AEFJD-ն կոչ է անում ԵՄ-ին Թուրքիային հստակ պայմաններ ներկայացնել Հայոց ցեղասպանության ճանաչման առումով11 հուլիսի 2006 - 19:31 AMT PanARMENIAN.Net - Եվրոպայի Հայկական Ֆեդերացիան (AEFJD) ողջունում է Եվրախորհրդարանի անդամների նախաձեռնությունը, ովքեր հայտարարել են Հայոց ցեղասպանության ճանաչման դիտարման անհրաժեշտության մասին` որպես Թուրքիայի` Եվրամիություն մտնելու նախապայման: «Մենք կոչ ենք անում Արտաքին հարaբերությունների կոմիտեի նրանց գործընկերներին նույն օրինակին հետեւել»,- հայտարարել է Եվրոպայի Հայկական Ֆեդերացիայի նախագահ Հիլդա Չոբոյանը: Նրա խոսքերով, քսան տարի առաջ Եվրախորհրդարանը բանաձեւ էր ընդունել «Հայկական հարցի» քաղաքական լուծման մասին, որը դիտարկվում էր որպես անանցալի խոչընդոտ Թուրքիայի համար ԵՄ-ին անդամագրվելու ճանապարհին: «Քսան տարի անց այդ հարցերը այդպես էլ չլուծված մնացին: Այսպիսի պայմաններում բանակցությունների շարունակությունը առանց դիմելու խնդիրների պատճառներին քաղաքական անոմալիա է հանդիսանում եւ պետք է ընդհատվի»,- նշել է Չոբոյանը: Եվրոպայի Հայկական Ֆեդերացիան ԵՄ գործադիր կառույցներին կոչ է անում հաշվի առնել հասարակական կարծիքը եւ Թուրքիային հստակ, քննարկման առարկա չհանդիսացող պայմաններ ներկայացնել, մասնավորապես Հայոց ցեղասպանության ճանաչման հարցում: Հակառակ դեպքում, Թուրքիայի ԵՄ անդամ դառջնալու ճանապարհին արված յուրաքանչյուր քայլ Եվրոպայի համար կնշանակի նահանջ սեփական հիմնական արժեքներից»,- ամփոփել է Հիլդա Չոբոյանը:Հիշեցնենք, որ երեկ Եվրախորհրդարանի հիմնական քաղաքական խմբերի ներկայացուցիչները հանդես են եկել Եվրամիությանը Թուրքիայի անդամակցության վերաբերյալ բանակցությունների օրակարգում այդ երկրի կողմից Հայոց ցեղասպանության ճանաչման մասին կետն ընդգրկելու օգտին: Պատգամավորները, մասնավորապես, կողմ են, որ Թուրքիայի կողմից Հայոց ցեղասպանության ճանաչման եւ առանց որեւէ նախապայմանի Անկարայի կողմից Հայաստանի շրջափակման վերացման մասին հարցերը ամրագրվեն Բրյուսելի հետ բանակցային շրջանակներում որպես ԵՄ-ին Թուրքիայի անդամակցության նախապայման: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |