Դատարանի որոշմամբ Լևոն Հայրապետյանը կմնա տնային կալանքի տակ. Նա այժմ հիվանդանոցում է

PanARMENIAN.Net - Մոսկվայի Բասմանյան դատարանը երկարացրել է հայ ձեռներեց և բարերար Լևոն Հայրապետյանի տնային կալանքը մինչև 2015 թվականի ապրիլի 19-ը: Հիշեցնենք, որ նրան մեղադրոմ են դրամական միջոցները մսխելու և «լվանալու» մեջ «Բաշնեֆտի» գործով:

Դատավոր Արթուր Կարպովը դեկտեմբերի 10-ին բավարարել է քննության միջնորդությունը գործարարի խափանման միջոցը ևս 4 ամսով երկարացնելու վերաբերյալ՝ պահպանելով բոլոր սահմանափակումները:

Նիստում քննության ներկայացուցիչը հայտարարեց, որ նախաքննությունը չի կարող ավարտվել, քանի դեռ ուժի մեջ է տնային կալանքի մասին որոշումը, քանի որ հարկավոր է անցկացնել «մեծածավալ քննչական գործողություններ», այդ թվում «ստանալ իրավական օգնության տրամադրման մասին արտերկրից ստացված հարցումների պատասխանները»: Ըստ քննության, քրեական գործն առանձնապես բարդ է, քանի որ «կապված է հանցագործության վաղեմության հետ»: Գործում դեռևս 3 ֆիգուրանտ կա:

Քննիչը հայտարարել է, որ Հայրապետյանն այդպես էլ չճանաչեց իր մեղքը, սակայն «հաստատեց, որ Եվտուշենկովի խոստացած վարձատրության դիմաց մասնակցել է Ռախիմովի հետ նրա հանդիպման կազմակերպմանը»,-հայտնում է Ինտերֆաքսը:

Ինքը Հայրապետյանը քննության միջնորդության նիստին չի մասնակցել, քանի որ բուժում է անցնում հիվանդանոցում: Ինչպես նիստի ժամանակ հայտարարեց Հայրապետյանի դատապաշտպանը, իր պաշտպանյալի մոտ օնկոլոգիական հիվանդություն է ախտորոշվել:

«Լևոն Հայրապետայնն այժմ բուժվում է հիվանդանոցում, որտեղ հաստատվել է միզապարկի քաղցկեղ ախտորոշումը»,-հայտարարել է փաստաբանը:

Հուլիսի 24-ին գործարար Լևոն Հայրապետյանին, որին կասկածում են հափշտակումների և «Բաշնեֆտի» բաժնետոմսերի ապօրինի օրինականացման մեջ, ՌԴ Քննչական կոմիտեն մեղադրանք է ներկայացրել ՌԴ ՔՕ 160 (յուրացում և վատնում) ու 174 (փողերի լվացում) հոդվածների հատկանիշներով:

Ինքը գործարարն ու բարերարը հայտարարել է, որ իր հասցեին հնչեցված կասկածները ոչ մի ապացույց չունեն: Հայաստանում և աշխարհասփյուռ հայ համայնքներում Հայրապետյանին ազատ արձակելու պահանջով բողոքի ցույցեր տեղի ունեցան: .