ԵՏՄ-ն կարող է հրաժարվել դոլարից և եվրոյից 2 դեկտեմբերի 2014 - 10:36 AMT PanARMENIAN.Net - Եվրասիական տնտեսական միության տարածքում կարող են արգելել դոլարն ու եվրոն անդամ երկրների միջև փոխադարձ հաշվարկներում: Անցումը միայն ազգային արժույթով (ռուբլի, բելառուսական ռուբլի, տենգե, դրամ) վճարումների կարող է տեղի ունենալ 2025-2030 թթ.: Նաև առաջարկվում է հրաժարվել դոլարից ու եվրոյից ԵՏՄ տարածքում: Նման առաջարկ կա ԵՏՄ տարածքում վճարային համակարգերի զարգացման հայեցակարգի նախագծում, գրում է «Իզվեստիան»: Ըստ Ռուսաստանի Արդյունաբերողների և ձեռնարկատերերի միության նախագահ Ալեքսանդր Մուռիչովի, հայեցակարգը ենթադրում է մասնակից երկրների համար ընդհանուր վճարային տարածքի ենթակառուցվածքների ստեղծում, ինչը թույլ կտա վճարումները կատարել, հաշվի առնելով ազգային քարտային համակարգերի համատեղելիությունը, այդ թվում վճարային քարտերի նոր ստեղծվող ռուսական ազգային համակարգը և արդեն գործող «Բելքարտ» (Բելառուս) և Armenian Card (ArCa) համակարգերը: «Անհրաժեշտ է մասնակից երկրների բանկերի առջև հարց բարձրացնել միջպետական վճարային շրջանառությունից ԱՄՆ դոլարն ու եվրոն բացառելու վերաբերյալ: Ըստ առկա վիճակագրային տվյալների, փոխադարձ վճարային շրջանառության մոտ կեսը ԵՏՄ երկրների միջև կատարվում է օտար արժույթով՝ ԱՄՆ դոլարով և եվրոյով, ինչը մեծացնում է ԵՏՄ կախվածությունը համապատասխան տնտեսություններից»,-հայտարարել է Մուռիչովը: Հեռանկարում հնարավոր է, որ ԵՏՄ տարածքում մեկ միասնական արժույթ ներմուծվի: ՌԴ փոխվարչապետ Իգոր Շուվալովը ավելի վաղ հայտարարել էր, որ միասնական արժույթի մուտքը ԵՏՄ անխուսափելի է, թեև դրա համար, հավանաբար, կպահանջվի 5-10 տարի: ԵՏՄ երկրները դեռևս կհամակարգեն փոխարժեքային քաղաքականությունը հատուկ ստեղծված մարմնի՝ Արժութային քաղաքականության համակարգող խորհրդի միջոցով: Մայիսի 29-ին Աստանայում կայացած ԵՏՄ նիստում ստորագրվեց ԵՏՄ ստեղծման մասին պայմանագիրը: Հոկտեմբերի 10-ին Մինսկում Բարձրագույն տնտեսական խորհրդի նիստում ստորագրվեց ԵՏՄ-ին Հայաստանի միանալու մասին պայմանագիրը: Photo: РБК Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում Զբոսաշրջության կոմիտեի նախագահն ազատվել է պաշտոնից Պօղոսեանը նշանակվել էր պաշտոնում 2022–ի հունվարին Բագրատ սրբազանը՝ առաջնորդությունը քաղուժերին փոխանցելու մասին․ Թող գան, վերցնեն, ով ցանկանում է «Ես բոլորի հետ խոսում եմ»,–ասել է նա |