Կառավարությունն իր պայմանավորվածությունները կատարել է. Շրջանառության հարկի դեմ բողոքողները նստացույց են հայտարարել30 հունվարի 2015 - 13:33 AMT PanARMENIAN.Net - Հունվարի 30-ին Կառավարության հերթական նիստին ՀՀ վարչապետ Հովիկ Աբրահամյանն անդրադարձել է «Շրջանառության հարկի մասին օրենքի» հետ կապված առևտրականների դժգոհություններին` ֆինանսների նախարարի տեղակալ Վախթանգ Միրումյանին հարցնելով, թե որքանով է արդար նրանց պահանջը: Վերջինս ներկայացրել է, որ փոխզիջումային տարբերակ է նախատեսվել. պետությունը նվազեցրել է հարկային բեռը, փոխարենը փաստաթղթավորման պարտադիր պահանջ է սահմանվել: «Երկրորդ խնդիրն այն է, որ տնտեսվարող սուբյեկտները դժգոհում են, թե գույքագրման սահմանված ձևը մատչելի չէ»,-ասել է նա և նշել, որ վարչապետի հանձնարարությամբ իրենք նայել և բավականին հեշտացրել են այդ ձևը: «Երրորդ խնդիրը իրազեկման հետ կապված հարցերն էին»,-թվել է փոխնախարարն ոի հավելել, որ այս ընթացքում ՀԿ-ների հետ բազմաթիվ հանդիպումներ են ունեցել և իրազեկվել է այն ընթացակարգը, որոնցով պետք է առաջնորդվեն: Հովիկ Աբրահամյանն իր հերթին հանձնարարել է կառավարության ներկայացուցիչների հետ հանդիպում կազմակերպել և տեղեկատվություն տրամադրել: Նա փաստել է, որ կառավարությունն իր պայմանավորվածությունները կատարել է, գրում է Tert.am-ը։ Զուգահեռ Կառավարության շենքի դիմաց ընթացող ցույցի մասնակիցները վանկարկում էին «Կասեցում, կասեցում»: Բողոքի ակցիայի կազմակերպիչներից Արտակ Խաչատրյանը հայտարարել է, որ մինչև օրենքի կասեցումն ինքը նստացույց է հայտարարում և փորձել է մոտենալ կառավարության շենքի աստիճաններին, սակայն ոստիկանները թույլ չեն տվելնստել այնտեղ: Ակցիայի մասնակիցներից շատերն են միացել նստացույցի նախաձեռնությանը, գրում է Panorama.am-ը: Այնուհետև առևտրականներից կազմված 10-15 հոգանոց խումբը Քաղաքացիների ընդունելության և դիմումների քննարկման վարչություն պետ Ալեքսանդր Ղազարյանի առաջարկով բարձրացել է վարչապետի մոտ` հարցը ներկայացնելու: Արդեն չորրորդ օրն է, ինչ ՓՄՁ ներկայացուցիչները բողոքի ակցիա են անցկացնում «Շրջանառության հարկի մասին» նոր օրենքի շրջանառության մեջ մտնելու դեմ: 2014-ի հոկտեմբերի 1-ին ուժի մեջ էր մտել «Շրջանառության հարկի մասին» ՀՀ նոր օրենքը, ըստ որի առևտրային գործունեություն իրականացնող ՓՄՁ-ների և ընտանեկան ձեռնարկատիրության համար շրջանառության հարկը 3,5%-ից նվազել է մինչև 1%: Միաժամանակ, տնտեսվարողները պարտավորվելու են գործունեություն ծավալել հստակ փաստաթղթաշրջանառությամբ: Բողոքի բազմաթիվ ցույցերի արդյունքում Կառավարությունը հոկտեմբերի 9-ի նիստում հավանություն է տվել «Շրջանառության հարկի մասին» օրենքում փոփոխություններ և լրացումներ կատարելու մասին» օրենքում փոփոխություն կատարելու մասին» ՀՀ օրենքի նախագծին, որով առաջարկվում է երկարացնել օրենքի կիրառության անցումային դրույթների գործողության ժամկետը: ՓՄՁ-ների համար մինչև պարտադիր փաստաթղթավորման պահանջի գործողությունը ձեռք բերված ապրանքների գույքագրման պահանջը այս տարվա հոկտեմբերի առաջին տասնօրյակից երկարաձգվում է մինչև 2015 թվականի փետրվարի 1-ը: Նոյեմբերի 11-ին ԱԺ նիստում Կառավարության ներկայացրած «Շրջանառության հարկի մասին» ՀՀ օրենքում փոփոխություններ և լրացումներ կատարելու մասին օրենքի կիրառության անցումային դրույթների գործողության ժամկետը 110 կողմ, 1 դեմ և 9 ձեռնպահ քվեարկությամբ հետաձգվեց մինչև փետրվար: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |