  Իսրայելը, Սինգապուրն ու ՀՀ-ն աշխարհի ամենառազմականացված երկրներն են. Ադրբեջանը 10-րդն է 10 դեկտեմբերի 2014 - 14:49 AMT PanARMENIAN.Net - Բոննի Կոնվերսիայի միջազգային կենտրոնը (BICC) հերթական հետազոտությունն է հրապարակել մոլորակի ռազմականացվածության մակարդակի վերաբերյալ՝ Global Militarization Index 2014: Նախորդ տարվա տվյալների (կամ հասանելի ամենաթարմ տվյալների) հիման վրա պատրաստված վարկանիշը հաշվի է առնում մի շարք ցուցանիշներ, ինչպես, օրինակ, ռազմական ծախսերի հարաբերակցությունն առողջապահության ու կրթության ոլորտների համեմատ ՀՆԱ-ում, բանակի քանակակազմն ըստ բնակչության քանակի, ծանր սպառազինությունների ծավալը: Վարկանիշում ներկայացված է 152 երկիր: Առաջին տեղում Իսրայելն է, Սինգապուրը երկրորդն է, Հայաստանը՝ երրորդը: Տասնյակում են նաև Սիրիան, Ռուսաստանը, Կիպրոսը, Հարավային Կորեան, Հորդանանը, Հունաստանն ու Ադրբեջանը: ԱՄՆ-ն՝ 31-րդն է, Չինաստանը՝ 89-րդ: Իսրայելն ու Սինգապուրն արդեն մի քանի տարի շարունակ առաջին հորիզոնականներն են զբաղեցնում այս վարկանիշում: Հայաստանը 2012-ին հինգերորդն էր, 2013-ին չորրորդը, Ադրբեջանը նախորդ տարի 8-րդ հորիզոնականում էր: Հեղինակները նշում են, որ Հայաստանի ու Ադրբեջանի ռազմականացվածության բարձր մակարդակը ուղկեցվում է ռուսական զենքի մատակարարումներով երկու երկրներին: Հայաստանը ՀԱՊԿ անդամ է, երկրի զինանոցը հիմնականում բաղկացած է ռուսական և խորհրդային զենքից: Ադրբեջանը զենքի ու զինամթերքի 80 տոկոսը գնում է Ռուսաստանից: Սպառազինության առաքումների ծավալը մինչև տարեվերջ կարող է հասնել 5 մլրդ դոլարի: Վերջին տարիներին Ռուսաստանն Ադրբեջանին է վաճառել Т-90С տանկեր, զրահապատ մարտական մեքենաներ, «Мста-С» ինքնագնաց հրետանային սարքավորումներ, «Սմերչ» համազարկային կրակի ռեակտիվ համակարգեր, «Վենա» ինքնագնաց հրետանային համակարգեր, ТОС-1А կրականետ համակարգեր: Բաքուն զենք է գնում նաև Ուկրաինայից, Բելառուսից, Թուրքիայից ու Իսրայելից: Հղումներ թեմայով.   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Հանրայինն արգենտինացիների հետ համատեղ սերիալ կնկարահանի  Արգենտինայի հաղորդակցությունների պետական մարմնի հետ համագործակցության պայմանագիր է կնքվելՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նաՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |
