Հայաստանում սպառողական գները հունվարին աճել են 2,5 տոկոսով

9 փետրվարի 2015 - 14:24 AMT

PanARMENIAN.Net - 2015-ի հունվարին սպառողական գների ինդեքսը Հայաստանում նախորդ ամսվա համեմատ աճել է 2,5 տոկոսով, հայտնում է Ազգային վիճակագրական ծառայությունը:

Ըստ հաղորդագրության, սպառողական գների աճը պայմանավորված է պարենային ապրանքների 4,5-տոկոսանոց թանկացմամբ: Իսկ ոչ պարենային ապրանքների սակագներն ու ծառայությունների գները նախորդ ամսվա համեմատ աճել են 0,5 տոկոսով:

Սպառողական գների ինդեքսը 2015-ի հունվարին 2014-ի հունվարի համեմատ կազմել է 104,3 տոկոս, այդ թվում, պարենային ապրանքներինը (ներառյալ ալկոհոլային խմիչքներն ու ծխախոտը)՝ 105,3 տոկոս, ոչ պարենայինը՝ 102,4 տոկոս, իսկ ծառայությունների ոլորտի սակագները՝ 103,2 տոկոս:

Ըստ պետբյուջեի, սղաճը Հայաստանում 2015-ին ծրագրված է 4 տոկոսի մակարդակում (±1,5%):

Մինչդեռ 2014-ի դեկտեմբերին Տնտեսական մրցակցության պաշտպանության պետական կոմիտեի ղեկավար Արտակ Շաբոյանը, ներկայացնելով հետազոտությունների արդյունքները, պատճառաբանեց գների փոփոխությունը փոխարժեքի տատանումներով:

Ըստ նրա, հատուկ ուշադրություն է դարձվել ապրանքային շուկաներին, որտեղ գործունեություն են ծավալում խոշոր ընկերությունները: Ինչպես նշել է Շաբոյանը, կոմիտեն հետևում է, որպեսզի բացառվեն հակամրցակցային գործողությունները: Մասնավորապես, ուսումնասիրվել են շաքարի, կարագի և ձեթի, թռչնամսի, սուրճի, ալյուրի և այլ շուկաներ:

Ինչպես նշել է Շաբոյանը, նոյեմբերի վերջից մինչև դեկտեմբերի 10-ը հայկական արժույթի արժեզրկումը նպաստեց գնաճին: Ըստ նրա, հետազոտությունների արդյունքները ցույց են տալիս, որ գնային փոփոխությունները տատանվում են 2-13 տոկոսի սահմաններում:

Հղումներ թեմայով.

http://www.armstat.am/file/doc/99491288.pdf

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով