ԱՄՆ 17 նահանգ դատի է տվել Օբամային միգրանտների օրինականացման համար 4 դեկտեմբերի 2014 - 18:03 AMT PanARMENIAN.Net - ԱՄՆ 17 նահանգ դատի է տվել նախագահ Բարաք Օբամային միգրանտների օրինականացման համար: Նրանք ապօրինի են համարում նրա հրամանագիրը 4,7 միլիոն միգրանտների կարգավիճակի օրինականացման մասին: Թեխասի գլխավոր դատախազ Գրեգ Էբբոթի կարծիքով, նախագահը հրաժարվել է օրենքները կատարելու անհրաժեշտությունից և փորձում է վերանայել միգրանտների մասին օրենքը չունենալով դրա իրավունքը: Բացի Թեխասից, կոալիցիայում նաև ավանդաբար հանրապետականներին սատարող Ալաբաման է, Այդահոն, Միսիսիփին, Յուտան: Նրանց ներկայացուցիչների կարծիքով, ապօրինի միգրանտներին չի կարելի համաներում շնորհել, հայտնում է EANEWS.ru.-ն: Նոյեմբերին իր հեռուստաուղերձում Օբաման հայտարարեց, որ մտադիր է միգրացիոն բարեփոխում անցկացնել առանց Կոնգրեսի հավանության: Ըստ Օբամայի, եթե այդ ծրագիրն իրագործվի, մոտ 4 մլն րինի ներգաղթյալմիայն չի արտաքսվի, այլ աշխատելու թույլտվություն կստանա ԱՄՆ-ում: Դա վերաբերում է ԱՄՆ-ում ավելի քան 5 տարի ապրած ներգաղթյալներին, ինչպես նաև նրանց, ում երեխաները ԱՄՆ քաղաքացիներ են: Բացի այդ, ինչպես ասաց նախագահը, Վաշինգտոնը կպարզեցնի օրինականացման կարգը բարձրագույն կրթությամբ ներգաղթյալների ու գործարարների համար: «Եթե դուք համապատասխանում եք այդ պահանջներին, կարող եք դուրս գալ ստվերից և ապրել ըստ օրենքի: Եթե դուք հանցագործ եք, կարտաքսվեք»,-հայտարարեց Օբաման: Նա նշեց ներգաղթյալների ավանդը երկրի կյանքում՝ հավելելով, որ անհնար է արտաքսել բոլոր 11,3 մլն ապօրինի ներգաղթյալներին: Հանրապետականները հայտարարեցին, որ կփորձեն արգելափակել այս բարեփոխումը: Ինչպես գրում է The Wall Street Journal-ը, նրանք կարող են օգտագործել Սպիտակ տան վրա ճնշում գործադրելու համար դաշնային կառավարության ֆինանսավորման մասին օրինագիծը, որը պետք է հավանության արժանանա մինչև դեկտեմբերի 11-ը: Հանրապետակններից ոմանք առաջարկում են հայց ներկայացնել նախագահի դեմ, ապացուցելու համար նրա գործողությունների հակասահմանադրականությունը: Նոյեմբերի 20-ին Սպիտակ տան մոտ հավաքվել էր ներգաղթյալների ամբոխը: Իմանալով Բարաք Օբամայի որոշման մասին, նրանք սկսեցին անգլերեն և իսպաներեն վանկարկել՝ «Այո, մենք կարողացանք», վերաձևակերպելով Օբամայի նախընտրական «Այո, մենք կարող ենք» կարգախոսը: Ըստ NBC հեռուստաընկերության և Wall Street Journal թերթի հարցումների, ամերիկացիների 57 տոկոսը կողմ է այս որոշմանը: Հարցման մասնակիցների 74 տոկոսն ասել է, որ կողմ կլիներ այս քայլին, եթե ապօրինի ներգաղթյալները նախնական ոստիկանական ստուգման ենթարկվեին և վճարեին նախորդ տարիների հարկերը: Մյուս կողմից, Օբամայի այս որոշումը Կոնգրեսին շրջանցելով ընդունելու կարգին կողմ է արտահայտվել հարցման մասնակիցների միայն 38 տոկոսը, 48 տոկոսը դեմ է եղել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ֆասթ Բանկը մեկնարկել է դրամային պարտատոմսերի նոր տրանշի տեղաբաշխումը Բանկի պարտատոմսերը թողարկվել են 30 ամիս մարման ժամկետով Քաղաքացիները փակել են Երևան–Արմավիր ճանապարհը, Գյումրիում երթ է Մի խումբ քաղաքացիներ էլ երթ են անցկացնում Գյումրիում՝ կոչ անելով միանալ բողոքի ակցիաներին Բլինքենն Ալիևին կոչ է արել շարունակել բանակցել ՀՀ-ի հետ և ազատել անարդարացի ձերբակալվածներին Ալիևը «դրական է գնահատել ՀՀ հետ սահմանագծումը» և ասել է, որ «Ադրբեջանում շարունակվում են ժողովրդավարական բարեփոխումները» ՊՆ․ Բերքաբերից 1540 մ հյուսիս-արևելք պայթեցում է կատարվել Նախարորությունը նախապես հայտնել էր պայթյունի մասին |