Սիրիայում և Իրաքում ԻՊ առնվազն 7.000 գրոհային է ոչնչացվել 9 փետրվարի 2015 - 13:05 AMT PanARMENIAN.Net - Սիրիայում և Իրաքում միջազգային կոալիցիայի գործողությունների արդյունքում վերջին մի քանի շաբաթում ոչնչացվել է «Իսլամական պետության» առնվազն 7 հազար գրոհային: Այդ մասին հայտարարել է Հորդանանի ՌՕՈւ հրամանատար գեներալ Մանսուր Սալեհ ալ Ջաբուրը, հայտնում է Լենտա.ռու-ն Associated Press-ի վրա հղումով: «Իսլամական պետություն» խմբավորումը, որը մինչև վերջերս կոչվում էր «Իրաքի և Լևանտի իսլամական պետություն» (ISIS), իրաքյան սունիների ապստամբ խմբերի գլխամասային կազմակերպությունն է, որը ստեղծվել է 2006 թ. հոկտեմբերի 15-ին: Խմբավորումը իշխանության հավակնություններ ունի 18 իրաքյան գավառներից 8-ում, որտեղի բնակչությունը հիմնականում սունիներ են: Կազմակերպության ստեղծմանը մասնակցել է «Ալ Քայիդան» և նրա հետ կապված «Շուրա մոջահեդների խորհուրդը»: Գլխավոր նպատական է օկուպանտների և նրանց դաշնակիցների արտաքսումը և իսլամական շարիաթական պետության ստեղծումը Իրաքի սունիների գավառներում: 2010 թվականի մարտին ավիահարվածի արդյունքում ոչնչացվեցին խմբավորման երկու առաջնորդները՝ Աբու Օմար ալ Բաղդադին և եգիպտացի Աբու Այուբ ալ Մասրին: Նոր առաջնորդ դարձավ մարոկացի Ան Նասեր Լիդինիլ Աբու Սուլեյմանը: «Մենք ոչնչացրել ենք լոգիստիկ կենտրոններ, զենքի պահեստներ ու գրոհայինների ապաստարաններ»,-հայտարարել է նա: Ըստ Ալ Ջուբուրի, ընդհանուր առմամբ կոալիցիայի ավիացիան կատարել է մոտ 5 հազար մարտական թռիչք: Ըստ Հորդանանի բանակի տվյալների, կոալիցիային արդեն հաջողվել է ոչնչացնել խմբավորման ռազմական ներուժի մոտ 20 տոկոսը: Ավելի վաղ ԻՊ կողմնակիցները 5 լուսանկար և տեսանյութ էին տարածել, որտեղ իբր պատկերված էր հորդանանցի օդաչու Մոազ Ալ Քասաբեհի ողջակիզումը, որին գերեվարել էին ԻՊ գրոհայինները: Ի պատասխան Հորդանանը 56 ավիահարված է հասցրել Սիրիայում և Իրաքում խմբավորման ռազմավարական կենտրոններին: Հորդանանը միջազգային կոալիցիայի անդամ երկրների թվում է, որոնց ուժերը 2014-ի օգոստոսից ավիահարվածներ են հասցնում գրոհայինների դիրքերին Իրաքում, իսկ սեպտեմբերից նաև Սիրիայում: 2014-ի ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Զինված հակամարտությունն Իրաքի հյուսիսում սկսվեց «Իսլամական կազմակերպության» գրոհից հետ Մոսուլի ուղղությամբ, որն ահաբեկիչները գրավեցին հունիսի լույս 10-ի գիշերը: Ըստ որոշ գնահատականների, 1300 զինյալներ գրավեցին Նայնավա գավառի կառավարական հաստատությունները, բանակային օբյեկտները և Մոսուլի միջազգային օդանավակայանը: Մոտ 500 հազար բնակիչներ փախան քաղաքից: Գրոհայինները զանգվածային մահապատիժներ են իրականացնում Իրաքի բանակի զինծառայողների ու բնակիչների շրջանում գրավյալ տարածքներում: Հայտնի է առնվազն մի քանի հարյուր սպանվածների մասին: Մարտական գործողություններն ուղեկցվում են զանգվածային բնաջնջմամբ: Ըստ արևմտյան երկրների ԶԼՄ-ների, հակամարտության գոտում արդեն մոտ 10 հազար քրիստոնյա ու եզդի է սպանվել: Photo: AP Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |