  ՀՀ-ում ԱՄՆ նորանշանակ դեսպանը մտադիր է սերտորեն զբաղվել ղարաբաղյան կարգավորմամբ 10 փետրվարի 2015 - 11:15 AMT PanARMENIAN.Net - Օրերս Վաշինգտոնում երդմնակալության արարողության ժամանակ Հայաստանում ԱՄՆ նորանշանակ դեսպան Ռիչարդ Միլզը հրապարակել է իր գործունեության գերակա ուղղությունները. ղարաբաղյան հակամարտության խաղաղ կարգավորում, աջակցություն ազատ և բարգավաճ Հայաստանի կառուցմանը, որը խաղաղ կապրի հարևանների հետ: Միաժամանակ Երևանը մեղադրում է Բաքվին վստահության ամրապնդմանն ու հրադադարի պահպանմանն ուղղված ԵԱՀԿ Մինսկի խմբի համանախագահների նախաձեռնություններից հրաժարվելու մեջ, գրում է «Նեզավիսիմայա գազետան»: «Երևանում իմ առաջնային գործը կլինի ջանքերի համակարգումը ՄԽ ամերիկացի համանախագահ Ջեյմս Ուորլիքի հետ, հասկանալու համար, թե ինչով կարող ենք դեսպանությունն և անձամբ ես նպաստել բռնության բռնկումների նվազեցմանը և խաղաղ կարգավորման ուղիներ գտնելուն»,-հայտարարել է Միլզը: Նա նշել է. ԱՄՆ քաղաքականությունը Երևանի հարցում պարզ է՝ ազատ և բարգավաճ Հայաստան, որը խաղաղ ապրում է հարևանների հետ: «Դրան հասնելու համար իմ նախապատվությունը կլինի աջակցությունը ՀՀ կառավարությանն ու ժողովրդին ժողովրդավարության ու օրենքի գերակայության ապահովմանը Հայաստանում, տնտեսության ազատականացմանը և մի շարք գործընկերների, այդ թվում ԱՄՆ հետ, առևտրի ընդլայնմանը»,-ասել է Միլզը: Միլզի խոսքերը տարբեր մեկնաբանություններ ստացան Հայաստանի փորձագետների շրջանում: Ոմանք դրանք համարում են նորանշանակ դիվանագետի «հերթապահ» խոսքեր, իսկ նրա հայտարարված նպատակներն «ավելի հեշտ է հայտարարել, քան կյանքի կոչել»: Սակայն ոմանք Միլզի հայտարարություններում նկատում են ներհայաստանյան քաղաքական կոնյուկտուրայի փոփոխությանն, Լեռնային Ղարաբաղում ստատուս քվոյի խախտմանն, Հայաստանում և համապատասխանաբար Հարավային Կովկասում ԱՄՆ դիրքերի հզորացմանն ուղղված միտումներ: Ժամանակը նպաստավոր է, հիմնավորում են նրանք իրենց կարծիքը, քանի որ Գյումրիում ռուս զինվորի կողմից հայկական ընտանիքի սպանությունից հետո հարաբերությունները Երևանի և Մոսկվայի միջև լավագույն վիճակում չեն, գրում է պարբերականը: ԵԱՀԿ Մինսկի խմբի համանախագահներ Իգոր Պոպովը (ՌԴ), Ջեյմս Ուորլիքը (ԱՄՆ), Պիեռ Անդրիեն (Ֆրանսիա) հանդիպել են ԵԱՀԿ գործող նախագահ Իվիցա Դաչիչի և ԵԱՀԿ գլխավոր քարտուղար Լամբերտո Զանիերի հետ: Ինչպես գրել է Twitter-ի իր միկրոբլոգում ամերիկացի համանախագահ Ջեյմս Ուորլիքը, միջնորդները տեղեկացրել են ԵԱՀԿ գործող նախագահին ղարաբաղյան հակամարտության գոտում իրադարձությունների վերջին զարգացումների մասին: «Մենք բոլորս համամիտ ենք, որ անհրաժեշտ է թուլացնել լարվածությունը»,-գրել է նա: Իվիցա Դաչիչի հետ հանդիպեց Մյունխենի անվտանգության համաժողովի աշխատանքներին մասնակցող ԱԳ նախարար Էդվարդ Նալբանդյանը: Զրուցակիցները քննարկել են ղարաբաղյան հիմնախնդրի կարգավորման գործընթացին առնչվող հարցեր և այդ համատեքստում նախագահության աջակցությունը ԵԱՀԿ Մինսկի խմբի համանախագահների ջանքերին։ ԵԱՀԿ գործող նախագահը խորը մտահոգություն է հայտնել հակամարտության գոտում լարվածության աճի առնչությամբ և կարևորել 1994թ. մայիսին ձեռք բերված համաձայնագրով հրադադարի ռեժիմի լիարժեք ապահովումը։ Նալբանդյանը նշել է, որ չնայած եռանախագահող երկրների ղեկավարների բազմաթիվ կոչերին, Բաքուն շարունակում է իր առավելապաշտական գիծը՝ արգելակելով բանակցային գործընթացը։ Ավելի վաղ Մինսկի խմբի համանախագահները հադես էին եկել հայտարարությամբ փետրվարի 5-ին Մյունխենում ՀՀ ԱԳ նախարար Էդվարդ Նալբանդյանի հետ հանդիպման ավարտին: հայտարարության մեջ միջնորդները «տագնապով են նշել միջադեպերի քանակի աճը շփման գծում և հայ-ադրբեջանական սահմանին, այդ թվում բնակելի թաղամասերում: «Մենք նաև քննարկել ենք նախարարի հետ նման միջադեպերի նվազեցմանն ուղղված միջոցները»,-ասվում է հայտարարության մեջ: Մասնավորապես նշվում էր, որ կողմերը պետք է միջոցներ ձեռնարկեն ուղղաթիռի խոցման միջադեպի կրկնությունը բացառելու համար:  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Սյուժե Վերջին լուրեր Սամվել Բաբայան․ Փաշինյանը վաղուց պետք է հրաժարական տար  Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակըՀամաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքներըՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակումՌուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |
