Միջազգային փորձագետ. Միանալով ԵՏՄ-ին՝ ՀՀ-ն կամրապնդի տարածաշրջանային և միջազգային դիրքերը 5 դեկտեմբերի 2014 - 17:13 AMT PanARMENIAN.Net - Առաջատար միջազգային փորձագիտական ընկերակցությունների տվյալներով, երկրների զարգացումը շուկայական տնտեսության ժամանակակից պայմաններում շաղկապված է միջպետական ինտեգրացիոն գործընթացների հետ՝ հիմնված փոխընդունելի պայմանների վրա: «Հայաստանի անդամակցությունը Եվրասիական տնտեսական միությանը (ԵՏՄ) պայմանավորված է երկրի ազգային շահերը պաշտպանելու ձգտումով: Հետխորհրդային երկրների միջև վստահելի գործընկերային հարաբերությունների ամրապնդումն առաջնահերթություններից մեկն է Երևանի համար»,-վստահ է Պետերսոնի անվան Միջազգային էկոնոմիկայի ինստիտուտի փորձագետ Անդերս Օսլունդը: Ըստ նրա, տնտեսական միավորման շրջանակում Հայաստանը հուսալի ռազմական և ռազմավարական գործընկերներ կունենա, որոնք կարող են ընդհանուր շահերի պաշտպանությանն ուղղված համատեղ հզոր ռազմավարություն մշակել: Մինչդեռ Հայաստանում անդամակցությունը ԵՏՄ-ին դիտարկվում է որպես համաշխարհային առևտրատնտեսական տարածքում երկրի տնտեսական ներուժի ընդլայնում: Ապրանքների ու ռեսուրսների ազատ տեղաշարժը միջպետական միավորման շրջանակում և միասնական մաքսային տարածքը վերացնում է այն խոչընդոտները, որոնք դժվարացնում են ազգային տնտեսության զարգացումը: Բացի այդ, Հայաստանի եզակի դիրքը Կովկասյան տարածաշրջանում առանձնահատուկ է դարձնում Երևանի դերը ԵՏՄ արտաքին տնտեսական գործունեության համար: «Հայաստանի համակողմանի գործակցությունը տնտեսական ընկերակցության գծով իր գործընկերների հետ նոր հեռանկարներ է բացում ազգային տնտեսության համար»,-վստահ է Օսլունդը: Հայաստանի անդամակցությունը միավորմանը դրական գործոն է կոռուպցիայի մակարդակի ու ազգային էկոնոմիկայի մենաշնորհային ուղղվածության նվազման համար: Այս պայմաններում ապրանքաշրջանառության ընդլայնումն ու որպես հետևանք մրցակցության բարձրացումը բարենպաստ ազդեցություն կունենա ազգային գնագոյացման քաղաքականության վրա բնակչության առաջնային սպառման ապրանքների մեծամասնության համար: Բացի այդ, խոշոր ենթակառուցվածքային նախագծերն էներգաապահովման և բարձր տեխնոլոգիաների ոլորտում միջպետական միավորման շրջանակում իրական են դառնում: Ըստ փորձագետների, նոր ատոմակայանի կառուցման հեռանկարային նախագիծը թույլ կտա Հայաստանին էներգետիկ անկախություն ստանալ և դառնալ տարածաշրջանում էներգառեսուրսների ամենամեծ մատակարարներից մեկը: Այս ամենն ակնհայտ է դարձնում այն փաստը, որ Երևանի իրավահավասար մասնակցությունը ԵՏՄ-ին կամրապնդի Հայաստանի տարածաշրջանային և միջազգային դիրքերը: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին: Նոյեմբերի 14-ին Հայաստանի Սահմանադրական դատարանը Եվրասիական տնտեսական միությանը Հայաստանի անդամակցության մասին պայմանագիրը համարեց ՀՀ Սահմանադրությանը համապատասխանող: Պայմանագիրն ընդգրկվել է Ազգային ժողովի նիստի օրակարգում: Նոյեմբերի 21-ին ՌԴ կառավարությունը հավանություն տվեց ԵՏՄ-ին Հայաստանի անդամակցությանը: Դեկտեմբերի 2-ին ՌԴ նախագահ Վլադիմիր Պուտինը Պետդումայի վավերացմանը ներկայացրեց ԵՏՄ-ին ՀՀ միանալու մասին օրինագիծը: ՌԴ տնտեսական զարգացման նախարար Ալեքսեյ Ուլյուկաևը նոյեմբերի 25-ին հայտարարեց, որ նախարարությունը նամակ է հղել Եվրահանձնաժողովին, առաջարկելով նոր երկխոսություն սկսել Եվրասիական տնտեսական միության (ԵՏՄ) և Եվրամիության միջև էկոնոմիկայի և գործարար գործակցության վերաբերյալ: «Մենք պետք է ինտեգրացիոն ապագա որոնենք Եվրասիական տնտեսական միության ու Եվրամիության միջև: Ահա հիմա ձևովորվել է Եվրոպական ընկերակցության նոր հանձնաժողովը, մենք հուսով ենք, որ մեր երկխոսությունը կակտիվանա, մենք մեր եվրոպացի գործընկերների համար կազմել ենք օրակարգի մեր տեսլականը: Ես համապատասխան նամակ եմ հղել Եվրահանձնաժողովին»,- ասել է նախարարը: Նա պարզաբանել է, որ խոսքը գնում է միասնական տարածքի ձևավորման մասին առանց բաժանարար գծերի, ձեռներեցության զարգացման մասին, Ռուսաստան-ԵՄ երկխոսության վերսկսման, ինչպես նաև «Գործընկերություն արդիականացման համար» նախագծի շրջանակում գործակցությունը շարունակելու վերաբերյալ: Ի պատասխան ԳԴՀ կանցլեր Անգելա Մերկելը հայտարարեց, որ Եվրամիությունը պատրաստ է ԵՏՄ հետ երկխոսության: Հղումներ թեմայով. Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին |