդ տեսակի գինը նվազել է մինչև 80,38 դոլար մեկ բարելի դիմաց (-$1,29): Նյու Յորքում սակարկությունների արդյունքում էժանացել է նաև WTI տեսակի նավթը: Ֆյուչերսային պայմանագրերն այդ տեսակի նավթի դեկտեմբերյան առաքումների վերաբերյալ կնքվել են մեկ բարելի դիմաց 77,18 դոլարով: Անկումը կազմել է 0,76 դոլար, հայտնում է ՌԲԿ-ն: Գների անկման վրա, մասնավորապես, ազդում է ԱՄՆ-ում թղթաքարային նավթի արդյունահանման ու օգտագործման ծավալների նվազումը: Գնանկումը ձեռնատու է արաբական երկրներին՝ նվազում է այլընտրանքային ամերիկյան թղթաքարային նավթի շահութաբերությունը, նոր-նոր պատժամիջոցների ռեժիմից դուրս եկող Իրանը եկամուտներ չի ստանում: Սակայն անկումը վնասում է ՌԴ-ին, Վենեսուելային, Իրանին ու մի շարք այլ երկրներին: Նախկինում պաշտոնատար անձիք հայտարարել են, որ մեկ բարելի գնի նվազումը մեկ դոլարով զրկում է Ռուսաստանին մոտ երկու միլիարդ դոլարի եկամուտից: Եվրոպան, հակառակը, շահում է գնանկումից: Ցածր գների դեպքում ԵՄ-ն արդեն այս տարի կտնտեսի մինչև 25 մլրդ դոլար, ներկրումը տարեսկզբից կազմել է 475 մլրդ դոլար: Եթե նավթի գինը մեկ բարելի համար 90 դոլարից պակաս լինի նաև 2015-ին, նավթի ներկրումը ԵՄ կնվազի մինչև 425 մլրդ դոլար տարեկան կտրվածքով: Դա 80 միլիարդով պակաս է եվրոպական նավթային ներկրումից 2013 թ.: Նոյեմբերի 27-ին Վիեննայում տեղի կունենա ՕՊԵԿ հերթական գագաթնաժողովը, որի ժամանակ կքննարկվի նաև նավթի արդյունահանման քվոտաների նվազման հարցը: Ներկայիս քվոտան կազմում է օրական մոտ 30 մլն բարել: Կազմակերպության որոշ անդամներ, ինչպիսիք են Վենեսուելան կամ Իրանը, ինչպես նաև ՕՊԵԿ-ում դիտորդի կարգավիճակ ունեցող Ռուսաստանը, պնդում են, որ արդյունահանումը նվազեցվի գնի աճին նպաստելու համար: Ընդ որում, արաբական երկրները նախկինում հայտարարել էին, որ մտադիր չեն նվազեցնել արդյունահանումը՝ Սաուդյան Արաբիան հայտարարել է, որ պատրաստ է մեկ բարելի համար 80 դոլար գնին առաջիկա երկու տարում: Իսկ Քուվեյթը հայտարարել է, որ պատրաստ է հանդուրժել նույնիսկ 76-77 դոլար գինը մեկ բարելի դիմաց: Photo: Reuters Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Տավուշում բերման ենթարկված 13 անձից 8-ին ազատ են արձակվել․ Քաղաքագետ Սուրեն Պետրոսյանը ձերբակալվել է Սուրեն Պետրոսյանին տեսակցել է Մարդու իրավունքների պաշտպանը Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է |